【香港電視】港豬庸碌,網上嘈幾日應該冇件事

商務及經濟發展局局長蘇錦樑開記者會,宣佈香港電視申請遭拒

TVB 截圖(死心啦截圖都係用TVB,可以點?)

 

今日下晝,商務及經濟發展局局長蘇錦樑開記者會,宣佈香港電視申請遭拒。網上言論反應極大,個個喊晒口話唔公平,好黑暗。之後又有人開FACEBOOK要求政府發牌俾維基,幾個鐘頭內有廿幾萬人LIKE左。即刻有人話:嘩!今次掂咧!廿幾萬個LIKE呀!仲多過學民!今次香港有希望啦!咁多人反對,有機會逼到政府做野咧!

我相信如果有政府中人係網上監察民意,見到呢D咁既POST,應該會由心笑出黎。CY班子上任,政府連串醜聞,經歷兩次七一,兩次都有成幾十萬親身上街叫佢落台,到而家,個個繼續生勾勾坐係度豆你班納稅港豬人工,真係使驚你個廿幾萬個LIKE。 人地蘇錦樑出得黎,講到實一實,話拒絕發牌俾維基,預左你班港豬會嘈,但佢更加預左,你班友過幾日就冇件事,繼續睇番TVB。

 

香港營商環境黑暗,成日口講自由市場,實質壟斷處處,已經唔係第一日既事。電力供應如是,公共交通如是,港豬係生活上經已身受其害,但係港豬依然默默承受,試問又點會容忍唔到冇牌俾維基?何況不知有幾多港豬,係真心鍾意睇TVB,覺得齋睇足一世都冇所謂?

所以話,旨意港豬係電視呢單野上會有咩抗爭,完全係三個字:天方夜談。黑箱作業?唔公平?早抖啦!聽日仲要返工呀!

仲有,《法外風雲》遲D好似有陳法拉著緊身衫打拳,到時個個走晒去CAP圖,仲點會記得邊個王維基?

 

陳法拉緊身衫打拳:o)

 

作者:向東一江春水

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 51906
Date: 2013-10-16 00:51:47
Generated at: 2020-04-07 14:27:29
Permalink: https://www.vjmedia.com.hk/articles/2013/10/16/51906/【香港電視】港豬庸碌,網上嘈幾日應該冇件事