雖然執筆之時，十大勁歌金曲頒獎典禮仲正在進行中，但我睇到一D 有趣既情況，決定走番次數，先寫為快。
本來成件事依家先講都out out地，不值一提，但係我講我要講既野之前，之去一去片：
段片相信好多人都睇過，我就唔再故意慢慢詳細講發生左咩事同後續，但唯一我一定要提既係，佢話因為覺得商台造馬，唔公平而唔去叱吒頒獎禮。
一開始，我都以為只係張丹（蜂鳥音樂創辦人同GEM既經理人）唔妥商台而令到GEM杯葛叱吒頒獎禮，GEM只不過係夾心。
但諷刺地，當GEM杯葛叱吒既同時，佢同時出席左2個公信力更低既頒獎禮：十大勁歌金曲頒獎典禮同埋新城勁爆頒獎禮。
GEM高舉頒獎禮「言行一致」既重要性，黎攻擊商台唔公平，相信GEM出席新城，就係因為新城頒獎禮夠「言行一致」。
新城勁爆頒獎禮，一直都出名太公分豬肉，出席既人人有份。每一年，不論有冇出碟／歌，男女老幼，大紅大紫定半紅不黑，又或者只係揸的士，只要出席，就一定有獎攞。而係GEM表達香港頒獎禮既看法前，佢又走左去出席新城頒獎禮，更加攞左3個獎，完全符合頒獎禮「言行一致」。
TVB 螢幕截圖
GEM又係片到概嘆同不滿香港頒獎禮變質，但我不得不問，點解你又去變質變得最勁既十大勁歌金曲頒獎典禮？GEM不滿商台偏幫自己人而唔去叱吒頒獎禮，係十大勁歌金曲頒獎典禮上，你又何嘗唔係個個「自己人」？你剛剛又攞左十大勁歌金曲獎1同最受歡迎唱作歌星銀獎喇～仲有，商台今年再偏幫極都頂多係專業推介到俾左草猛／軟硬（首歌不過不失，但值唔值有獎見仁見智），會唔會見到商台DJ既歌攞哂至尊歌曲，DJ歌手攞歌手金獎？
EKEE即使係2011年出道，商台又有冇俾獎佢？（註：EKEE係2011年仲係商台DJ），睇下TVB，林峯係TVB既培植下，已經做左3年亞太區最受歡迎男歌星，再加一首金曲金獎，話造馬，TVB定商台勁D？TVB造馬造到咁，你又去？等我地放長雙眼，睇下佢下星期去唔去港台頒獎禮？
一開始出道，我覺得GEM真係近年難得一見識唱歌既女歌手，但係唱左幾年，發現佢唱既歌十居其七八都同情愛有關，歌路，歌喉冇突破都算，依家仲要言行不一，為獎而嘈，我就知道，我已經唔洗再對GEM有咩期望。
GEM：今晚我是其中一個表演嘉賓，所以很興奮很期待！很感謝TVB從我出道時就一直給我很大的支持，很多表演的機會，我真的很珍而重之每次讓觀眾看到我表演、聽到我的作品的機會！當然也謝謝一直支持我的你們，還有謝謝公司上上下下每一位！對了，今天跟側田的合作真的很盡興，你們喜歡嗎？（GEM FB圖片，轉載以釐清評論對象）
後記：佢攞獎之後，講左呢段說話：
呢首係我0係TVB得0既第一首金曲，呢個社會上發生好多唔公義o既事，你打開報紙都見到，有大蝦細、打壓，我覺得唔應該屈服0係任何權力之下，你係咩身份，都有權取爭想要o既o野。
我就不予置評，請自己理解。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2013年1月14日
