行遍長官︰陳膠波完全符合伸腳要求

(遊戲文章,如有雷同實屬港人不幸~)

「波」 於地皮吸水,謂「波」。 然若吸不得法,惹來一身潺,亦可謂「水皮」。(橄欖製作)

 

敝司發展部陳部長膠波先生根據利益申報制度去伸腳,精神上完全兩腳一伸。我司申報制度其實已經相當嚴謹,公司成立後不斷因應社團要求完善制度,但任何制度都能兩腳一伸,公司真係要不斷檢討。

 

我司發展部陳部長、他的太太、他太太的家人、他外家的家人……都唔知邊個喇,總之係佢啲人啦……十多年前在新界買落塊爛地,囤地時機很好,仲快過公司。更賺盡一分一毫,連幾十蚊地租都無放過,千里迢迢親自去收。他對於敝司收地發展,佢用實際行動支持,持有土地同公司利益一致。由於他是持份者,協助公司和各大冚家產商大謀其利,做事特別落力。而佢回應社會的方法,神奇!頂級!超卓!任你點樣去演譯……都係︰妙絕!

 

我認為他在去年10月扮賣出土地,錯過了收地賺大錢時的吹噓機會,十分愚蠢。他只要申報再伸腳,就完全符合我司制度的要求。我司就申報人在自己申報之外,他身邊的人,包括配偶、配偶的家人和外家等都申報利益,讓公司知道,公司同員工的私人利益一致,公司會更加信任、放心。其他公司有不同做法,我地最重視利益一致,有水自己友齊齊搵,唔准食夾棍!

 

(橄欖製作)

 

對於膠波的助理,屋企做廠捱咗幾廿年,唔買地一早俾租俾到執笠,邊可能捱到今日?佢返工之前將老豆公司啲股份轉走,拒絕同公司利益一致,又唔申報,我已經要表示遺憾。依家佢兩腳一伸唔撈,令我司又少了一個人,係遺憾上再加遺憾。依家啲年青人,抵受唔到壓力,少少野就辭職唔撈。呢件事令我堅信,要離開好易,留低卻需要好大勇氣,陳部長千夫所指都仲企喺度,係一位有高尚情操的員工。

 

公司要發展,有勇氣、有決心、有阿爺。過去多年來,一些界別和基層人士提出諸多要求,阻人發達,罪大惡極,過去我地一直無理佢地,現在出文回應,係相當大的一步。

 

敝司同本人在《行遍綱領》和《行遍報告》中所承諾做的事正一步一步落實。嗰班冚家鏟有運行啦……即係搵­到水呀。

 

作者:梁震嬰

梁震嬰
真炸遍集團行遍長官梁震嬰|ZY Leung, CE :O), True Deep Fry Group|我印象中無講過下面嘅說話︰個撚樣同我同名同姓呀,仆街。如果膿頭個位我坐到呢,嗰班冚家鏟就有運行啦……即係搵­到水呀。搵咁多錢又做乜撚呢? 我幫香港消災呀嘛。

閱讀後覺得好,請多多讚好及分享~:)

其他熱門文章

  • 【遊戲介紹】耍帥動作射擊遊戲 《Gungrave G.O.R.E》無限子彈變型棺材爽爆殺敵 by 五木
    主打耍帥和爽爆的動作遊戲,除了《Devil May Cry》外,還有另一個系列《Gungrave》(銃神)。新 […]…
  • 「𠒇」字係咩嚟?——港姐冠軍帶出嘅哲學問題 by 散彈一號
    試想象下,喺未有電腦嘅年代,如果你見到某張手寫嘅form上面,有人寫自己個名係「陳曼𠒇」咁啦。你會唔會即刻覺得自己唔識讀呢隻字,即刻走去查字典睇下個字點讀? 應該唔會掛。你第一個反應,可能會心諗:「嘩,呢個人寫個『兒』字寫得咁樣衰嘅。」…
  • 【憂傷的嫖客】「環保吹」 by 菠蘿
    某天下午,就在我們對一樓一場所集中地進行實地考察的時候,遇見了一行三人、正在「洗樓」的嫖客小隊。所謂洗樓,就是嫖客在一樓一鳳姐集中的大厦,向每個鳳姐單位門口按鐘、逐個審視,直至他們遇上合眼緣的鳳姐,與她們進行交易為止。而這三人有別於一般的嫖…
  • 講起「蔡康年」,你諗起乜野? by 齋老味
    曾經係當紅DJ,因為施念慈報警話俾佢打,立即被貶為人渣,無得做DJ走曬樣,從此淪為TVB專用低能或變態角色。近年因為有高清台,無記多咗財經節目,先知佢原來而家係財經主持。…
  • 《鋼鍊》「等價交換」根本不是真理 by 方潤
    很多人提及《鋼》,都是提及等價交換原理,甚至以為《鋼》就是教人等價交換,其實是大謬。因為《鋼》的每一集都有這段開場白,由主角兩兄弟讀出:「人不作出犧牲,就不會得到任何回報,想得到一樣東西,就必須付出同等的代價。這就是煉金術的基本原則 - 「…
  • 解構精神心理治療——輔導個案概念化(Case conceptualization) by 西多士
    如果問大家對「輔導」一詞想起甚麼?可能會聯想到精神疾病,情緒困擾,婚姻問題,家庭暴力等。其實,「輔導」並不如有些人想得這般負面的。先說說「輔導心理學(counselling_psychology)」吧。!它是「應用心理學(applied_p…
歡迎讚好我們的facebook page,免費資訊源源送上。

文章資訊

ID: 45327
Date: 2013-08-03 13:30:19
Generated at: 2022-12-02 11:41:11
Permalink: https://www.vjmedia.com.hk/articles/2013/08/03/45327/行遍長官︰陳膠波完全符合伸腳要求