重開觀塘渡輪吧!

(原載於:http://jackyhtlim.blogspot.hk/2013/03/relaunch-ferry.html

地鐵昨天又壞車,今次又係「重災區」將軍澳綫。

將軍澳的城市規劃比當年的屯門更垃圾,既缺乏區內就業而產大量離開區域工作的通勤人口,但交通設計就得一條隧道同寶琳道,搞到日日塞車;更可能港鐵大股東是特衰政府而對巴士服務閹得就閹,搞到地鐵日日迫爆。結果一壞車就成個將軍澳對外交通癱瘓咁滯。

政府聯同巴士公司陸續向十八區區議會提交「路綫發展計劃」,其中將軍澳區再來大整頓,計劃包括取消往返坑口經尚德至中環的692隧巴;將93A及95M 合併但取消非繁忙時間往觀塘碼頭的一段服務。睇到呢度筆者得出兩個結論:迫將軍澳區居民一定要幫襯政府作為大股東的港鐵,同埋搾乾觀塘碼頭渡輪服務「配合」郵輪碼頭啟用對觀塘海濱的土地升值。

93A及95M 除咗服務將軍澳地區之外,問過居於觀塘的朋友,佢話有唔少秀茂坪曉麗苑、協和街一帶居民往返觀塘工廠區、碼頭都係乘搭93A,取消非繁忙時間往觀塘碼頭的服務會構成影響。其實目前觀塘碼頭係有渡輪往北角及西灣河。我曾經乘搭過往北角的渡輪,15mins 完成,地鐵真係輸到趴咗响度!

 

 

又或者可以解釋到特衰政府就係要扼殺渡輪嚟維持地鐵嘅優勢。但係地鐵已經迫爆、將軍澳隧道連埋過海隧道又塞到阿媽都唔認得,仲要取消巴士綫迫居民去使用已經迫爆嘅地鐵,係呢個仆街政府先至做得出呢啲仆街事!

筆者久不久會經過九龍城碼頭,幾乎每次都發現有新渡輪嘅雙體船停泊。

 

睇返新渡輪的公告

 

雙體船的設計航速可達24-25knots;目前維港航速限制15knots (2000年6月29日政府公告:新船隻航速限制七月一日實施)。

那作粗略計算:

天星小輪的航速係7 knots,航程時間係5-7分鐘;北角往返九龍城渡輪航速係9 knots,時間13分鐘;
請教過小輪愛好者,昔日中環至觀塘的小輪航速應該係8-9knots,總航程約45分鐘,但因為啟德機場導航燈而要繞道至鯉魚門折返,大約多出10分鐘,即係淨航程約35分鐘

即係話,即使採用新英、新忠、新傑三艘普通雙層小輪行走觀塘至中環的話,航程時間大約30-35分鐘(不能全程全速航行,只能用70-80%,即10knots左右),對比港鐵行車時間…..

即使將從碼頭走回畢打街一帶比較從地鐵月台走回地面的時間,其實相差不遠。

但如果用上雙體船行盡15knots 的話,預計再快10分鐘左右。如果收費唔超過$11,仲唔「殺晒」呀?

 

當然,有好多人會拗「搭船限時限刻」唔方便。但其實唔少習慣乘搭渡輪的市民,例如居於黃埔花園、翔龍灣、偉恒昌新邨的市民養成預計好時間的習慣,的確方便過搭隧巴。筆者還記得Once upon a time 荃灣有船往返中環係未試過返工遲到!

 

政府及巴士公司表示取消692的原因是因為擠塞而未能滿足市民對服務的要求,何不就擴充接駁至觀塘碼頭的巴士服務,讓將軍澳地區、觀塘半山的市民享用準時、保證有得坐的小輪服務,同時紓緩地鐵的迫爆及隧道的擠塞?或者港鐵一日仲係上市地位,一日都只會是天方夜譚!

 

延伸閱讀
(舊文重溫) 2011-1-11 交通運輸事務委員會 《合理使用過海隧道顧問研究報告》公聽會

作者:林鴻達

林鴻達
Jacky Lim,香港土產但祖家四代來自馬來西亞砂朥越州古晉市。縱使2012年8月8日成功爭取保留尖沙咀碼頭巴士總站,但未能歸隱,唔只因為「仲有手尾跟」,更體會到香港真係一個 Dying City!! 社區發展動力培育政策會員,參與社會議題、政策研究倡議;報刊時事評論撰稿,文章可見《蘋果日報》、馬來西亞《東方日報》、新加坡《聯合早報》

閱讀後覺得好,請多多讚好及分享~:)

其他熱門文章

  • 【遊戲攻略】解鎖二三艘潛艇教學 《Monster Hunter Rise》刷國王獨角仙悶到瞓著 by 滅盡殺手
    早兩日我哋嘅一篇小知識技巧篇入面有提到要盡快解鎖收集道具必備嘅潛水艇,雖然做村任好快就會有第一隻潛水艇,但係要 […]…
  • 《星際啟示錄》全面大解構 by 湯子霈
    (以下內容全面劇透,及粗淺解釋科學理論)《星際啟示錄》(Interstellar)故事簡單,講述人類在地球面臨末日,美國太空總署探索新星球進行太空移民,延續人類文明。不過,全片涉及大量科學及物理常識,即使是理科生也未必完全明白;同時,劇情探…
  • 【Reg Day 攻略】大學新生註冊四件事 by Cube
    不要以為,Reg Day只是單純報到,拿張學生證就完事。這一天是十分重要的,不想留下不愉快的回憶,就要好好準備了。…
  • 港大舍堂次文化雜談(上):迎新與仙制 by 殷琦
    迎新是Hall的大事。…
  • 【憂傷的嫖客】「環保吹」 by 菠蘿
    某天下午,就在我們對一樓一場所集中地進行實地考察的時候,遇見了一行三人、正在「洗樓」的嫖客小隊。所謂洗樓,就是嫖客在一樓一鳳姐集中的大厦,向每個鳳姐單位門口按鐘、逐個審視,直至他們遇上合眼緣的鳳姐,與她們進行交易為止。而這三人有別於一般的嫖…
  • 其實點先算係鍾意一個人? by 小盛女
    其實我都唔係好清楚(嗱唔好打我),不過以下有幾點可以畀大家參考吓。首先,你會乜都想同佢講,就算係啲無聊低能嘢,當你工作上好大壓力或者遇到唔開心嘅事,你都會同想同佢講,因為你知道佢會靜靜哋聽你呻,雖然唔一定會幫你解決到個問題,但係女人要嘅從來…
歡迎讚好我們的facebook page,免費資訊源源送上。

文章資訊

ID: 33489
Date: 2013-03-14 14:32:15
Generated at: 2022-08-11 20:12:02
Permalink: https://www.vjmedia.com.hk/articles/2013/03/14/33489/重開觀塘渡輪吧!