（原載於：婷欣你好）
見到有人寫文批評公開試份中文作文卷，老老實實，唔止「作文」唔係真正「寫作」啦，經歷過公開試既考生，都會知道根本考中文唔係中文，考英文又唔係英文，咁考咩呀？考你識唔識考試囉。
中文唔夠無厘頭，英文先係最離奇，果份Practical Skill（類似DSE英文Paper 3），好多人都話呢份卷係英文差既人既救星，點解呀？因為佢根本唔係考英文囉！考咩呀？筆速囉！Practical Skill 根本係英文版實用文黎，用差唔多成十頁資料寫篇文，淨係睇晒佢加埋間重點都玩死你，個marking 成幾十個point 有分，你唯一要做既就係對住疊資料搏命抄搏命抄，寫得快好世界，唔好同我講咁樣叫考「英文」？我識得唔少英文勁既朋友都衰係呢份卷手上面。
成個公開試入面最最最最最睇運氣既就係中英文小組討論，一個唔好彩遇著D奇怪group mate就大 _ 鑊。個人覺得最恐怖又最常見既情況有兩種：第一，遇到勁人唔可怕，遇到成組都係把口撬極唔開既先係最安已不，接落黎你要做定心理準備十幾分鐘自己solo，唔好以為問一句〝Candidate A, do u have any opinion? 〞就可以拯救到你，佢極其量都係繼續唔出聲，或者回你一句〝Oh yes I agree with you.〞；第二，就係遇到唔知做乜要黎考既大叔大嬸，係討論過程裡面佢地會認為自己係長輩，唔該你地尊重我，一句唔該就打斷你講野，一係就無論你講乜都回你一句：「少年，你太年輕了，你識條毛咩？」
咁其他科呢？想考得好，生命中不能避免不停操paper、操paper同操paper，仲有背marking、背marking同背marking。講咁多野，有咩結論？就係公開試唔係考你識幾多野，係考你識唔識考試。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2013年2月20日
