電視牌照事件結果預測

(蘋果日報截圖)

(蘋果日報截圖)

 

琴晚打左篇文,批死發牌單野,港豬係網上嘈幾日應該冇件事,頂多星期日去政總出一出現然後第日返工,惹來一D批評,話篇文,冇建設性。

見到呢D comments,真係有D傷感。今朝返學,搭地鐵又見到港豬照常返工;再行入Lecture Hall,教授岩岩講緊維基單野。見到百幾個大學生,佢地身光勁靚,男既著A&F,女既短裙背心,一律用Macbook打notes,佐以一杯Starbucks/Pacifc/Habitu,個個坐定定專心聽書打字,成個課室,充滿中產氣氛,精英境界。我終於忍唔住,拿拿淋揀左個尾位,係Lecture Hall獨自垂淚。

建設?為港豬建設,再精辟既分析,再詳盡既建議,都係一朵鮮花插在牛糞上。琴晚一知道維基冇牌,第一時間好認真咁諗:香港曾經輝煌一時既電視文化,究竟應何去何從? 有冇可能發展網上電視? 港府黑箱作業,市民又可以點抗爭?圍政總多數唱K收場, 公命抗命有冇可能?不過好快覺得,其實諗黎真係晒氣。就講上年,DBC停播,政府撒手不管,港豬又話咩撐到底,結果點?諗黎,真係晒氣。

 

我估港豬好快會唔記得,但係內心深處,又何嘗唔想自己估錯?不過歷史話俾我知,港豬政治冷感,就算抗爭,亦只係和理非非非,加三分鐘熱度,已經衰左好多次。究竟除左供樓交稅,港豬係呢個世界上仲有咩存在意義?諗落,其實係有,就係為呢個世界,提供無限恥笑既材料,向世人示範,點樣將一個曾經傲視世界既國際都會敗清光。

何況,知恥近乎勇,要救香港,第一步唔係要咩建港藍圖,詳盡分析,而係要令港豬知恥,知道自己咁多年黎,有幾笨,有幾柒。感覺良好,覺得Facebook有三十幾萬Like「就係民意」,可以逼政府讓步,先至係最無補於事。

 

照歷史黎睇,今次既「抗爭」,最後會發展成點?斗膽係到做個事態發展既大致預測,講定先,呢個已經係so far諗到最樂觀既預測:

今日起星期三至六:香港市民對香港電視不獲發牌既民怨繼續(係網上,注意,係網上)升溫。

星期日:網民發起包圍政總行動,不少社運人士到場參與,希望市民關心事件之餘,亦能從中反思資本主義下,傳媒營運以商業掛帥的模式應否繼續下去。大部份市民於晚上散去,但仍有少量市民和社運人士留守,並呼籲市民星期一繼續聲援。

下星期一至五:不少市民返工返學後到政總聲援。政總開始醞釀成立由一些社運人士領導(唔開名咧 :0))的「全港關注免費電視發牌大聯盟」,並要求政府回應民意。

星期六:特首會見記者,稱「係發牌同唔發牌之間,有好大既討論空間」。局長重申政府一定會積極考慮任何有能力提供免費電視服務的申請者。傳媒立即以「政府有可能讓步」為主題,大肆報導。

…再下星期:「全港關注免費電視發牌大聯盟」發言人(又唔開名咧 :0))宣佈,將聯盟註冊為有限公司,長期監察政府的免費電視發牌政策。

…再隔多幾個星期:

 

 

 

 

 

C1頭條:
全城熱播!TVB台慶劇《On Call三十六小時II》
首集收視3X點 百X萬觀眾收看!

 

 

 

作者:向東一江春水

閱讀後覺得好,請多多讚好及分享~:)

其他熱門文章

  • 【遊戲介紹】耍帥動作射擊遊戲 《Gungrave G.O.R.E》無限子彈變型棺材爽爆殺敵 by 五木
    主打耍帥和爽爆的動作遊戲,除了《Devil May Cry》外,還有另一個系列《Gungrave》(銃神)。新 […]…
  • 未來為你的旅途 – 鐵路願景 by MTR Service Update
    車務工程部就提出「鐵路願景」(RailwayVision)計劃,將三大鐵路範疇、設備,即車站、列車、票務系統更新之餘,仲期望可將服務提升至另一個層次,迎合下一個 20 年的需要。例如大家有無稔過售票機可以找番紙幣 ? 網上買完飛又可以直接搭…
  • 【憂傷的嫖客】「環保吹」 by 菠蘿
    某天下午,就在我們對一樓一場所集中地進行實地考察的時候,遇見了一行三人、正在「洗樓」的嫖客小隊。所謂洗樓,就是嫖客在一樓一鳳姐集中的大厦,向每個鳳姐單位門口按鐘、逐個審視,直至他們遇上合眼緣的鳳姐,與她們進行交易為止。而這三人有別於一般的嫖…
  • 《鋼鍊》「等價交換」根本不是真理 by 方潤
    很多人提及《鋼》,都是提及等價交換原理,甚至以為《鋼》就是教人等價交換,其實是大謬。因為《鋼》的每一集都有這段開場白,由主角兩兄弟讀出:「人不作出犧牲,就不會得到任何回報,想得到一樣東西,就必須付出同等的代價。這就是煉金術的基本原則 - 「…
  • 講起「蔡康年」,你諗起乜野? by 齋老味
    曾經係當紅DJ,因為施念慈報警話俾佢打,立即被貶為人渣,無得做DJ走曬樣,從此淪為TVB專用低能或變態角色。近年因為有高清台,無記多咗財經節目,先知佢原來而家係財經主持。…
  • 語言陷阱(上):闕義、歧義、含混 by 楊梓燁
    這種因為語法結構的問題,而造成一個語辭(詞語、字、句子)在某語境裡有兩個或以上的意思,便叫做「語法歧義」。這種歧義的其他例子,例如有「求學不是求分數」,可以理解成「求學,不是求分數」,又可以開玩笑地理解成「求學?不,是求分數!」。又例如算命…
歡迎讚好我們的facebook page,免費資訊源源送上。

文章資訊

ID: 51925
Date: 2013-10-16 14:12:46
Generated at: 2022-11-27 19:49:23
Permalink: https://www.vjmedia.com.hk/articles/2013/10/16/51925/電視牌照事件結果預測