戴教授建議嘅其中一個條件，係一人被捕萬人自動投案。我先唔計差佬同用律政係唔係真係會告呢個問題，淨係呢一個門檻已經係違反香港人有事走佬嘅慣性。假設行動者唔走數的話，就係要所有參加者一齊去差館投案。由細到大俾老師教要「奉公守法」，到老豆老母就教你「生不入官門，死不入地獄」嘅香港人，又點樣因為「普選」呢個道德感召而去衝破呢塊膜呢？而且走數又唔會受到實質譴責，走數嘅誘因實在太大喇。