雷鼎鳴的老母真的是女人嗎？

（原載於：每日一膠）

雷鼎鳴今日在晴報寫了篇垃圾文章，題目叫做「香港真有奶粉荒嗎？」，令我深有同感；由於這篇雷到爆的文章實在太強勁啦，令林忌忍唔住手，寫了篇「雷鼎鳴的老母真的是女人嗎？」來贈慶，希望研究一下神奇教授的思維。

1.雷鼎鳴說：「不少媽媽都說隨時可買到奶粉，若說偶然缺貨，通常是局部地區性的，或是指某品牌只適合某年齡的。」

林忌回應：「不少地球人都說隨時可以食到糧食，若說人偶然出飢荒或災害，通常是局部地區性的，或者某國家某年紀的。」－－ So? 餓親幾個 BB 唔係問題，係唔係呀雷生？如果雷生當日係飲奶粉大的，我好希望你娘親當日可以餓你幾日，等你明白咩叫冇奶飲的感受；如果當日你娘親係餵你飲母乳的，我希望你娘親可以冇野食幾日，等你感受下你娘親冇奶餵你的感受，或者神奇教授覺得廿一世紀的發展地區冇奶飲唔係咩大問題，甚至嬰兒飲唔到奶都唔係咩問題，原始人都成日捱餓啦，非洲大把飢民餓幾個月都唔死得啦呵？雷鼎鳴，我開始想研究一下，你真的是人嗎？

2. 雷說：『兩年前日本大地震後香港也出現過「盲搶鹽」，港人跟風之快，世上無與倫比。就算奶粉供應充足，只要有傳媒說缺貨，大家寧可信其有，不可信其無，搶貨以作保險也十分理性。』

林忌回應：「哦，原來係傳媒老作呀？係，香港冇奶粉問題，一隻呃人的奴材自己弄虛作假，就當全香港人都係度弄虛作假，抗議的媽媽全部都係講大話的嗎？你睇咩論壇呀？有幾多媽媽，我地身邊的朋友辛辛苦苦的經歷你當係作故仔？咩人來o架呢個？

用雷鼎鳴的標準，我都要檢查下證據，先證明你老母係女人，再證明你係人，否則我當你係假的，全部都係火星來的，明哂！」

3. 雷說：「香港奶粉的轉口量就算10倍甚至100倍於本地消費，慣於面對世界的香港市場為甚麼便不能應付？」

林忌回應：「笑左，你雷鼎鳴出來應付囉，為甚麼不能應付？你雷鼎鳴自己食女性荷爾蒙產奶，或者自己養牛，或者自己去走私囉，咁好商機，我地唔想阻你發達，你快轉行去賣奶粉啦，我地唔阻你發達o架！」

4. 雷說:「有價值便有商機，港人最聰明的做法是怎樣把這品牌價值搶回自己手中，而不是被水貨客吸走。」

林忌回應：『就舉搶到最勁的美素佳兒金裝一號為例，香港賣 $280 港紙，大陸走私貨賣 $280 人民幣，賺乜野？人民幣同港幣之間的差價咋，你估你大學份糧呀商機？唔好在大學誤人子弟，去走私啦商機！

大陸走私貨同香港賣的價錢差兩成咋，點解？因為正式報關都係 15% 關稅 + 17% 增值稅即 33% 的差價，所以走私貨再搶手，都不可能炒高於正式入貨，除非出現大缺貨啦

如果有大缺貨，即係全球走私佬都入唔到貨，你雷鼎鳴邊度邊奶粉出來呀？自己食女性荷爾蒙揸 D 「雷鼎雞兒」出來啦！』

由撐國民教育，去到今日支持走私奶粉，呢位雷鼎鳴真係每況愈下！雷鼎鳴支持國民教育嘛，原來係教走私？走去呃你熱愛的中國政府的錢？走去你的國難財？好好地一個經濟學的教授唔去呼籲中國廢除外國奶粉關稅與增值稅，令奶粉可以在中國大陸自由流通，等大陸人可以上網合法訂奶粉，反過來要幫走私集團賺呢 D 害港害民的錢？我真的想問，雷鼎鳴的老母真的是女人嗎？雷鼎鳴真的是人嗎？

作者：林忌@每日一膠

每日一膠．荒謬的香港創立於 2006 年 7 月，作者為林忌，本博客的所有文章版權，除了轉載其人的著作以外，均屬林忌擁有；但亦歡迎所有非牟利的轉載，只要加上連結注明出處即可。 每日一膠的目標與宗旨，就是要清理香港一切荒謬的膠事，既以嘻笑怒罵的手法，卻不偏離嚴謹及準確的邏輯分析，祝願各讀者能夠化憤怒為笑意的同時，保持心靈的一點清明，把事實的真相看得清清楚楚。 林忌是香港本土作家，是近年提倡本土主義的創作人，專長法律、政治、歷史及音樂，多見報於《蘋果日報》，美國自由亞洲電台以及《動向》雜誌。此外從事《福佳始終有你》等二次創作的開創者 作風低調不務虛榮，謝絕一切上鏡訪問；及至其他，歡迎加入 facebook 聯絡作者；其餘的花邊小道流言，請君一笑置之，傳媒切勿引述錯誤資料，特此通告。

閱讀後覺得好，請多多讚好及分享～：）