謎之港鐵側綫

原載於:MTR Service Update Page

 

之前的64、71、暑假期間各種活動,我地成日話預留左空車備用,到底啲空車會放喺邊嫁呢  ?

 

原來,鐵路上有好多大家見得到,又可能係見左都唔覺,甚至好難見到的路軌,俾列車躲埋一角,但又唔算係行車綫的一部份。其實,佢地都稱為「側綫」,譯自英文「Sidings」一詞。

 

在興建地鐵時,市區已有相當的發展,港島的地底空間更見細小,日後好難再建新的行車管道。所以在設計地鐵時,已吸收左倫敦百年的經驗,在預計需要開短途車,又或者是適合作臨時調頭的地方,先建好側綫,供日後使用。

 

左上:上環壞車側綫,右上:荔景中間路軌,左下:金鐘側綫,右下:羅湖編組站

 

例如圖左下角,位於遮打花園地底,可以分別從金鐘、中環站進出的金鐘側綫,能為荃灣同港島綫提供後備車源。每逢大形活動前後,只要空車駛到,瞬即就可「吸光」月台上候車的人流。不論荃灣、中環、上環和柴灣方向的班次,均可進出金鐘側綫,調道列車可謂非常方便。

 

遇上有列車故障,失去動力又重啟無果,前來救緩的客車/工程車,就可將無法行駛的車廂,推至圖左上的壞車側綫,等服務盡快恢復之餘,技術員也可專心處理問題。壞車側綫一般會設在行車綫的起點,例如是上環、油麻地、北角等地。其中上環壞車側綫,近年就因為西港島綫工程,曾一度長時間封閉;其後又分別重開柴灣、上環方向的部分。未來當東鐵綫延至金鐘時,也會一併建設伸入山中的壞車側綫,好讓過海隧道的一段,不會因壞車而停擺。

 

至於荔景山入面,有一條稱作「Lai King Service Connection」的側綫,藏在荃灣綫路軌之間。晚上負責維修路軌,和更新設備的工程列車,常常會先停泊於此,待尾班車駛過後才離開側綫。以便在僅有的收車時間,趕往工地爭取時間施工,佢仲連接左機場鐵路,方便同市區綫共用工程車組。

 

但即使係載客火車,都未必會每晚返回車廠。原因係朝早港鐵「開門大吉」時,列車要相當時間才可填充全綫。圖右下的羅湖編組站,加埋上水屠房側綫,合供可放八列 12 卡的火車。全靠佢地為列車提供「留宿空間」,每朝新界北的乘客,就無需等候良久,待火車先離開何東樓車廠,到羅湖循環一圈就已經有車坐啦。由於編組站已無需再處理自中國南下的貨物,隨「沙中綫」通車,編組站也會增加電氣化的範圍,讓更多載客列車「留宿」,使早上由新界過海的班次更見平均。

 

咁 … 彩虹中間路軌呢?下星期再講D鬼故(好似係)

作者:MTR Service Update

MTR Service Update
數碼媒體平台上影子的鐵路公司溝通渠道, 專注於乘客資訊的工作,目的為示範公共事業之應有水準,服務範圍 ➡️metroride.hk/ServiceScope

閱讀後覺得好,請多多讚好及分享~:)

其他熱門文章

  • 【辦公室智慧】Learn how to not give a fuck, you will be fine. by 沒有句號
    大佬個 Sales Assistant – Ann 姐入 form claim 電話費,一次過 claim 一至八月,公司 policy 講明只可以 claim 最近兩個月嘅單,會計部都係跟 policy 做嘢啫,過咗期自然就彈㗎啦,所以 …
  • 去到英國做警花(自稱),見盡社會光怪陸離。 by 英國警花
    早排見d移民谷,個個都好擔心治安,人人好似會抬個夾萬日日出街等人打劫咁款,好似治安除左偷竊打劫外就無野要考慮。講到治安,你有冇諗過英國好多警力其實花了在照顧精神病人身上?…
  • 解鎖記 by 健吾
    在泰國演藝圈工作的朋友說,聽說泰國演員之間,都會看不起「拍BL走紅的演員」,會覺得他們沒有演技,用旁門左道上位。只是,在這個時代,如果他們仍看不穿《sex and the city》中,samantha 說的現世代走紅秘笈:「首先是gay,…
  • 【PR】LEGO Bricktober 與你《共闖遊「樂」園》 四款限量版機動遊戲歡度 10 月節慶嘉年華 by VJGamer
     2020 年不經不覺已渡過大半年,準備踏入 10 月之際, 意味著 LEGO® Bricktober「玩」樂 […]…
  • TikTok 其實好重要 by 毛言地
    每個社交媒體都會有唔同嘅低能及危險玩意,就好似Facebook早前都有出現藍鯨遊戲,不過「危險」始終唔係Facebook嘅主流,大家上Facebook嘅主因唔會係為咗睇藍鯨遊戲比咩任務你。但TikTok當中低能嘅影片基本上係主流,咩Skul…
  • 「作為一個女仔識做家務係一件好可恥的事」 by 瓔庭
    「作為一個女仔識做家務係一件好可恥的事,你要同我記住。」細細個便響阿媽度學識呢句說話的Pat一家很完美的實行了這個「理論」,佢係一個十指不沾陽春水的大小姐。家中清潔、煮飯什麼的都是Pat的老竇同阿哥去做。甚至學校有家政堂寧願肥佬都唔肯去做任…
歡迎讚好我們的facebook page,免費資訊源源送上。

文章資訊

ID: 46681
Date: 2013-08-18 13:20:55
Generated at: 2020-09-20 05:38:39
Permalink: https://www.vjmedia.com.hk/articles/2013/08/18/46681/sidings