我們幾乎已經可以 foresee 到，陳振聰將會是下一個被大量消費的「信主名人」。你諗下，他的反差幾大？你諗下，他的故事幾傳奇？加上陳振聰一把超厲害的口，一把可以氹到幾億身家返來的口，所以，你可以諗到，他簡直是「見證界」的金童！叫他講由信風水變信耶穌，打迷信牌，得；他講又窮變富又變窮，打金錢牌，又得；他講面對官司得平安，打平安牌，又得；他講掂到本聖經觸電，打靈恩牌，又得。好話唔好聽，一個唔該，佢太太譚妙清信埋主，家庭大復和，打家庭牌，仲得。佢根本係一個見證金礦。勁呢！