【大馬選戰】大馬星光與香港偽人

（原載於：http://jackyhtlim.blogspot.hk/2013/05/malaysiaartistsonelections.html）

新聞性質資訊流通量當然只是一般，始終馬國俾人感覺還是太遙遠；但「八卦」新聞就好多人傳。

例如在上年「4.28」即Bersih 3.0時瘋傳的一張照片

Agnes Lim 林莉幃當日的舉動的確眼前一亮，搞到舊年我同巫堃泰訪問黃進發都要提起佢。

也當然，更多人都只係睇靚女，又或者覺得「連靚女都參與政治」感到好新鮮。一年過去，期間 Agnes 來過香港幾次，可惜時間未能配合，OurTV 也有些變動，所以還未有機會碰面做訪問。

這位美女其實把上面這張相從Facebook 刪去的，唯大選前重新上載，而且再有表態，更比「4.28」嚟得更堅實。

除咗呢位同我同姓氏的美女外，其他原籍大馬的藝人包括梁靜茹、光良、品冠、阿牛…..也紛紛表態，保守一點就「回去盡公民責任」，進取一點的也暗示或明示支持民聯。當然也有「親建制」的拿督楊紫瓊但俾人鬧到九彩。

反觀香港，藝人要不是如王菀之「我討厭政治」，就好似譚詠麟李克勤呢啲親建制而可能只係小農奴隸基因甚至為求利益著數；但連「一個大馬」檳城所謂慈善演唱會，1令吉+身份證影印嘅消息傳到返嚟香港，梁詠琪宣佈唔去佢哋都仲要過去。以爆出張韶涵歌籌達折算150萬港元，我睇怕佢兩位隨時各有200萬。總之都係唯利是圖埋沒良知嗰隻。

但更可笑嘅係香港呢邊見到林莉幃表態就大聲叫好，蔡敏妍穿上香港旗三點式影相就罵聲四起1，可又o靚模都係唔應該沾上政治。這麼雙重標準？！

上星期見過一位馬來西亞學者，有了解過「明星效應」响馬國有幾多影響力。佢話其實唔係好大，相反地只係覺得佢哋做咗應盡嘅公民責任。由此睇嚟，香港對明哥、區錦棠、何韻詩等人有政治表態而興奮大叫，也不過是「小學雞」的政治參與態度；又或者係香港人以政治潔癖為傲、藝人為求搵人仔習慣向中共叩頭，所以先會有呢啲反應。

所以今次大馬13屆大選，仲有好多嘢可以俾香港借鏡！

1. 編按：佢貼小鳳姐《喜氣洋洋》的確非常值得爭議既～～～～ [↩]

作者：林鴻達

Jacky Lim，香港土產但祖家四代來自馬來西亞砂朥越州古晉市。縱使2012年8月8日成功爭取保留尖沙咀碼頭巴士總站，但未能歸隱，唔只因為「仲有手尾跟」，更體會到香港真係一個 Dying City!! 社區發展動力培育政策會員，參與社會議題、政策研究倡議；報刊時事評論撰稿，文章可見《蘋果日報》、馬來西亞《東方日報》、新加坡《聯合早報》

閱讀後覺得好，請多多讚好及分享～：）