香港該全力推動使用生物柴油

(原載於:http://jackyhtlim.blogspot.hk/2013/07/Bio-dieselforHK.html

過去既有從政策研究、營業車經營,甚至從賽車角度談論過柴油車嘅好處,甚至可謂對柴油車推崇備至。不過好多人仍然認為柴油車係空氣污染最大元凶,包括小弟認識的一位美麗依然的前新聞主播,結果我以「恭喜你成功被政府洗腦」回應,搞到佢哭笑不得。如果想再深入少少了解我對柴油車的論述,可以去找 2009年9月號的《TOP GEAR 香港版》同2011年2月出版的《香港巴士回顧2010》

 

 

 

柴油車的好處其實好多,今次唔講機械而集中於環保角度,柴油車的廢氣排放比起電油車更低,筆者就呢啲觀點過去幾次攞足資料去立法會的公聽會上與環保署官員(特別係助理署長莫偉全)拗到火紅火綠,就是要炮擊政府十多年來的誤導。佢哋呢啲誤導最大得益者,其實就係庫房同油公司。事關柴油車嘅耗油量比電油車低約30%,以每升除稅價約$11及約$6.0 燃油稅計算,涉及每年「億億聲」公帑同油公司收益。一個貪錢嘅政府怎會不編造故仔欺騙市民!

就在「維護公帑收入」及「油公司利益」之嫌疑下,柴油車可帶來的第二個好處也遭到忽視,所指的就是Bio-Diesel 生化柴油。昨日《蘋果日報》「地溝油妙用 齊齊打爆油缸」報導,香港有三間生化柴油公司,但製成品卻是遠銷歐洲或僅供政府車輛使用。呢件事咪反映咗政府手腳不協調,又或者報導尾段「ASB總裁Anthony Dixon指出,政府推動電動車,但從未談及生物燃料」,第56期「陽光時務」訪問我提到「當其他國家都只在試驗而只有中國先咁大力發展電動汽車」, 係咪又是一個政治任務睇嚟都不言而喻架啦。

 

Bio-Diesel 除咗報導提到「無硫」所以「應該會無黑煙」呢個好處之外,响宏觀的環保理念上是有助減慢石油資源消耗。另外,5月25日响立法會同莫偉全陸恭蕙「打到飛起」嘅十五年車齡限制及資助換車計劃,Bio-Diesel 同樣可以改善舊車嘅廢氣問題。筆者一位在英國的朋友有部舊款「油渣Benz」,但忘了是「火水燈」的W115 還是W123(很多年沒聯絡了),但記得他每週(定每月)都到一間Fish & Chips 店收購炸完食物的食油,然後直接注入油缸使用(當然還是要加一些油站的柴油)。最近跟在香港而也認識他的朋友知道,他這輛「錢七」車子依然安好。

 

 
Benz W115 series                   Benz W123 series

 

所以,政府實在無理由不推動,而不推動的唯一解釋就係為咗S兩楝!

延伸閱讀
審計署繼續為霸權政策抬轎
的士業嘅謀生困局
賽車運動的背後意義
施政報告車齡限制計劃

 

作者:林鴻達

林鴻達
Jacky Lim,香港土產但祖家四代來自馬來西亞砂朥越州古晉市。縱使2012年8月8日成功爭取保留尖沙咀碼頭巴士總站,但未能歸隱,唔只因為「仲有手尾跟」,更體會到香港真係一個 Dying City!! 社區發展動力培育政策會員,參與社會議題、政策研究倡議;報刊時事評論撰稿,文章可見《蘋果日報》、馬來西亞《東方日報》、新加坡《聯合早報》

閱讀後覺得好,請多多讚好及分享~:)

其他熱門文章

  • 【LEGO快訊】LEGO迷你兵團正式登場 by 阿九
    講左好耐嘅 LEGO 迷你兵團終於都喺紐約玩具展前席正式登場!暫時公佈嘅產品總共有 5 款咁多,而當中以 75 […]…
  • 【劏房生活實錄】連打飛機/捽碟都怕被鄰居聽到. . . . . . by 一百八十呎
    上次講過我同隔嚟屋只係一板之隔,夜晚瞓覺連人哋呼吸聲都會聽到。人哋屋企又有小朋友,可想而知,捽碟的話我一定要帶耳機。試過唔記得戴,一開就大大聲「澳門首家線上賭場上線啦」,嚇到我心都離一離,人哋唔知以為我沉迷毒海都唔好啦。…
  • 【引爆中國】(二):中國沒有不分裂的本錢 by 薰華
    上次講到葛劍雄《統一與分裂》提出,中共政治政確下嘅標準計,中國歷史上只係統一過81年,而依照傳統中國所講嘅統一嚟計,其實中國亦都只係統一過950年。咁即係話,無論你中意由夏后帝啟開始計、由成湯開始計、由周召共和開始計、由秦始皇開始計,定係由…
  • 【口罩知識】99% PFE 就等同 N95 口罩? by Tango Chan
    PFE(Particle Filtration Efficiency)則是顆粒過濾效率,以 3M 為例,他們會利用 0.1 μm 的微粒及 28 lpm 流速來測試外科手術口罩的過濾性能。而普遍來說,這項測試容許使用 0.1 – 5.0 μ…
  • 【引爆中國】(一):中國只係統一過81年? by 薰華
    「支爆」呢個term,筆者都聽咗好幾年,然而每次話支爆,結果都好似不了了之咁,直至今年武漢肺炎大爆發,有朋友就開始盤點下現時中共所面對嘅所有問題,發現係歷朝歷代滅亡前夕嘅事件嘅大集合。既然係咁,筆者亦都想講下到底歷代嘅統一同分裂,背後究竟係…
  • 【引爆中國】(三):統一之後…… by 薰華
    今日唔係想講秦漢之際喺中原發生嘅事,而係睇下喺我哋呢頭,嶺南一帶發生嘅事。…
歡迎讚好我們的facebook page,免費資訊源源送上。

文章資訊

ID: 42748
Date: 2013-07-04 00:49:52
Generated at: 2020-02-24 16:09:21
Permalink: https://www.vjmedia.com.hk/articles/2013/07/04/42748/香港該全力推動使用生物柴油