人生於世上有幾個知己　多少友誼能長存 ？相信好多人都聽過，中學識既朋友通常會係你一世既老死。中學時期，會有人陪你一齊發癲，做埋好多好多係常人眼中既無聊事，即使身邊人覺得你我gay情無限，但係大家都會樂此不疲。你我可能會因為想法不同或誤解而鬧架甚至打架，但事後仍然係老死，互相恥笑大家既醜事。上堂太悶，吹水係少不免既指定動作。由最正常既互相討論，到互相攞彼此既緋聞／舊情／戀情黎開玩笑；大家亦可以因為一啲好無聊既小事而笑到失控。但呢D情感，已成過去，不知怎去再復尋。