至於窮人住屋難嘅問題……

(原載於:http://jackyhtlim.blogspot.hk/2013/06/poorguyfuckoff.html

*警告* 本文內有大量粗口,因為咁先表達到件事嘅荒謬

港共傀儡政權十多年來不斷說著要增建公屋,博客地產小子篇《CY彈票,將香港變成地獄!》羅列晒罪狀出嚟,公屋又唔起,劏房又話之你哋啲窮人死,公屋地變豪宅更加係罪無可恕。「三年上樓」承諾由曾蔭權搭肥閪鄭汝樺鳩吹到依家嘅梁匪振英搭變節老鴿張炳良,但結果係新落成公屋數量越趨下跌,依家每年得15,000個。輪候冊就超越21萬。我就真係唔撚柒識計 210,000/15,000 點樣可以 = 3???

梁匪响一年半前為要做戲討好啲蟻民可以挾民意以令共匪首領,就大吹大擂話會點增建公屋。但自從曾蔭權時期就係將前公共屋邨嘅地拎晒去起私人樓,舊年7月8日我就响鴨脷洲社區會堂質到林鄭月娥死咁滯

 

但梁匪振英「坐定」之後不單無制止,上星期就將前何文田邨拎咗去俾會德豐(香港電台 2013-06-14 HKT 17:36 會 德 豐 38.29 億 投 得 何 文 田 佛 光 街 地 皮),先收38億賣地,之後起好樓仲有STAMP DUTY、地租、差餉….. 幾撚和鳩味呀。但最撚鳩仆街嘅係成撚日話「好難搵地起公屋」!

可是沒有最仆街,只有更仆街。210,000/15,000 無可能等如3的情況下,房委會就要挖空心思「交數」出嚟,或者係最起碼向市民「交差」-唔好話我哋無做嘢呀!

 

第一招就係不斷抹黑「濫用公屋」呢個講法,郁啲就向公屋居民扣帽子,最常見嘅就係成日話有人丟空間公屋去住私樓,等坊間好多窮撚產生針對依家住緊公屋嘅人嘅潛意識,使其他嘅抹黑手段可以容易入心,例如拎咗間公屋嚟做貨倉,違反租約幫人睇跌打、剪頭髮之類。不過最可惡、又最為坊間誤會和忽略的,就是最嚴重寬敞戶。

嚴重寬敞戶是甚麼? 就是可能家人離世後得返一個,房委會就話呢啲人「住大咗」應該要搬。但何謂「住大咗」? 2010年之前就係35sq.m,2011年就34sq.m,上星期房委會就通過降到30sq.m。簡單啲講,即係任鳩房委會講。仲大大聲聲話好撚合理喎。(香港電台 2013-06-13 HKT 19:07 黃 遠 輝 稱 收 緊 後 的 公 屋 寬 敞 戶 標 準 合 理)。咁又係呀,四千幾蚊租嘅劏房俾到盡都係150呎之嘛,俾一千蚊租可以住三百幾呎,簡直皇恩浩瀚,仲唔快撚啲向張炳良同黃遠輝行三跪九叩禮,屋都無鳩得你住呀!

「最嚴重寬敞戶」更係房委會抹黑「霸住間公屋」嘅焦點所在,不斷無限loop「住大咗」呢三個字,直指呢啲大多數係因為死撚晒屋企人而獨居嘅友仔霸住間屋所以搞到輪候冊排長龍,要屌就屌呢班仆街就啱架啦。

 

但實情係就算呢啲「寬敞戶」搬遷的話,結果只係「大單位」+1「細單位」 -1,總體公屋供應量無變架! 全香港人俾房委會呃撚咗成十年都嚟緊啦!但更仆街的是房委會又話輪候冊上申請一至三人細單位係佔多數。咁即係「寬敞戶」調遷進一步 Shorten 「細單位」供應啦!申請緊公屋嘅窮撚,睇清楚個局未呀?!

房委會交樓標準就係咁撚樣架咋

但對於「寬敞戶」嚟講,最頭痛嘅事就係搬屋。所謂「上屋搬下屋,唔見一籮穀」。搬屋要請咕喱、新屋要裝修(屋委會交個單位俾住客時最多只有廚房同廁所鋪好瓷磚,起居範圍油好油,地下仲係水泥地);跟住舊屋又話要請泥頭佬拆嘢還完…… 通通都係錢。

拎唔到出嚟咁點算? 唔好意思,房委會會同你講「你無錢係你嘅事,你死你嘅事,唔撚關我事」。除咗精神病、生cancer 就嚟死可以唔駛搬之外,你無錢就你自己諗撚掂佢,派四次單位你都唔搬就直頭趕你去瞓街!然後就可憐你,話會俾返間中轉屋,然後呢你就可以由頭排隊申請過公屋啦!即係輪候冊+1囉。講嚟講去,房委會賤狗只係玩緊一個公務員體系內最常用嘅招數 ─ Create the problem then seeking for the solutions,為的就係製造更多工作證明公務員自己有存在的必要,即係要嚟保住自己個飯碗!但係實際嘅基層住屋問題無解決過不特止,仲係借不斷推啲公屋住戶去死嚟保住自己飯碗,你話房委會班冚家鏟係咪要拉去誅九族先啱吖?!

四年來不斷降低「寬敞戶」嘅面積標準,目的只係為咗使更多「死撚晒屋企人而獨居嘅友仔」跌入圈套,跟住就公佈「今次修訂將增加幾多個住大咗嘅冚家鏟,收咗個單位返嚟就可以有望加快上樓時間」!更重要當然係增加工作量, 保住飯碗要緊啦。

 

當前劏房當道,住公屋又設法趕你走,可見呢個傀儡政權仆街冚家鏟到無人有。文章標題其實係摘自2011年1月25日《文匯報》報導,瑞銀投資前任研究董事王震宇講話的前半部,後半部就係

「低增值人士請離開香港,騰出空間讓高增值人士進入」

港共傀儡政權加埋禮義廉天橋底要起狗公園俾有錢人放狗都唔俾人瞓街,根本就係做緊呢啲賤鳩嘢。所以基層無屋住,認清楚要追殺嘅係邊個!

P.S. 王震宇呢句說話,筆者會不斷作為基層民生問題嘅「萬能KEY」,一直玩落去直到王震宇公開道歉宣佈收回呢返說話為止。佢無咁做,即使佢去咗見上帝都會繼續玩,要佢為臭萬年、子孫都要背負呢個臭名直到永遠!

港共傀儡梁匪振英成撚日話好難搵地起公屋;想當年英國佬就諗下點樣响山上起公屋俾人住|圖為1975年落成,位於葵涌醉酒灣的葵盛西邨(photo via cc Wikimedia Commons user Mk2010

作者:林鴻達

林鴻達
Jacky Lim,香港土產但祖家四代來自馬來西亞砂朥越州古晉市。縱使2012年8月8日成功爭取保留尖沙咀碼頭巴士總站,但未能歸隱,唔只因為「仲有手尾跟」,更體會到香港真係一個 Dying City!! 社區發展動力培育政策會員,參與社會議題、政策研究倡議;報刊時事評論撰稿,文章可見《蘋果日報》、馬來西亞《東方日報》、新加坡《聯合早報》

閱讀後覺得好,請多多讚好及分享~:)

其他熱門文章

  • 【遊戲攻略】解鎖二三艘潛艇教學 《Monster Hunter Rise》刷國王獨角仙悶到瞓著 by 滅盡殺手
    早兩日我哋嘅一篇小知識技巧篇入面有提到要盡快解鎖收集道具必備嘅潛水艇,雖然做村任好快就會有第一隻潛水艇,但係要 […]…
  • 《星際啟示錄》全面大解構 by 湯子霈
    (以下內容全面劇透,及粗淺解釋科學理論)《星際啟示錄》(Interstellar)故事簡單,講述人類在地球面臨末日,美國太空總署探索新星球進行太空移民,延續人類文明。不過,全片涉及大量科學及物理常識,即使是理科生也未必完全明白;同時,劇情探…
  • 【Reg Day 攻略】大學新生註冊四件事 by Cube
    不要以為,Reg Day只是單純報到,拿張學生證就完事。這一天是十分重要的,不想留下不愉快的回憶,就要好好準備了。…
  • 港大舍堂次文化雜談(上):迎新與仙制 by 殷琦
    迎新是Hall的大事。…
  • 【憂傷的嫖客】「環保吹」 by 菠蘿
    某天下午,就在我們對一樓一場所集中地進行實地考察的時候,遇見了一行三人、正在「洗樓」的嫖客小隊。所謂洗樓,就是嫖客在一樓一鳳姐集中的大厦,向每個鳳姐單位門口按鐘、逐個審視,直至他們遇上合眼緣的鳳姐,與她們進行交易為止。而這三人有別於一般的嫖…
  • 其實點先算係鍾意一個人? by 小盛女
    其實我都唔係好清楚(嗱唔好打我),不過以下有幾點可以畀大家參考吓。首先,你會乜都想同佢講,就算係啲無聊低能嘢,當你工作上好大壓力或者遇到唔開心嘅事,你都會同想同佢講,因為你知道佢會靜靜哋聽你呻,雖然唔一定會幫你解決到個問題,但係女人要嘅從來…
歡迎讚好我們的facebook page,免費資訊源源送上。

文章資訊

ID: 41497
Date: 2013-06-18 23:47:39
Generated at: 2022-08-11 19:26:35
Permalink: https://www.vjmedia.com.hk/articles/2013/06/18/41497/至於窮人住屋難嘅問題