【大馬選戰】國陣玩嘢,後果自負

(原載於:http://jackyhtlim.blogspot.hk/2013/05/ShitofBN.html

「我们全力支持民行 We Fully Support PKR DAP」圖片

馬來西亞大選舞弊依然嚴重,淨選盟多年來提出要求使用點墨以保證唔會重覆投票,結果選舉委員會聲稱色素可保持一星期但竟然可以用酒精洗甩;更痴線嘅係票站係選民攞選票前先塗手指,但如果咁而整污槽咗選票又當廢票。幽靈選民繼續肆虐,不少照片、影片上載,當地人民狼夾狠地將佢哋喝走、甚至打走,以為可以改善,點知最嗱咋嘅手段响夜晚點票發生。多個點票處發生突然停電數分鐘,然後又多咗幾個票箱出嚟。

其中被揚晒出嚟有彭亨州文冬,有披上民聯嘅環保鬥士黃德對訣國陣的廖中萊,本來黃德應該以近千票差距勝出,點知停電幾分鐘就多了八箱票,黃德「倒輸」約400票。懷疑類似情況還有柔佛州拉美士選區,有「咸虫」蔡細歷個仔蔡智勇對決民聯拉瑪克里。咸虫仔一直落後2000 – 3000 票,最後以多出約350票勝出。

 

民聯領袖安華已經宣佈拒絕承選舉結果,並表明搜集到不少舞弊證據,待稍後再作公佈,但呼籲人民保持冷靜同克制。

我嘗試聯絡當地的朋友了解,佢哋話的確有好多呢啲消息,而且係集中發生鄉郊嘅選區,即係話事件應該屬實。

消息傳到過嚟香港,好多人大叫「有無搞錯」。查實呢啲手段响大馬政治史唔係新鮮事,不過今次做得太揚,加上Bersih 運動引起公民意識抬頭,就變得更加過份。這也同時使港人想起「一屋七姓十三人」等的事件,更有人想到共產黨對17/20年的安排其實又何會同出一轍,結果有人整咗張咁嘅圖放上Facebook 並呼籲換成header

(網絡廣傳圖片)

 

5月3日有近300名居港馬來西亞組團返國投票;類似小弟呢種因為馬共同中共合謀做嘅好事而在香港的大馬華裔亦都唔少,估計有數以十萬。作為老家古晉嘅我,或最低限度一個有良知嘅人,我想到下一步要做的事,就是這個

大細SIZE 剛好可用於 Facebook 的「封面」

 

如果再加埋香港有民主意識的人作出支援,然後馬華、民政黨知道今次係大選其實係「用完就掉」而同UMNO(巫統嘅英文簡稱)反枱的話,阿JIB哥你諗定想比起蒙古女粉碎多幾多倍都唔怕。

總之,奉勸巫統精精地好跪低,呢鋪公民意識抬頭之下玩啲咁嘅嗱喳招數,後果唔係你想像得到。

 

作者:林鴻達

林鴻達
Jacky Lim,香港土產但祖家四代來自馬來西亞砂朥越州古晉市。縱使2012年8月8日成功爭取保留尖沙咀碼頭巴士總站,但未能歸隱,唔只因為「仲有手尾跟」,更體會到香港真係一個 Dying City!! 社區發展動力培育政策會員,參與社會議題、政策研究倡議;報刊時事評論撰稿,文章可見《蘋果日報》、馬來西亞《東方日報》、新加坡《聯合早報》

閱讀後覺得好,請多多讚好及分享~:)

其他熱門文章

  • 【遊戲攻略】解鎖二三艘潛艇教學 《Monster Hunter Rise》刷國王獨角仙悶到瞓著 by 滅盡殺手
    早兩日我哋嘅一篇小知識技巧篇入面有提到要盡快解鎖收集道具必備嘅潛水艇,雖然做村任好快就會有第一隻潛水艇,但係要 […]…
  • 《星際啟示錄》全面大解構 by 湯子霈
    (以下內容全面劇透,及粗淺解釋科學理論)《星際啟示錄》(Interstellar)故事簡單,講述人類在地球面臨末日,美國太空總署探索新星球進行太空移民,延續人類文明。不過,全片涉及大量科學及物理常識,即使是理科生也未必完全明白;同時,劇情探…
  • 【Reg Day 攻略】大學新生註冊四件事 by Cube
    不要以為,Reg Day只是單純報到,拿張學生證就完事。這一天是十分重要的,不想留下不愉快的回憶,就要好好準備了。…
  • 港大舍堂次文化雜談(上):迎新與仙制 by 殷琦
    迎新是Hall的大事。…
  • 【憂傷的嫖客】「環保吹」 by 菠蘿
    某天下午,就在我們對一樓一場所集中地進行實地考察的時候,遇見了一行三人、正在「洗樓」的嫖客小隊。所謂洗樓,就是嫖客在一樓一鳳姐集中的大厦,向每個鳳姐單位門口按鐘、逐個審視,直至他們遇上合眼緣的鳳姐,與她們進行交易為止。而這三人有別於一般的嫖…
  • 其實點先算係鍾意一個人? by 小盛女
    其實我都唔係好清楚(嗱唔好打我),不過以下有幾點可以畀大家參考吓。首先,你會乜都想同佢講,就算係啲無聊低能嘢,當你工作上好大壓力或者遇到唔開心嘅事,你都會同想同佢講,因為你知道佢會靜靜哋聽你呻,雖然唔一定會幫你解決到個問題,但係女人要嘅從來…
歡迎讚好我們的facebook page,免費資訊源源送上。

文章資訊

ID: 37672
Date: 2013-05-06 03:12:01
Generated at: 2022-08-11 20:15:24
Permalink: https://www.vjmedia.com.hk/articles/2013/05/06/37672/【大馬選戰】國陣玩嘢,後果自負