港人的虛偽文化縱容今天的電視行業

(原載於:鹿米館

(photo via cc Wikimedia Commons user Srr)

 

你身邊總會有這類朋友:

「我唔睇港產片,好cheap」
「我唔睇無線,好無聊」

的確,近年港產片同無線的電視節目很低俗無聊。但這些朋友又很得意地沒有說明如何低俗同無聊,但卻很強調自己不看港產片同不看無線。咁佢地會睇咩架?

睇韓劇同日劇,睇下美劇。

而潛台詞是,因為我唔睇無線劇同港產片,所以我很high。

但唔睇其實唔代表你high。

我睇韓劇咪得,駛咩要浪費我既時間先?現在上網無得你睇呀?大把啦。

但有沒有想過這是一種逃避的方法?而不肯去面對社會現實的無理?

 

說了發牌其實都說了十年,韓劇成功都有大大話話十年有多,當年一套《大長今》風行全球,但香港電視劇卻落後了十多年,正是因為沒有競爭才不進步。過去十多年,其實全球的電視行業的發展是一日千里,歐美電視行業的發展和業務整合,形成了整個電視行業的不斷地進步,從而發展出不同類型的電視節目,當中不只是電視劇,還有真人騷、綜藝節目、紀錄片等等。昔日大家會看的紀錄片主要是BBC,又或者NHK,現在連韓國電視台都有斤量十足的紀錄片,如近期無線購買的《大魚奇譚》,或者法國電視台的《食勻全世界》,由Julie Andrieu主持,法國France 5台製作。這些都是既有資訊,亦帶有娛樂共賞的節目。

但香港呢?卻沒有,阿叻那個《帶你遊世界》更是可笑,看非洲大遷徙的鏡頭是遠到雷公咁遠,拿著個小得可憐的吊機卻說是大製作,香港何時走到這個井底地步?

亞視日播重覆重覆又重覆節目,這種滾洞式美其名是給予觀睇可以重看,但事實上是攝時間而因為沒有足夠資源播新節目,是慳成本。一日連播四次?普通二十四小時更數工種都係一日三更,播四次,真係非常之對觀眾很體貼喎!

 

以上這些說話,咁其實同唔睇無線劇、亞視節目有咩分別?

有,因為我又要睇,又要鬧,但這個情況是因為是被迫睇這些垃圾節目。

沒有人迫你喎,你可以唔睇架喎。

但大氣電波是我們香港人的公共財產,點解這些電視台還要繼續生存?還可以佔用我們的公共財產來製作這些低水平節目甚至連製作也沒有的電視台?

 

如果怕電視台會執,那就請執罷,社會不是說明要競爭和資本主義嗎?還會突然走出來要行保護主義?還是保護某類界別和既得利益者呢?而損害了香港人的利益呢?

的確看得多無線劇是會退化的,因為我們認知的故事來來去去都是警匪、專業人士,劇中家家人家中總有個天台。但原來我們不知道真真正正香港社會早已沒有天台,都變了板間房來賣錢。香港不只是有專業人士而是有更多不同社會階層,香港不只是得醫生和律師。不過近日原來是多了飛機師。

多了一個行業了,真係多謝晒無線。

大家還不感恩?講多一個新行業啊!

 

伸延閱讀
7,600份意見 數八宗罪 低俗胡鬧 評論不持平 市民對無綫亞視極度反感

 

作者:Terence Yun

Terence Yun

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 45681
Date: 2013-08-07 18:58:04
Generated at: 2022-12-06 13:05:27
Permalink: https://www.vjmedia.com.hk/articles/2013/08/07/45681/港人的虛偽文化縱容今天的電視行業