終於有人(幾乎)煉成了Mr. Taxi

(原載於:http://relgitsjg.xanga.com/771403121/item/
原人圈網站
作者facebook 帳號

史兄出品必含粗口字,慎入

 

如果發覺睇上面張圖分唔清邊個打邊個,唔好怪自己。我都係上左三堂韓文,學D手抱細路咁玩左兩堂playgroup,再睇左三本書先分到佢地九個。

話說我寫左兩篇有關女子組合既文章,第一篇第二篇

居然有第三篇。不過這篇是應用,是use of english,是實戰,是野戰,用來試驗我寫的所謂四大洗腦條件。篇幅也比較短(好了,寫左五十個字仍然係廢話)。

But my friends, please take a deep breath and watch the following video. Promise me you don’t stop, don’t go to toilet, don’t close the browser or just walk away. Keep the sound on, and don’t close your eyes. This is probably the most important 3:08 in your life.

Here we go…

 

屌,做乜撚野呀?

我知呢個係大家既感想。因為當初有人話我知呢個video,我係無心理準備既情況,一路睇一路講粗口,食左半包煙,分開左四次先睇得晒。

好撚難頂呀屌你!個D粧發生乜野事,似太平清醮班細路出遊咁?又,可唔可以唔好扮可愛?可愛既人係唔會化濃過三希樓麻辣湯底既粧。化個咁既粧扮可愛,令人有一拳打爆個芒既衝動。

仆你個街,我居然仲要去google 搵呢幾餅野。雖然我認為呢十一餅野先可以叫cookies,但根據維基百科,佢地叫做 Honey Bees,係2010年成立,為家燕媽媽藝術中心旗下少女組合(點解維基有D咁撚無聊既野?)。你啱啱睇完既呢首歌,叫Honey。

睇返上一篇文,成為女團組合大熱既洗腦歌曲,有四個條件 :

1. 不能是慢歌。

2. 歌名夠短 : Honey。再中

3. 英文歌詞 : Honey。再中中。你知道其他歌詞說什么嗎? 全是狗屁不通的廢普通話。我睇完幾次都唔知佢啱乜。

4. 重複 : Honey 出現左16次。中中中中。除左句英文,你鬼聽到其他野咩。

那麼這首歌大熱嗎?

13.7萬view。

呢個數字多撚過睇睇完成本施政報告既香港人 – 我講緊係咁多年以黎施政報告既總讀者。13.7萬view,當然唔能夠同世界組女團比(少女時代I got a boy唔夠一個月有三千萬view,當中4290個來自我)。不過,司徒夾帶一年前的短片,大多是十多萬views;Eminleo 的粗口版足球小將,最近一兩集也是十萬頭views。

更重要是,這首Honey 的觀看次數,比起同樣係本地女子組合SuperGirls的Be My love(5.4萬)同SuperGear 既哈哈鏡兵團(6.8萬)的總view 數還要多…以一個沒有宣傳,沒有上過勁歌金曲、成班似哈佬喂扮鬼既小朋友組合,成績真係好撚好。香港個D女團真係要好好檢討一下,點解比唔上一班係電視城三廠,幾乎無背景,得兩三隻豆泥木馬做道具的小朋友。

當然,這首歌也夠洗腦…我看完一次,又看了一次…才驚覺原來它乎合女子組合煉成洗腦歌的四大條件。聽完幾日,腦海不斷重複著I’m your honey 那句歌…好辛苦呀屌你老母。那個四大支柱理論經得起事實的驗證,不會錯的。

可惜,這個組合就是算漏了一件事…真正大紅大紫既女子組合,成員都在18-21歲出道,咁先係百中選一既禾花雀…而Honey Bee,最大個個16歲,真係差少少就衰11,仲有幾個手抱既啤啤仔係度跳舞。喂,擺左滿月酒未呀? 一邊係度跳舞,一邊扮可愛,真係睇到我打冷震。戀童係好撚恐怖既一件事。仲有,佢地最高同最矮個個,高度相差三個頭,岩岩參參,一支高一支低,望落去似年初一舞龍舞獅個D梅花樁咁。

仲有…你有冇覺得D衫好熟面口?D舞呢?屌你老味,根本就係少女時代〈Mr. Taxi〉既制服。真係差頂帽渣。

 

除左少女時代渣車同落錶個兩個動作無抄(即係唱 “Mr. Taxi Taxi Taxi” 個陣既舞步),成套舞幾乎全數抄撚晒,連做心飛吻勾腳既動作都絲毫無遺漏,當中仲要加插埋其他歌的舞步,真的無話可說…睇住幾個哈比人跳Mr. Taxi,欲哭無淚,心在滴血…我覺得這已經不是抄襲了。已經超越抄,越過了Mr.,成為影印機,成為Ricoh,成為卡卡西,成為plagiarism 了。上到法庭,真係唔需要舉證,陪審團就可以一致裁定被告謀殺罪名成立,當庭槍斃好了… 什么超女時代,超級少女都唔撚係抄;呢d先叫copy。

真係唔好問我佢地靚唔靚。佢地真係細路黎嫁渣屌你老母!究竟D老頭老母諗乜?佢地係咪全部都係少女時代既fans?定係覺得個女上左電視,以後就可以平步青雲?我唔知而家d 人點湊細路。上面Honey Bees個MTV 有超過二千人dislike 個comment。小朋友一舊飯,你老頭老母叫佢做乜,佢地咪做。現在看來,是老頭老母推自己d 仔女出去俾人dislike。虎毒尚且不吃兒;某些父母推自己女兒落火坑,大概還會對著螢幕讚好。

半歲去playgroup,一歲讀phonics,三歲學微積分;但十二歲都未識扣鈕同綁鞋帶。星期一三五練琴,二四六吹蕭,六日書法 + 英文 + 跳舞,年中無休。這便是現在小朋友的童年。我讀幼稚園,A for Apple,G for Girl;而家 A for Astronaut,G for Giraffe – astronaut 同 giraffe 我要用spell check 先串啱。係呀,Astronaut 係好深,問題係 : 你一生人裏面會用幾多次呢個字?唔係中國有幾個蛋散上過去大氣層,好多人連嫦娥奔月係乜都唔知。長頸鹿仲好笑,荔園拆左起樓之後香港仲有咩?要學不如學Tyrannosaurus(暴龍類)啦。現在的小朋友最大問題是懂深不懂淺。我沒有找個相關統計,但我肯定過去十年小童被獨留在家中而發生傷亡的事件,比之前的十年多。為甚麼?家中的電器多了?小童的智商低?窗口闊了?一味教佢地專門技巧同技術,對於生存和生活是甚麼,半點也不懂。我唔知道原來唔好係窗口玩,係要人話俾你知既。辦公室七不思議事件(連載中:12)所說的,就是時下年青人的問題 – 完全不懂現實生活中簡單的生存技巧與人際關係。香港人欠缺容忍力 – 我們的容忍在過去十五年、經歷三個不知所謂的特首、每天面對不同的蝗禍後已經耗得一乾二淨 – 有甚麼要試要練,你最好回家關門搞掂先出黎。小妹妹,如果你覺得有二千幾個dislike好慘,回家多謝你們的父母吧。

最後,我想講句:我唔撚係戀童癖呀屌你。如果睇左個MTV就係戀童癖,咁你班仆街全部都係咧!

你知點解一開始要叫你地一定要睇晒拉…

———-

 

Xanga 版的bonus

順帶一提,我看比較有機會成功的那隊As One,第二首派台歌叫Red Hot Hits…就是上世紀九十年代,我讀初中個陣,萬寶路red hot hits 那幾首串埋一齊…

睇既時候居然諗起王百鳴同許冠文呢塊人,睇睇下好似望到電車拖卡呀…

可唔可以唔好著平底鞋?本身已經唔算高,一著成班矮晒。無人鍾意睇幾件四呎半既腳短女生跳舞。兩分半鐘後,個mtv 風格黎左個18000度轉變,完全唔同晒,完全暴走。

 

 

哈哈哈,係咪覺得俾我昆撚左呢?好咧。講返件趣事。

前兩日同卡爾食飯(卡爾即係去夜總會唱k,唱唱下發脾氣,喊住自己一個人走撚左去個個)。農曆年就到,佢提起放假。

「史,你14/2, 15/2,放唔放假?」

「下,情人節放假?」

「係呀,放兩日,有十鳩幾日假喎。」

「痴線,情人節我唔會放假。」

「點解?」

「屌你老味,你放假,就係去做你想做既事 - 去旅行好,訓下覺好,係屋企鳩hea 好。你情人節放假,你情人梗會跟住放 - 容乜易你放假係會為上午去會另一個情人?

好咧,咁你情人節個日,成日都會同你情人一齊渡過,做情人節做既野。唔係做愛喎,做愛做唔到一日嫁。結果如果你情人節放假,情人節有成一整日;情人節返工,情人節得夜晚6-10,六分一渣。

結果放假仲慘過返工,放黎做乜?

當然,我懷疑好快會俾人問個日放唔放假。

我命休矣。

———-

(啓事 : 以後新的文章會先放原人圈的 blog,過兩三天才放到 xanga1。另外,我會重新整一下之前寫落的文章,係 原人圈 blog 來個大雜燴

原人圈 面書 群組:https://www.facebook.com/TheHongKongOriginals

原人圈 blog:http://www.hkoriginals.hk/

  1. 編按:至於幾時放輔仁由總編心情決定~一般一定遲過XANGA

關於作者:史兄

史兄
80後,機緣巧合成為第一代博客。博客群組《香港原人圈》成員之一。2013年出版首本著作《婚姻這種邪教》,2014年出版第二本著作《辦公室七不思議事件》。空餘時以玩弄excel表為樂(多麼變態的嗜好)。無聊之下與友人共同開發app「求偶大作戰」,無厘頭地登上《蘋果日報》A1頭條。世上就有如此多不可思議的事......:FB 個人帳號:兄史(!)史兄史臉書2號(aka後備戶口)史兄FB 專頁史兄主理「捐條毛做善事」FB PAGE

我有回應

則留言

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。