（原載於：堂前燕FB PAGE）
（photo via cc Flickr user Ernst Moeksis）
有理由相信，撇除行街和打麻雀之外，渣打馬拉松是Macy 一年一度做運動的日子。平日行多兩步樓梯都屌曬鬼的她對馬拉松的熱情可以由Facebook 上一張張化行個妝曬著低胸短褲仔聲稱去練跑的J圖上見到。
若果不去深究著住長筒cons 點跑或者如何在一小時的練跑裡面自拍173張相，在「原來跑都可以咁好玩」的caption 以及墊曬砵仔糕的谷胸曬腿自拍照點綴下，可以令一個行多兩步都話驚小腿粗的女人去練下跑其實幾感人。
清晨時份，Macy 打鑼咁早已經上咗Facebook 打卡。唔該借借唔該借借，霸住頭位的Macy 在起跑一刻沒有理會後面幾千男人的前仆後繼並以45度角高抄V字手自拍起跑一刻。
妖，唔好行住，等我影張相先 － 說時遲那時快，被Macy塞死曬的人龍一起步就仆曬街。
跑了大概一公里，聲稱苦練多時既Macy已經頂唔順開始行。
Macy 是我平生見過第一個能夠一邊做運動一邊拿著相機自拍的人 － 不，就算是美斯、C朗和占士都做不到，就算是的士陳跳舞果陣都唔得。
雖然沒有堅持跑落去，但Macy 堅持在Facebook 上全程直播，她一路行一路影相，唯美的PS重裝甲自拍配以淒美caption：就算世界末日，我都唔會放棄 － 好一個勵志故事。若果淨係睇佢Facebook 的話，我直頭覺得佢辛苦到唔係跑緊十公里而係去緊取西經，我都懷疑到底Macy 係咪同我係同一個時空跑緊同一條賽道。
唉，好攰呀，唔跑啦，我等巴士算。
我不知道Macy 最後有沒有上巴士，但記者的鏡頭卻捕捉到她的身影，就好似漆黑中既螢火蟲一樣：四肢僵硬口吐白沫全身抽畜的她倒在地上，雖然面容扭曲，但手上仍緊緊握著電話自拍。
那個moment，我終於明白那句caption：原來跑都可以咁好玩。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2013年2月24日
