〔林非解籤〕車公靈籤：九五簽．下簽

香港電台即時新聞：劉皇發在車公廟為香港求得下籤

（香港電台圖片）

2013年車公給香港的靈籤。

===========================

九五簽．下簽
駟馬高車出遠途，今朝赤腳返回廬；
莫非不第人還井，亦似經營乏本歸。

解曰：宜慎小人．凡事不利．
斷曰：家宅頗豐．占病防送終．自身頗悲．出入無功．婚姻不合．求財虧本．
先吉後凶．損失慘重．赤腳有因．入歧欠聰．

自身：困境　　　財運：會破財　　訴訟：破財不順
行人：未至　　　生育：未得身孕　出行：會有意外
事業：不順　　　姻緣：恐會離異　家宅：是非多
搬遷：不宜遠遷　疾病：小心血光

「駟馬高車」，係指用四匹馬拉既靚車，極言一開始係幾咁風光，幾咁巴閉咁去出遠途，就好似港府成日大鑼大鼓話喜迎自由行呀，某條撚樣仲不停邀功話自由行靠佢爭取返黎呀，扮晒風風光光咁。

今朝赤腳返回廬，白到唔使解，辛辛苦苦三十年，一朝回到暴動前，今年睇黎會有金融龍捲風或者金融地震之類，震到大家都赤腳。

莫非不第人還井，不第點解唔還鄉係還井？真係連投井既心都有埋了！亦似經營乏本歸，做生意輸到甩褲，呢句對香港人黎講最敏感。即係蝕錢喎！

赤腳有因，有咩因？港府剛愎自用囉，自大囉，不民主囉～！

入歧欠聰，車公開到聲叫你班友好心就醒少少……

財運，破財，股樓兩方面都有出現泡沫
訟訴，破財不順，梁振英發律師信事件應該無日無之，下一個好有可能就正正係車公
生育：未得身孕，梗係啦，一街都豉油含，樓又貴，住都無得住，生咩？
出行：會有意外，聞說特首現時在外度歲……
家宅是非多，又係唔使解
疾病小心血光，剛剛聽到大陸有兩個人中左禽流感…… 以大陸既「反應」可能係一頭半個月之前既事，期間都唔知有幾多人周圍走傳黎傳去……

作者：林非

離經，不欲縛於經書舊說，欲自成一家自成一經。八十後，以追求人生自由之道為己任。

閱讀後覺得好，請多多讚好及分享～：）