可憐的貓貓B,誰叫你遇著港鐵?

原載於:MTR Service Update Page

 

可憐的貓貓B … 擾讓多日你才獲救,一切看來都是我們人類的錯

 

事緣有乘客在5月21號黃昏繁忙時間,發現一隻年幼的小貓,在葵芳站1號月台車頭「頭端牆」(Headwall)徘徊。對駛過的列車和走近的人們,貓貓顯得非常害怕,因而經常走避。事件首先由網絡傳開,後來因貓仔被困路軌多日,由傳媒報導其狀況,最後演變成公關災難。同時,在這數日間,不斷有同事、乘客通知葵芳站當值的「高級車站管理主任」,也即是葵芳站的站長,但都只獲回覆:「知道啦」,之後甚至無禮地「CUT人線」。到警方轉介市民查詢至葵芳站時,一樣是無動於衷。

原來當有人闖入路軌,因人道理由,港鐵要保護闖入者,於是所有列車會先被掣停,然後在駛至懷疑闖入者會到的路段時,車長都要以人手低駛駕駛,直至成功尋人或經長時間搜索,認為闖入者已離開鐵路範圍為止。又記得在2011年我地初「開檔」時,那年七月的早上,一批大狗由九龍灣站大堂,沿扶手電梯衝進高架車道,令列車服務暫停十數分鐘。

 

由「貧友堆、一個墟!」FB專頁製作的惡攪海報

點解九龍灣站的處理會唔同呢?除左大狗「好覺眼」,又「阻住啲車」外,更重要係香港乃文明社會,人人都知道「人道」、「生命」何解!如果喺中國,啲狗嘅下場會點?會否獲保護?相同的道德標準點解不能用於貓仔上?

在目前沒有程序可依之下,我地明白站長處於兩難,尤其有物件掉進軌道,理應不可以停止列車服務,睇番《鐵路安全規則》,雖然訂明「任何員工不得:在行車時間內撿回掉進軌道的物品,除非該物品留在軌道上會影響安全或情況所需」,但我地首要做嘅係,於非繁忙時間通知控制中心,等「鐵路司令」(行車控制主任)決定先俾同事在軌旁引出貓仔,是否屬「情況所需」;

 

或指示車長轉用人手駕駛,好讓列車先維持正常車速,只在差不多停下,或者是離站時以低速開行,好讓貓仔唔會意外被車死。平日繁忙時間過後,荃灣綫的列車間隔為5分鐘一班,此舉最多只會阻慢每班車約30秒,絕對唔構成甚麼大影響。一來列車下站返回自動模式,電腦會懂得開快些少(但不是超速),二來接著在葵興、大窩口、荃灣總站的停站時間,只要稍為縮短,即可追回損失的時間。 這個做法可維持到當晚收車後,再讓SPCA人員進入路軌處理,其實無傷大雅。

 

至於車長餵貓一事,以職責來說確有不妥,但貓糧不多汁,又無水份滲出,不影響軌道電路,也不會造成打滑,影響行車和定位。車長連日不斷餵貓,只想keep住貓仔在軌旁,唔好再走開。如果貓仔沿路軌走入近葵興的隔音罩,再俾列車輾斃,到時就要暫停行車,再花清理貓屍之下,所造成的延誤必以小時計,車長何嘗唔係為公司著想呢?

幾日過去,即使貓仔有時可能因驚慌而橫過路軌,令車長要緊急剎車,管方都依然故我。同時,站長好清楚知道5月21號晚有磨路軌工程,其所造成的火花、煙霧和碎屑好易會灼熟貓仔,都照樣不取採行動,點解上層會變成咁嘅呢?

 

事到如今,既然不只一個「涉案」車長打算領養,又有站長曾同樣「餵貓」,港鐵又會否把握最後機會,一改其公司文化,彷效日本和民國,設立「貓站長」,盡點綿力以提供容身之所予貓貓,補償過錯?

 

作者:MTR Service Update

MTR Service Update
數碼媒體平台上影子的鐵路公司溝通渠道, 專注於乘客資訊的工作,目的為示範公共事業之應有水準,服務範圍 ➡️metroride.hk/ServiceScope

閱讀後覺得好,請多多讚好及分享~:)

其他熱門文章

  • 點先可以令男人唔好偷食? by 木頭
    衰啲咁講,你地由細到大所有來自電影、劇集、小說入面果種忠貞好男人,好似耶穌、真神同觀音一樣——係,冇人可以證明佢地唔存在,但同時亦都冇人可以大大聲聲話佢地親眼見過。就算你有姊妹同你講佢見過,甚至親身擁有過,都只不過係源於佢地唔了解佢地身邊嘅…
  • 【遊戲新聞】最強多人喪屍遊戲 《Left 4 Dead 2》相隔十年推出最後大改版 by 五木
    經典遊戲《Left 4 Dead 2》推出超過十年,話佢係最強多人喪屍遊戲應該都無乜異議(雖然我覺得一代正啲) […]…
  • 傳訊息=互FLIRT?你點睇? by 毋乜贊
    我地就唔好局限喺性別上,社會有同性戀有異性戀,我就一概講sd短訊俾非戀人(講緊係一個駁一個嘅短訊)。耐唔耐約下食飯,傾下心事,八下邊個同邊個係咪有路/分左手,我搵朋友嘅原因都離唔開lee幾個原因,一句起兩句止,而行街睇戲食飯等,我都可以一個…
  • 做求職者都唔一定要卑弓屈膝嘅 by 小盛女
    「我哋而家都見緊好多candidate,所以有個基本要求,就係你2日內要send個email比我哋,講下你可以為公司貢獻啲咩,有咩可以impressed到我哋,有咩優點同工作經驗,說服我哋點解要揀你,咁我哋先會再考慮叫唔叫你second i…
  • 評論人高調收禮物拆禮物,有無職業道德問題? by 論政西人
    你看看?當時評節目主持,都可以這樣子高調收禮物,收完禮物之後就在節目的面書說自己收過什麼禮物,日日收月餅,收到手軟,還有禮貌地說多謝。不知道,若將來這些品牌,這些機構發生什麼事,晴朗主持,又會不會可以持平評論呢?…
  • 我幾點收工關你叉事咩! by 小盛女
    「你呢排係咪好得閒?我見你成日都好早收工,琴日六點幾已經唔見你。」人事部Macy說。「我放六點,六點半我先走㗎喎,而且準時收工都正常啫。」我說。「無,想睇下你係咪好得閒咋嘛,以前你成日都好夜收。」Macy說。…
歡迎讚好我們的facebook page,免費資訊源源送上。

文章資訊

ID: 39479
Date: 2013-05-26 16:07:16
Generated at: 2020-09-28 15:45:21
Permalink: https://www.vjmedia.com.hk/articles/2013/05/26/39479/可憐的貓貓b,誰叫你遇著港鐵?