誠邀天水圍好假的肥仔加入全球改圖苦主大聯盟香港分部

(含粗口字,慎入)

(陀地館製作)

 

天水圍好假的肥仔:

 

肥仔你好,是咁的,週日晚有見 閣下投擲水樽的相片已被「退地」,週一凌晨零星以 閣下為主角的改圖已相繼出現,我相信你已經好夠資格加入敝會喇~~

 

敝會自成立以來,一直秉持「被改圖者須反省自己為何被改圖」 o既原則,真係貫徹「知恥近乎勇」 o既中華傳統美德。你老哥對住鏡頭就話自己被外籍人民力量成員(我都係第一次知道人力有鬼佬~)毆打,背住鏡頭就椗蒸餾水樽講粗口,恃住自己肥嘟嘟就扮可愛扮無辜呃D 睇CCTVB o既大叔大嬸,拿~~令尊令堂無教你咩叫「細時偷針大時偷金」咩?

 

 

家陣你求仁得仁啦~~天網恢恢疏而不漏,除了上面有未經刪減版 o既訪問,CCTVB 既頭號勁敵CCATV 影晒你椗野既雄姿,又有記者哥哥影左你幾張近鏡,仲有人影晒你不斷問候他人母親,相信 o係高登巴打絲打 o既努力之下,我好快就不用以「天水圍好假的肥仔」稱呼 閣下架喇~~~

 

 

所謂養不教父之過教不嚴師之惰,你盡下孝道 o既就唔好影衰家人同學校,咁細個就跟埋晒D 屋村童黨以為自己巧威威?出黎行係要還架小朋友~~~我係唔會因為你細個就唔邀請你入會 o既,你知唔知你一個扮可愛豬豬就令到全香港以為D 反對梁振英 o既人係暴徒蝦細路?就算你背後幾多辛酸史都唔可能令你呢次講大話變得合理。係精 o既就乖乖地自拍道歉放上YOUTUBE,搞到你學校日日收到投訴電話然後記你大過就一D 都唔型囉~~日日返學或者落公園「威」 o個陣被人拿個IPHONE 出黎SHOW 晒D 改圖笑你ON9 仔真係好ON9 架小朋友~~~

 

又所謂有教無類,為左令你大徹大悟反省一下自己點解被人改到椗手榴彈同埋精靈球,我就勉為其難邀請你入敝會啦~唔回覆當你應承~大家繼續用呢張「地已退」 o既雄姿圖慢慢玩~~~

 

全球改圖苦主大聯盟香港分部召集人

 

 

作者:容樂其

我覺得總編輯都有得出文係常識囉!

閱讀後覺得好,請多多讚好及分享~:)

其他熱門文章

  • 【遊戲介紹】耍帥動作射擊遊戲 《Gungrave G.O.R.E》無限子彈變型棺材爽爆殺敵 by 五木
    主打耍帥和爽爆的動作遊戲,除了《Devil May Cry》外,還有另一個系列《Gungrave》(銃神)。新 […]…
  • 講起「蔡康年」,你諗起乜野? by 齋老味
    曾經係當紅DJ,因為施念慈報警話俾佢打,立即被貶為人渣,無得做DJ走曬樣,從此淪為TVB專用低能或變態角色。近年因為有高清台,無記多咗財經節目,先知佢原來而家係財經主持。…
  • 【憂傷的嫖客】「環保吹」 by 菠蘿
    某天下午,就在我們對一樓一場所集中地進行實地考察的時候,遇見了一行三人、正在「洗樓」的嫖客小隊。所謂洗樓,就是嫖客在一樓一鳳姐集中的大厦,向每個鳳姐單位門口按鐘、逐個審視,直至他們遇上合眼緣的鳳姐,與她們進行交易為止。而這三人有別於一般的嫖…
  • 「𠒇」字係咩嚟?——港姐冠軍帶出嘅哲學問題 by 散彈一號
    試想象下,喺未有電腦嘅年代,如果你見到某張手寫嘅form上面,有人寫自己個名係「陳曼𠒇」咁啦。你會唔會即刻覺得自己唔識讀呢隻字,即刻走去查字典睇下個字點讀? 應該唔會掛。你第一個反應,可能會心諗:「嘩,呢個人寫個『兒』字寫得咁樣衰嘅。」…
  • 解構精神心理治療——輔導個案概念化(Case conceptualization) by 西多士
    如果問大家對「輔導」一詞想起甚麼?可能會聯想到精神疾病,情緒困擾,婚姻問題,家庭暴力等。其實,「輔導」並不如有些人想得這般負面的。先說說「輔導心理學(counselling_psychology)」吧。!它是「應用心理學(applied_p…
  • 《鋼鍊》「等價交換」根本不是真理 by 方潤
    很多人提及《鋼》,都是提及等價交換原理,甚至以為《鋼》就是教人等價交換,其實是大謬。因為《鋼》的每一集都有這段開場白,由主角兩兄弟讀出:「人不作出犧牲,就不會得到任何回報,想得到一樣東西,就必須付出同等的代價。這就是煉金術的基本原則 - 「…
歡迎讚好我們的facebook page,免費資訊源源送上。

文章資訊

ID: 46082
Date: 2013-08-12 03:40:35
Generated at: 2022-12-01 17:52:04
Permalink: https://www.vjmedia.com.hk/articles/2013/08/12/46082/誠邀天水圍好假的肥仔加入全球改圖苦主大聯盟香