近日Youtuber 司徒夾帶拍咗條短片，片尾最後2分幾鐘講咗佢對香港而家個大環境嘅睇法，隱喻香港而家俾中共殖民。片段一出，有接近4萬人次睇過，仲有多過3300個Like；轆落去睇其他Youtuber的意見，大家都覺得司徒夾帶嘅一番話實在醍醐灌頂，點醒咗佢哋。
大家仲記唔記得，3年前反高鐵運動果陣，有首歌叫做《廿七籤》？呢首歌係由前灣仔區議員、現香港電台主持金佩瑋一手包辦，其中一句歌詞，是咁的：
財團以錢謀權 人民抗爭求轉 重尋合理公平 反抗再殖民
唔記得？錯過咗？唔緊要，仲有多一個機會。
2012年9月27日，《壹周刊》刊登李柱銘一篇專訪，標題為「香港西藏化」。我擇咗以下一段內容，節錄佢對香港被殖民嘅睇法。
另外，中共在解放西藏後，移居了大量漢民往西藏，務求令當地人民變成少數分子，難以向中共說不。而早在回歸前，中共便已透過每天一百五十個單程證配額，慢慢「移民」來香港，對於這批「移民」，特區必須照單全收。
大家每日對住一個走數政權，太多香港人後知後覺足以令成個香港一鑊熟；當大家有一日發覺原來香港係衰係自己懶惰身上果陣。唔好意思，相信到時香港已經玩＿完。
如果你開始覺得香港人已經係被殖民嘅，請係諗一諗過去15年，我哋有幾多嘢係拱手雙攘俾中共依附佢嘅人玩晒，香港人自己拱手相讓仲要feel good？
民生上，中石油、中石化、Pacific Coffee、中移動、中聯通、華潤、國美、蘇寧、青年客車……你總會逃避唔到事但一樣；經濟上，銀聯就快連你張提款咭都轉埋方便大陸人讀你咭偷資料，投資同專才移民過嚟炒高樓價又做晒高薪厚職；文化上，我哋有幾多人曾經一窩蜂學普通話，學寫簡體字，仲話用普通話教中文好過用廣東話？我哋而家用幾多「出台、打造、組群、素質、和諧……」嘅詞語？如果嫌太複雜，請你感覺一下，15年前維港兩岸嘅大廈招牌同今日比較，邊個你覺得有國際味道？
唉，香港唔少人成日自言搵錢好叻，但係就睇住成個香港違反晒經濟學最基本嘅「分散風險」原則，認真諷刺。
金佩瑋唱，聽唔入耳；李柱銘講，話有陰謀。
好啦，當你識得上網，
林忌講，唔理；黃世澤講，話佢痴線；無代堂講，話佢荒謬；我拍片，就更加係WFC…
而家司徒夾帶講香港係被中共殖民，你終於接收到個訊息。
思考公共事務果陣，最重要係睇理據同說理，而如果只係基於主觀嘅感覺、或態度好定唔好，又或者仍然係崇尚所謂嘅權威，咁香港命運認真堪虞。
如果你而家醒咗，就請你堅決戒除呢個思想懶惰，一點都不能鬆懈。
我好記得，一個泛民幕後人物同我講香港現狀嘅分析：靠佢果一代香港人，只可以喺大陸嘅大石壓落嚟果陣，喺條空隙度頂一頂住；而頂住嘅人，就只會越嚟越少，最終我呢一代人都會俾舊大石壓死。
講到呢度，令我諗起電影《Daybreakers》裡面，人類淪為血液工廠被榨取血液嘅生物，俾世上為多數嘅殭屍飲用我哋嘅血。無論係頂大石或者俾人飲緊血，香港人都係正在接近呢個悲慘境況。既然你醒咗，就請你做多少少嘢去撐一撐住其他喺度幫你撐緊嘅香港人。食住花生等香港一鑊熟，歷史將會為香港呢個民族寫下一頁污名。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2013年1月24日
