致各位香港小姐

（原載於：堂前燕FB PAGE）

（photo via cc Flickr user flatworldsedge）

香港很多小姐的問題是把自己當成香港小姐，她們會提出一些離譜到你心諗做乜鳩的要求：動輒十萬八萬的手袋、幾十萬的豪華婚禮、名車接送住豪宅、shopping埋單找卡數，半夜M痛速遞湯水宵夜 － 屌，三更半夜邊度有湯水賣呀？搵囉，於是你明知聽日要返工見客仲要三、四點周街搵然後成個鐘車程送到佢屋企樓下。

點解你痛你唔睇醫生呀？你又唔係第一次黎，我知我要打飛機都down定套AV啦，你明知個個月果幾日都痛可唔可以一早買定你要用既野呀？做人可唔可以有啲責任感？依家你M痛定我M痛呀？仆街，我半夜想打飛機急call你黎你係咪黎呀？你黎我黎，我講既。

她們把很多不切實際的要求美化為考驗男人的誠意，但大佬呀，你唔係考驗緊我誠意，你係考驗緊我生命。

試過約一位女性去食飯，同樣作為打工仔的她提議去某間貴到甩碌的餐廳，我老實說，太貴，不如去第間，誰知她一面不屑的跟我說：我覺得如果你連果小小錢都唔肯出咁無誠意既話，呢餐飯食唔食都罷。

各位香港的小姐，我想告訴你們香港小姐其實是個很毒害人的節目，無論是站在物化女性叫十幾個女人著住泳裝在台上比主持評判輪流抽水評頭品足，或者它所宣揚的那種女性萬千寵愛在一身的錯覺 － 葉翠翠都要出黎做啦係咪？

同埋，很重要的一件事是：上床不是你施捨我的，不要用這個來做藉口說你犧牲幾多幾慘所以我洗錢係你身上係應份 － 大佬，就算你當自己是妓女也請不要當我是嫖客，就算你覺得性愛可以以金錢來計算你也不要把這套理論放在我身上。

呢個世界上無怕老婆既男人，只有尊重老婆既男人 － 咁老婆需唔需要尊重老公？熊黛林有無恃住高甄子丹一個頭而指住佢黎鬧1？洗錢係誠意，因為港女係公主 － 咁即係港男係王子，你有無見過王子比人鬧到成隻狗咁？你話港男都好意思話自己係王子，咁某啲港女點解好意思當自己係公主？你M痛發脾氣係生理問題，我打飛機夠係生理問題，咁唔通我去叫雞係合理？

為甚麼在香港拍個拖，女的好像在施捨男的一樣？為甚麼男的要像奴隸一樣服侍女朋友？為甚麼要咁丟架咁無尊嚴？

1. 「呢個世界無怕老婆既男人，只有尊重老婆既男人」呢句對白出自電影葉問，而戲中熊黛林是甄子丹的老婆 [↩]

作者：堂前燕

在網絡撰寫小說及文章。

閱讀後覺得好，請多多讚好及分享～：）