彩虹站的鬧鬼傳說

傳說喺 34 年前,地鐵將通車之時 …

 

幾名英國工程師和本地的車務人員,在彩虹站登上第一列電動列車試車,往九龍灣的車程在人手駕駛下,理應只消四分鐘,但下一站職員良久未見有車,欲在無綫電聯絡車長,但系統又告失靈,只傳來「沙沙」聲。

 

未幾,列車緩緩進站,但車上的人受驚過度面無血色,送院後不久又離奇死亡 ; 又傳說這條上行綫的管道錯通鬼門關,結果地鐵方面急急改道,原路變成彩虹二、三號月台(好似係)。

 

彩虹 至 九龍灣的隧道

彩虹 至 九龍灣的隧道

 

空穴來風未必無因嘅 … 話說當年試車期間,工程人員真係發生左溝通問題,錯設路軌「較剪口」,令工程列車出軌撞向隧道壁,幸好當時車速唔高,無點損壞建築結構,下圖就係意外發後,在彩虹站附近所留低的痕跡。

 

軌旁損壞的隧道結構

軌旁損壞的隧道結構

 

咁點解彩虹站好似火車站咁,有中間路軌,同月台可以上落客呢?

 

原來在英國顧問公司為地鐵構建的藍圖中,計劃興建一條「東九龍綫」(沙田綫)由鑽石山過海到上環,鑽石山站則會起多幾個月台。

 

加上一條額外的路軌,就會經獨立隧道,連接九龍灣車廠、彩虹、鑽石山站,使車廠出入口唔會俾觀塘綫「霸住」而影響效率,列車又可以調頭往返九龍和沙田,為新界的乘客,提供更頻密班次。「東九龍綫」(沙田綫)通車前,額外路軌會先作車廠的出入口的專用道。

 

時至今日,「東九龍綫」計劃已演變成「沙田至中環綫」,彩虹站中間路軌的兩個月台,曾於 2002 年起協助地鐵公司測試幕門之用,期間往油麻地 / 北角的列車,都會輪流使用中間路軌。

 

鑽石山站原用作興趣其他月台的空間

鑽石山站原用作興建其他月台的空間

 

又雖然曾有一段時間,列車駛過此處,都很容易失去定位訊號,而要減速行駛。不過問題現已修妥,絕對無鬼!

 

彩虹站中間路軌

彩虹站中間路軌

 

現時在平日的 1647 時起,更有五班列車,由車廠經中間路軌,載客開出往油麻地。

 

彩虹站原接駁鑽石山站的結構預留位

彩虹站原接駁鑽石山站的結構預留位

 

之但係點解 MTR 之前又講彩虹2/3號月台,變左《葉問》咁鬧雙胞?可能係飲完 Tea Lady 咖啡就攪成咁啦,呢啲野對住獅子山下的陽光,一傾就成個下晝 …

作者:MTR Service Update

MTR Service Update
一群與港鐵有關的人士、職員和乘客,針對每有發生事故,消息發放混亂且緩慢,於 2011 年發起的 Twitter。同時是數碼媒體平台上,影子的鐵路公司正體中文 及 英文溝通渠道。我們以對鐵路的專業認識,為乘客發佈最新資訊,並鼓勵乘客互動,服務範圍: metroride.hk/ServiceScope

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 47385
Date: 2013-08-28 01:06:53
Generated at: 2019-02-17 08:57:35
Permalink: https://www.vjmedia.com.hk/articles/2013/08/28/47385/chhcentretrack