反佔中的未來戰士

(原載於:http://mcchow.wordpress.com/2013/07/04/centralterminator/

有線電視截圖

 

五位市民向警察報案「一年後有人犯法」,震撼程度相信比埃及總統被轟下台不相伯仲,警方在程序上表示「受理」也無可厚非(「受理」的門檻很低,諸君毋須在這方面責難)。不過假如這幾位朋友打999話「我屋企一年後火燭呀」,不知消防處又能否「受理」?

從人類(或我自己)有限智慧推斷,這幾位「以個人身份」報案的仁兄仁姐,極可能是如假包換的「未來戰士」,也可能受了王晶和劉德華所託,擔起「未來警察」任務。到底他們是從大雄和叮噹(死都唔叫「多啦A夢」)那個抽屜的時光機、還是借了米高霍士那輛時光車一用,從未來「返回」2013年的今天,其實無乜相干。人類總是對 未來充滿希冀和猜想的,既然這五位朋友「至少」是來自一年後的世界,那麼這刻我真想向他們發問這些問題:

 

- 2014年七一上街的民眾,還要喊「梁振英下台」、「689早抖」嗎?大話特首能否撐得過今年年尾?奶媽林鄭那時還繼續「為香港服務」嗎?曾俊華份財政預算案是否又同上一年/上上一年/上上上一年有99%一樣,只是改了那些年份?三司十二局換了幾多個人?林瑞麟有無強勢回歸,接任廉政專員?陳淨心和高達斌成為行政會議成員沒有張震遠到時喺赤柱定壁屋?是否和同倉的陳振聰成為好友?

 

- 樓價仲有無升?定係已經跌到阿媽都唔認得?美國退晒市未,加息了嗎?人民幣兌港紙係咪已經見到6字頭?西九嗰幅爛地係咪依然咁爛?嗰幾幅「港人港地」有無爛尾?匯豐上唔上得番90蚊?騰訊仲買唔買得過?

 

- TVB有無拍「神探高倫布2」和「金枝慾孽3」呢?啲C9有否又打去投訴話睇唔明?阿佘同林保怡有無重返無記?誰是今年視帝視后?王維基個「香港電視」和吳天海個「奇妙電視」有得睇未?另外,香港良心亞洲電視,執咗未?

 

-家強阿 Paul世榮有無冰釋前嫌,在微博宣布重組Beyond,第一個show就是在中環街頭與RubberBand同唱《我是憤怒》和《睜開眼》?Mr.除了叫人潮打冷外,有無做埋翠華代言人食豬扒包?林峯容祖兒是否仲仲仲仲仲仲係「最受歡迎男女歌手」?貴為「歌手」的陳法拉有否與「1980年出世」的 「太空陳法拉」王亞平,在大球場合唱《歌唱祖國》?

 

- 明年世界盃,巴西可以憑主場之利捧盃,一搔十二年之癢嗎?還是大熟大勇的德國不再在四強突然失魂,首次以「德國」名義高舉「大力神盃」?西班牙是否慘到連日本也打不贏?費蘭度托利斯是否又靠分組賽對伊朗連入五球,再次成為神射手?英格蘭是否連分組賽也闖不過?另外,無綫世界盃個 setting係咪依然是一張長檯,從左至右是鍾志光李克勤阿叻錢嘉樂同阮兆祥,旁邊兩個位留俾陳譚新和郭家明,然後另一邊的「觀眾席」坐了成堆拿著吹氣 棒和哨子的七線藝員?

 

- (我都係比較關心足球)摩連奴帶領的車路士,有否提早七輪成為英超冠軍兼聯賽攞到100分?莫耶斯捱唔捱得過聖誕節?朗尼去咗PSG定係廣州恒大?至於嗰隊阿仙奴,是否又係聯賽盃入到八強、足總盃去到第四圈、歐聯又在十六強出局、季中跌到中游然後唔知點解季尾符符碌碌拎番個第四,成班球員開心到好似拎到 「三冠王」咁雀躍,令領隊雲加感到「自豪」?另外,中國主場迎戰大溪地,有否慘吞五蛋收場?

 

- 未來一年中秋金多寶、兒童節金多寶、清明金多寶、盂蘭金多寶……開咩冧把?

 

五位來自未來的勇士,請add我facebook後pm後,whatsapp都得(微信就唔好啦,會俾國安睇到)。

 

作者:撒拉夫

閱讀後覺得好,請多多讚好及分享~:)

其他熱門文章

  • 【遊戲介紹】耍帥動作射擊遊戲 《Gungrave G.O.R.E》無限子彈變型棺材爽爆殺敵 by 五木
    主打耍帥和爽爆的動作遊戲,除了《Devil May Cry》外,還有另一個系列《Gungrave》(銃神)。新 […]…
  • 「𠒇」字係咩嚟?——港姐冠軍帶出嘅哲學問題 by 散彈一號
    試想象下,喺未有電腦嘅年代,如果你見到某張手寫嘅form上面,有人寫自己個名係「陳曼𠒇」咁啦。你會唔會即刻覺得自己唔識讀呢隻字,即刻走去查字典睇下個字點讀? 應該唔會掛。你第一個反應,可能會心諗:「嘩,呢個人寫個『兒』字寫得咁樣衰嘅。」…
  • 【憂傷的嫖客】「環保吹」 by 菠蘿
    某天下午,就在我們對一樓一場所集中地進行實地考察的時候,遇見了一行三人、正在「洗樓」的嫖客小隊。所謂洗樓,就是嫖客在一樓一鳳姐集中的大厦,向每個鳳姐單位門口按鐘、逐個審視,直至他們遇上合眼緣的鳳姐,與她們進行交易為止。而這三人有別於一般的嫖…
  • 講起「蔡康年」,你諗起乜野? by 齋老味
    曾經係當紅DJ,因為施念慈報警話俾佢打,立即被貶為人渣,無得做DJ走曬樣,從此淪為TVB專用低能或變態角色。近年因為有高清台,無記多咗財經節目,先知佢原來而家係財經主持。…
  • 《鋼鍊》「等價交換」根本不是真理 by 方潤
    很多人提及《鋼》,都是提及等價交換原理,甚至以為《鋼》就是教人等價交換,其實是大謬。因為《鋼》的每一集都有這段開場白,由主角兩兄弟讀出:「人不作出犧牲,就不會得到任何回報,想得到一樣東西,就必須付出同等的代價。這就是煉金術的基本原則 - 「…
  • 解構精神心理治療——輔導個案概念化(Case conceptualization) by 西多士
    如果問大家對「輔導」一詞想起甚麼?可能會聯想到精神疾病,情緒困擾,婚姻問題,家庭暴力等。其實,「輔導」並不如有些人想得這般負面的。先說說「輔導心理學(counselling_psychology)」吧。!它是「應用心理學(applied_p…
歡迎讚好我們的facebook page,免費資訊源源送上。

文章資訊

ID: 42904
Date: 2013-07-05 16:06:37
Generated at: 2022-12-02 11:26:40
Permalink: https://www.vjmedia.com.hk/articles/2013/07/05/42904/反佔中的未來戰士