（原載於：堂前燕FB PAGE）
（photo via cc Flickr user Moyan_Brenn）
2月14情人節，剛巧又是上班日，最矚目的不是今晚去邊度食飯，而是Office 邊個女同事有沒有收花：單身四十六年的老頂Sophia 依舊無花收唯有全公司男同事一人一舊以祭寂寞的心；人靚聲甜身材正的Katrina 以束花連續三年蟬聯本中心女神寶座，不過非常遺憾風頭完全被已婚但收到兩束不明來歷愛你的人上的Daisy 蓋過。
「妖，都話左叫佢唔好送架啦！」
「係囉，一早叫佢唔洗搞咁多野。」
HR 的八婆雙星Cathy、Connie 晨咁早已經攞住果束揼佢地男朋友心口得黎既戰利品巡遊咁由十二樓殺到上十七樓，不過花王Katrina 半路殺出留力都完全收曬佢地皮。
下午兩點，飯後戰況蔓延，連平時戴副眼鏡斯斯文文粒聲都唔出的Jessica 都開始蠢蠢欲動偷偷Whatsapp 向男友求援。三點前後援兵逐一殺到，最激莫過於Marketing 的中女Amy 獲男朋友當場求婚 － 嘩屌你老母，又一個兄弟戰死沙場，吾等致以最崇高敬意。
作為男性，在理性上我從來不明白手裡拿著一大束植物的生殖器有甚麼好興奮，而縱使我有時揸住自己的生殖器會幾興奮，但這班以擁有愈多生殖器為榮的女性卻大多厭惡她們雄性同類的相同部份。如果有機會，我諗我真係應該撥個輪去平機會問下有無涉及歧視 － 甚至乎，我覺得送我自己的生殖器遠比送一束植物的那話兒有誠意得多。
情人節送花有點像清明重陽去拜山，我們其實不知道棺材裡面的先人喜歡甚麼，但人燒我燒，於是乜鳩紙扎妹仔、仿真Iphone統統燒落去 － 或者燭光晚餐、送花送鑽戒不一定是每對情侶的歸宿，畢竟我們過的是情人節，不是人情節，實在沒有必要做一場大龍鳳去取悅那些我們根本不在意的旁人，right？
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2013年2月14日
