（原載於：堂前燕FB PAGE）

（內含粗口字，慎入）

（高登討論區圖片，點擊進入原網址）

知唔知咩係女神？女神以前都係人，不過佢做到人做唔到既野，之後佢就係女神。即係影相咁，點影呀，攞起部電話四十五度角，夾一夾個胸，扭一扭個pat － 咁又點呀，索囉，po上高登囉，威囉。

每次看到乜乜女神宣傳post，我都覺得那群聘請打手在高登上自我宣傳、自我吹噓的o靚模mk妹，其實同龍心一樣，都是膠膠地活在自己世界裡的一條可憐蟲。

造新聞、傳緋聞這類屎橋坦白說大家都習慣曬，經歷過淫照事件之後，香港觀眾的接受能力一下子由無線upgrade到無碼。於是出現很多心諗做乜鳩、肉酸到不得了的宣傳手法：故意走光、吹水扮喊、谷胸谷到手腳不協調面容扭曲。

其實不難發現，這些緋聞意外的前後，都是這些藝人出show 拍劇的時間，坦白講，若果一個o靚模能夠毫無意外出一本寫真，我係會幾意外。當然謝霆鋒十七歲爆缸自己縫針、Angelababy 無整容呢啲咪新聞，但係邊個同邊個去邊度食飯 － who fucking cares？

最慘莫過於，這群煩過西的o靚模姐仔歌星經常請打手在高登開post自吹自捧自含自封高登女神。很想告訴這些公關公司、經理人公司、o靚模姐仔，即係咁，當thisAV上面有無數靚女無碼片任睇果陣，你真係天真到以為走下光露條打底褲夾下個胸或者炒作下緋聞就可以捧紅自己？節省小小專心練下演技練下歌啦，以色事人者，色衰而愛弛，愛弛則恩絕。

當阿貓阿狗隨便一個mk妹不知名o靚模姐仔都可以是女神的時候，沒有一個人是。

每次見到有個唔知邊度蒲出黎名都未聽過既mk妹電視台姐仔歌星又自稱高登女神、宅男女神，我真係好想同佢地講：o靚妹，邊撚到呀你？

－ 我上過娛樂頭條C1、書展出過寫真、成個高登都係我啲相，我係高登女神。

高登女神？有無人知邊個高登女神呀？乜野高登女神呀，無人識你喎，慈雲山鄭列瓊我就識，依家無人識你呀，人起朵你起朵。

呃……我叫阿麗。

阿麗？睇下，邊撚到麗呀？請班打手上高登捧自己自我宣傳煩過西，自拍兩張訓覺相po上網就話流出床照，你識唔識規矩架？死o靚妹扔浪頭請打手開post，屌你老母。

作者：堂前燕

在網絡撰寫小說及文章。

閱讀後覺得好，請多多讚好及分享～：）