Mr. Taxi 是如何煉成的?

(原載於:HKORIGINALS
作者facebook 帳號

(史兄出品必含粗口字,慎入)

 

這是《女子組合的起與落》的續篇,要明白先要自己去爬文。 話說年頭講到女子組合既活躍壽命最多11年,之後都係似植物人咁名存實亡…所以乜野少女時代,有得睇好睇埋呢兩年⋯⋯

由上年一月到而家:

1。香港出現左N隊女子組合(Super Girls,Super Gear,As One;仲有隊出左一年多,但已經換左成員既MVG)

2。少女時代 plug 左三首新歌:Time Machine,Paparazzi,Flower Power

 

我係面書將香港出現既女子組合都作出過評語。結論係:d 歌唔夠洗腦。而少女時代個三首歌,比起之前既無咁hit,無咁襟聽。你唔需要懷疑我對少女時代既忠貞:普天之下,Yoona 第一,薜凱琪第二,Sooyoung 第三。順帶一提,林嘉欣曾經是第一,要到這賤婦她下嫁了人才正式除牌。薜凱琪新人時我已經喜歡她(獅子座的流星雨?),我仲記得佢係地鐵車廂既玻璃有賣大頭廣告嫁⋯⋯

我有一個好簡單問題:乜野先係夠 hit,夠洗腦既歌?

 

經典組合我搵返上次篇文裏面既全球受歡迎女子組合,我搵左當中六隊 – Spice Girls,Atomic Kitten,All Saints,TLC,Girls Generation,AKB48 – 最流行既歌黎分析。無左S.H.E.(無一首hit到爆),Speed (日本歌),Twins (中文歌)。大家唔鍾意既Twins 再唔存在咧,滿意未?然後搵呢六隊最受歡迎既歌曲既共通之處。

最流行歌曲的定義,頭係根據佢地單碟的銷量同係不同地區既細碟榜排名計算。佢既首本名曲分別為(連結為相關唱片銷售情況):

Spice Girls:Wannabe (http://en。wikipedia。org/wiki/Spice_Girls_discography)

Atomic Kitten:Whole Again (http://en。wikipedia。org/wiki/Atomic_Kitten_discography)

All Saints:Never ever (http://en。wikipedia。org/wiki/All_Saints_discography)

TLC:No scrubs (http://en。wikipedia。org/wiki/TLC_discography)

呢幾首歌既單碟全球銷量,係以百萬計。當中最好銷量應該係 Spice Girls 既Wanna,有六百萬。而家唱片既銷量,多則幾萬,少則幾十。根據維基百科,以physical single 計算,無一隻碟係2005年或以後可以賣到5百萬張以上;當然好多人買歌係去 iTunes 拉。

由於有互聯網,msn,icq,youtube,youporn,thisav,整個娛樂事業既運作模式有所改變。我曾經研究過 SMTown – 少女時代所屬總公司既帳目 (韓國納斯達克版上市,篇號 041510)。佢地收入有大概80-90% 來自表演,剩餘的10-20%來自唱片及專利品/廣告。當然,少女時代係iTunes 既歌好似係免費 – 所以令相關比例較低。不過,這正好顯示你要賺錢唔可以淨係靠賣唱片。

 

係分享網站面世後先出現既女團Girls Generation 同AKB48,我就以youtube 流覽次數最多既官方MTV計,搵左:

1。Girls Generation:Gee;youtube九千萬views即係全香港人平均每人睇過12次…我相信我係少數達標既人

2。AKB48:Heavy Rotation;youtube 八千萬views

根據維基百科,AKB48最好賣既單曲,並非Heavy Rotation。不過呢首AKB迷稱之為「重口味」既歌,係因為佢個MTV有一班未發肉或者身材超差既小妹妹着晒內衣咁拍MTV。你無睇錯,我無打錯:唔係泳衣,係內衣。同埋根據 AKB迷既解釋,「重口味」最能代表AKB,播呢段音樂 = AKB。大概係孖寶兄弟個段 「登登登登登登登」 (居然用同左個字七次黎代表一段音樂… 我知你已經跟住哼左出黎)。

3 。Girls Generation:仲有首Mr。Taxi。六千萬views。

原因?我鍾意佢地,所以搵左兩首,吹咩?唔計呢首點寫到呢篇文既標題?

 

我研究佢地既名詞,睇左無限咁多次youtube,睇埋佢既歌詞。佢地既首本名曲,有以下四大共通處:

(點擊放大)

 

(1) 不能是慢歌

未必全部係快歌,起碼唔係慢歌。你去聽下 TLC 首 No Scrubs,Atomic Kitten 首 Whole Again,仲有All Saints 首 Never ever 個旋律同節奏似到呢…快/中板節奏歌有幾個用途。

 

第一,快歌,歌既速度夠高(嘩,真係發現新大陸。),快到你根本無閒思索。詞可以亂。快歌既詞多數係廢既。歌詞一點也不重要。不計韓文你聽不懂,你就算知道歌詞,都唔會知道 Mr。Taxi 講乜。又唔係講的士司機,大概係講渣架的士可以周圍去咁…

第二,快歌可以俾女子組合跳舞。人能夠同事掌握的事情有限,眼一集中望女,乜都聽唔入耳,淨係聽到好似有D旋律。唔明我講乜?你有冇試過係街度望女仔,你女友叫極你都聽唔到,淨係知道有聲音不斷重複?咪臭係呢個意思。

 

你去聽下AKB48 首Heavy Rotation… 屌你老味,大島優子連開頭個四個英文字:one,two,three,four,都讀到似屎… 不過,邊有人埋佢唱乜?

 

(2) 歌名要夠短

上述七首歌,歌名最短只有一個發音。短既目的,係易記,方便洗腦。

 

(3) 英文

未必全部係英文歌,但一定要有英文既歌詞,而呢個英文歌詞一定要係歌名。英文發到音就得。Gee 點解?Mr。Taxi?Heavy rotation?com’on。英文係全世界都多人用既語言。

 

(4) 重複

歌就梗係重複,旋律同歌詞都要重複。最重要係,歌名要不斷係歌詞中重複。不斷重複,不斷重複,不斷重複,不斷重複,不斷重複,不斷重複,直到永遠,阿們。

歌名越短,重複次數越多。當中以少女時代既歌最重複同乞人憎,不斷重複又重複的 (Ha!Ha!Ha!,Run,Genie)。Gee重複左Gee 58次。天,是58次!

 

這便是女子組合煉成洗腦歌的四大條件。這四大條件是 Malcolm Gladwell 那本 Tipping Point 中,第三個法則 “The Stickiness” 的重要原素,快歌重複歌名短,就會印在大家的腦海。記著,這只是為代表好歌有這幾個共通點。並不是說有這幾個共通點便一定是好歌。就以重複來說,不知所謂地重複,會變成乞人憎 -  《食軟雪糕》出現81次食軟雪糕便是個乞人憎到極點的例子;恒源洋那個十二生肖廣告,也是失敗作品。少女時代最多在歌詞中出現的歌名,叫 Ha!Ha!Ha!,一首歌 ha 足百幾次 – 我係講真既 – 煩撚到你仆街。當然,有另一些因素對於一首歌會否變成大熱,相當重要 - 歌手的樣貌,唱功,旋律是否動聽,個排係咪興呢樣野。不過這些因素很難有客觀的方法去量度 – 你話 Hyuna 正D,正 Yoona 靚D?不容易量化,很難有基礎去討論。

這是從過去廿年,七首女子樂團的大熱作品歸納出來的。雖然參考的數目少得可憐,但結果一致得恐怖。我相信除非出現大變數,這四個條件具一定普遍性。事實上,四大條件幾乎可以用係過去三千年最紅既pop music:

1。Oppa Gangnam Style (Psy) – Gangnam Syle 出現33次。

2。Baby (Justin Bieber) – Baby 出現 56 次。

呢兩首歌分別係youtube 最多人睇過既第一 (11億view。btw,featuring Hyuna 成歌係度雞叫個個都有2億⋯⋯)同第二位影片(8億)。

點解女子樂團仲要plug 慢歌?當作是過場可以,千萬不要妄想可以成為派台大熱作品,無 。可 。能 。的。慢歌洗唔到人腦,紅唔起。梗有人可以反地心吸力係空中飛,不過做到個個係超人。大佬,女子組合唱快歌起家係有原因嫁,後生女跳舞有absolute advantage,而且幾個人有個唱甩句都唔覺。再者,後生女邊夠功力唱慢歌 (有功力就唔使組合拉 – 除左 SHE)。

收窄一點,看大中華市場 – 可以不計要有英文歌詞這個前提。過去三十年,最紅既快歌係邊首?

有冇一首歌紅得過城城既 對你愛不完?

屌你個愛字出現左31次,加埋love 12次(乜野love 唔等於愛?做愛都係叫make love呀!),一共 43次;愛愛愛 都出現 8 次。一個愛到黑,邊有可能洗唔到腦?

又,你可以想像Twins 第一首歌唱《女人味》個市場會有反應?無可能。除非阿嬌係出左輯相先出道拉。

———

再用少女時代多說一點。少女時代今年plug 三首歌:Time Machine,Paparazzi,Flower Power。

Time Machine:慢歌。完。

Paparazzi:歌名太長,而且只出現係歌詞一次。

Flower Power:快歌,有英文詞。但太多英文詞 (spider,flower),而且 flower 重複次數太少。不過三首歌中,呢首最貼近四大條件。

你可以唔信我,但唔可以唔信hard facts:

Time machine mtv (smtown a/c): 1.2 mn view count (4個月)

Paparazzi: 3.5 mn view count (1個月)。順帶一提,呢個係三個MTV 最少view count 個個。三個夾埋大概有19 mn view count。

Flower power:2.9 mn view count (1個月)。加埋另一個約10。5 mn view count (至12月日),共有 13.8mn view count。

ok,我錯了。Paparazzi 個mtv 最多人睇。哈哈哈哈。點解決?無嫁,我等諗下先。

———

本地女子組合點評 這是我早前在面書上的評語。我炒了冷飯,作了一點整理,在這裏再貼出來…

As one

Super Girl

SuperGear

MVG

 

1。Super girls

中文名叫⋯⋯ 超女時代。唔可以話人抄,畢竟好多野真係人做乜你做乜。但改個名可唔可以唔好叫「時代」?叫時期,春秋,戰國,就咁叫「超女」都好呀?你個名明明無「時代」兩個字…

1。疑似隊長物體,竟然係短髮女生,成個Miki 咁。我寫包單,無成功既女子組合一出道就係以短髮吸引人。

2。有個身型如incredible hulk 既女生。而家係女子組合唔係Avengers 呀,俾條衭佢著得唔得?但佢個樣偏偏最有潛質。最右邊呢個:

仆街… 仲有個28歲,真係扮中女都嫌你老。另外個樣似乖女既Yanny(左二)應該可以係娛樂圈玩一陣⋯⋯ 只要佢唔好遇到陳冠希。

youtube 搵到三首歌。愛情潛水(慢歌,可以完全不理);話愛就愛(唔重複,唔係英文);Be my love (呢首似樣)

佢首Be my love,係首創戴半隻膠手套。少女時代後來首 paparazzi 都係抄佢嫁渣。嗱,呢D野咪又係抄黎抄去!唔知點解我聽呢首歌,明明係五個人一齊唱,我淨係聽到一把聲。

 

總結:成員質素好差,普遍地差。完。

 

2。As one

佢地至今得一首歌,catch me up。首歌好有潛質,中晒四樣 – 雖然首歌唔算十分洗腦。至今四十幾萬 view。幾多水份,幾多係我禁既,唔知。但以呢首歌計,成績算幾好。

 

舞跳得不錯。原來師傅係Sunny (郭富城個排舞師),咁算跳得好差… 不過佢可以出一個 catch me up (Dance version)。睇得出真係識跳舞,對自己跳舞好有信心。拜託,唔好plug 慢歌。

可惜…女⋯⋯ 好醜。堅醜。金毛個個似鄭融+衛蘭醜版;隊長似張美妮,但對眼分得太開⋯⋯ 好似相距五光年咁。另外兩個,唔靚,超醜,似係要搭夠四個咁。無個靚好難搞,更慘係四個個樣都無乜性格。

HotCha 既經驗話左俾你聽,單憑跳舞係香港唔能夠紅到發紫。四個一樣唔靚,性格唔突出,身材唔出眾,真係祝你好運。

 

3。Super Gear

我搵左佢個facebook page 好耐,原來佢個名 supergear 係一個字… 中文名⋯⋯ 非凡少女。少女呢兩個字,就黎好似超級撒亞人咁一街都係,真係有身份證就可以做少女。

呢隊比任何隊伍更似AKB48… “組合成員的數目並沒有固定,而每一位成員都代表一個齒輪,藉着齒輪與齒輪互相扣的關係和推動的時候, 使令組合產生強大的力量,與此同時齒輪數目不斷增加,組合的規模亦變得越來越強大,正正切合”Super Gear”的命名。”

第一首派台作品,係慢歌,仲要係國語。好撚野。

第二首,哈哈鏡兵團。夠無撚厘頭。首歌比我見過任何一個MTV更加AKB48。佢個MTV 同 真夏之sounds good… 分別係… AKB全體著泳衣…不過著泳衣並唔代表一定好睇。AKB48班女身材好差,一致地差。真係好差。


至於女,咁多,個個又差唔多樣;再加上我認人咁差,真係好難逐個講。我用1080睇左個MTV五次,見唔到邊個好凸出囉

1。最正個個叫Irina,佢都只係普通女仔…

2。個樣最老既(Ling)居然係隊長。

3。Milky 成個鍾舒曼咁…

4。十個有九個個英文名我都唔識讀。Sin (原罪)?Kinki (經期)?Wingb (低b)?Jay (周杰倫)?Kaii?真係有人叫自己叫獃子?

5。佢地既身材真係拍得住AKB班友。仲有,班人無一個排牙係齊既。

仆街… 睇個MTV真係好受罪,對眼真係好撚澀…

農曆就黎,又係春銘既時候,抽中大獎個個同事要用30吋芒睇呢個MTV三次先可以拎到份獎品。我對眼呀~~

 

4。MVG

一年幾就換左人,連個website (www.mvg.hk)都摺埋… 唔使再浪費時間寫了。

 

總結

篇文原本無總結,上面就咁完左。不過責任總編偷睇完我篇文,問點解篇文完得咁奇怪。我話,

「下,要寫既都寫完咧喎。咁唯有話寫男子組合囉。」

其實我對男子組合毫無興趣,所以唔會寫。不過可以講多一點 gangnam style。一個其貌不揚,似魯芬錢國偉多過似正常人既男歌手主唱,一首無厘頭到抽根既歌,居然紅到仆街。係秦國聽到,度q度都聽到。是個驚喜。早前己有人用 Tipping Point 理論解釋過這現象,解釋得很好。

不過,”上帝要你滅亡,必先要你瘋狂”。psy 係碌爆晒全球對韓流的熱誠同興趣。點解我咁覺得,對唔治,無得解。

希望少女時代下年仲可以食埋尾注,黎香港開多次演唱會拉。到時大家最熟個首,都係 Gee 同 Mr。Taxi 嫁咧。

———

 

後記:

Girls Aloud 第一篇係輔仁貼左出黎,有人留言,話我遺漏了 英國 的女子組合 Girls Aloud

係無包括 Girls Aloud,因為我唔撚識 (一吃虧就講粗口,呢D人唔要得)。不過睇返相關記錄,Girls Aloud 似乎只係係英國特別紅,而出左歐洲呢⋯⋯ 應該麻麻。我估無人會懷疑 Spice Girls,Atomic Kitten,TLC,同 All Saints 真係世界性既女子組合。當然你可以話 Twins 同 S。H。E。都只係係華人世界紅,少女時代同AKB 都只係地區性,但無辦法,咁一個人既認知有限。對唔治囉。

不過,睇返 Girls Aloud 既特徵,不論組合人數 (3-4個),佢地既出道年齡 (17-21歲),高峰 (2008年?) 之後都係半退休狀態。第一篇講既野,大致上都正確。

完。

關於作者:史兄

史兄
80後,機緣巧合成為第一代博客。博客群組《香港原人圈》成員之一。2013年出版首本著作《婚姻這種邪教》,2014年出版第二本著作《辦公室七不思議事件》。空餘時以玩弄excel表為樂(多麼變態的嗜好)。無聊之下與友人共同開發app「求偶大作戰」,無厘頭地登上《蘋果日報》A1頭條。世上就有如此多不可思議的事......:FB 個人帳號:兄史(!)史兄史臉書2號(aka後備戶口)史兄FB 專頁史兄主理「捐條毛做善事」FB PAGE

我有回應

則留言

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。