（原載於：HKORIGINALS）

（史兄facebook 帳號）

（史兄主理「捐條毛做善事」FB PAGE：https://www.facebook.com/donateahair ）

 

 （史兄出品必含粗口字，慎入）

 

崔秀英，韓國女子組合少女時代成員之一。身高170cm，未婚（呢點就只可以怪我唔好），眼大，應該整過容。整唔整容你唔好理，香港某樂壇天后夠整容整到仆街，不過整極都咁撚醜，仲要一日到黑都仲喺度扮安祖蓮拿．祖兒。唔好以為洋名一樣就會似樣先得架。唔通我筆名George Joseph Stigler，真人係鬼佬？

 

根據＜辦公室七不思議事件＞記載，我有位同事，亦叫秀英。此秀英與彼秀英，樣貌身材相距甚遠，此秀英極其量只能稱為有眼耳口鼻，四肢健全。此秀英乃煩撚一名，已婚、育有一子，幾十歲人仍然天真，並擁有三歲孩童般的智商。

 

最仆街係，｢秀英｣呢個假名係開始寫＜辦公室七不思議事件＞嗰陣亂改嘅……點解我會將同我中意嘅少女時代成員一樣名嘅人物，寫得咁低能同白痴……

 

雖然呢個外傳個題目有秀英，但佢出場嘅次數一貫地少。咁白痴低能嘅角色，用嚟恥笑就好。

 

為咗故事完整性，閱讀此外傳前請重溫＜辦公室七不思議事件＞第一至第五集。

 

第一集：http://www.vjmedia.com.hk/articles/2012/09/16/19695

第二集：http://www.vjmedia.com.hk/articles/2012/12/11/26250

第三集：http://www.vjmedia.com.hk/articles/2013/03/07/33022

第四集：http://www.vjmedia.com.hk/articles/2013/05/23/39205

第五集：http://www.vjmedia.com.hk/articles/2013/08/29/47474

 

───

 

此事發生在公司宣布裁員後、我交三碌拎報告之前。（唔明就睇返第一至第五集拉）

 

諗真啲，有時候我又唔怪得公司裁員。因為公司好多冗員，諗埋做埋好多無撚謂謂嘅嘢。

 

例如無端端搞“Kids’ day”，中文叫｢親子同樂日｣。親子同樂，並唔係放做父母嘅同事一日假，等你可以去親子親女親親大自然。咁蝕底嘅嘢公司邊肯做？而係倒轉嚟，皇恩浩蕩，畀大家嘅仔女同你一齊返工，冚家喺公司吸廢氣聽廢話，陪足你廿四小時。

 

我諗過，若然有家人老竇老母都喺度做，呢日帶埋個仔返工，咁啱恐怖襲擊（如911），咁就真係冚家剷，唔使驚個仔無人理要去保良局。爽爆。

 

我一直唔知點解，喺工作日周一至周五，有小朋友可以咁得閒唔使返學，嚟公司陪阿爸阿媽返工。反正，唔返一日學，對人生影響，係零；好多大學生（包括自己十幾年前），成個學期、甚至乎成年唔返學，對人生都影響，都係零。

 

我淨係知道，若果我返咗學，咁就無咗人生。所以我入大學之前，係無人生。你有冇聽過中學生講人生？咪臭係囉。

 

｢究竟係邊個屎忽痕搞返呢個kids’ day？對我呢類單身、獨身、未結婚、無老婆，最．撚．憎．小．朋．友嘅人嚟講，呢日應該改名做“Kidding day”，簡直拎我開玩笑。｣某日我哋幾個喺會議室吹水時，我提起呢件事。

 

｢呢啲叫做work life balance。｣安祖為人事部嘅政策辯護。

 

無錯，任何公司百份之一百嘅無聊政策，都係由人事部諗出嚟。梗係拉！唔搞屎搞棍諗啲無謂嘢出嚟，點趕走啲員工？唔趕走啲員工，人事部唔使請人、無嘢做，咁咪要cut headcount囉！

 

｢喺公司講家庭，屋企講工作，咁叫work life balance？同食老麥嘅炸薯條講健康同營養有乜分別？早啲放人返屋企，唔好畀隻黑莓（blackberry）人啦屌！如果我工作嘅人生，三分一時間係公司、三分一係屋企、三分一畀周公，咁就叫平衡咧。｣我一口煙噴向安祖。

 

秀英插咀。

 

｢哎呀，阿史，你唔明嫁咧。我哋平時返工咁忙，好難抽到時間陪小朋友嫁。有時返到屋企，個仔晨早就瞓咗。有時晨早食早餐先可以望佢一兩眼（我心諗：仆街有人夜晚食早餐嫁咩？）。原來佢轉眼間都咁高咁大咧……同佢著鞋，上次佢仲係著2號鞋，今次已經係4號。你無小朋友，唔明嫁咧。仲有，kids’ day可以畀個機會啲小朋友明白下阿爸阿媽返工有幾辛苦。｣佢講嗰陣眼泛淚光，唔知以為佢選到香港小姐冠軍。

 

｢豬閪，你叫個仔學少樣嘢咪有時間見你囉。｣我好少面對面咁屌鳩人，更加少用豬閪鬧人。

 

母豬一胎生八至十二隻小豬，多則廿幾隻（世界紀錄好像是35隻），一年生2.4次。以母豬只生五年計，每次生十隻計，母豬一生會生120豬。豬閪係非常有效率、生產力非常強勁的器官。雖然相比起妊娠期10個月、一年生1次、每次生1隻嘅牛，供應需求結果顯示豬肉比起牛肉平好多，不過，以有功用嚟做個排名，豬閪應該排第二（第一梗係撚啦，可以一鑊射幾千萬到幾億後代，真正萬子千孫喎）。

 

所以用豬閪嚟鬧人，係侮辱咗豬閪。

 

呢個理論我解釋過幾次畀佢哋聽。所以秀英聽到我用｢豬閪｣鬧佢，即刻扁咀。師奶你幾多歲呀？仲扁咀？正當我想繼續鬧秀英以發洩對親子日嘅不滿，Nelson插咀：

 

｢哈哈哈，秀英你不如又試下學你個仔咁，一三五補英文，二四補普通話，六練法文日練拉丁文，平時放學練琴，周末打跆拳道加劍擊，一年級讀四年級嘅課程，小學識埋微積分。你會發覺做小朋友仲pathetic。｣

 

好一句pathetic。

 

｢Nelson，你無小朋友唔明嫁咧。你趁後生生返個啦，三四十歲人都係時候咧。唔係你第二日會後悔。｣秀英又係嗰句。

 

｢你都痴線嘅。生舊嘢出嚟供書教學，嚴重拖低生活質素，慘過活喺貧窮線以下，要嚟做乜？唔通我因為怕將來可能後悔，而家走去做件令我即時肯定後悔嘅事？條數點計？｣

 

｢唉，真係學少樣嘢都唔得呀。輸在起跑線呀。｣秀英似明非明。

 

｢生個仔，大大話話幾百萬倒落咸水海，輸就輸撚梗啦。睇下輸多定輸少咁解。個女十六歲畀人滾大咗個肚，跟佬走咗，養少幾年咪輸少啲；個仔中出唔即飛，咪大撚鑊，好似早年班友玩accumulator咁，accumulate咁輸囉。｣大力堅決企喺我正義嘅一邊。

 

｢乜嘢叫中出？｣天真的聲音又再響起。

 

｢呼～｣我雙眼反白，實在無佢咁好氣。我出盡力按熄煙頭：｢近排好撚忙。你哋繼續，我返去寫埋份三碌拎。｣

 

因為份仆街三碌拎，我唔可以好似往年咁放假去避開呢個kidding day。我安慰自己，睇下班嘩鬼點樣搗亂都好。

 

───

 

 

行刑當日。

 

返到公司，一開電梯門，我好後悔唔詐肚痛射波－我聽到好多小朋友嘅笑聲。彷彿係嘲笑我愚蠢嘅笑聲。

 

喺接待處，全公司最靚嘅接待員Monique，已經畀兩三個（應該係）咸濕細路圍住。Monique瓜子口面、長頭髮，高、瘦但平。佢唔會主動電人，不過幾乎係男人都會畀佢吸引住。所以大部份嚟見工嘅男人，係接待處坐完一陣，見工嗰陣都會雲遊四海。Monique係見工嘅第一關。

 

｢Monique早晨，佢哋幾個真叻仔，咁細個都識貨呀！｣講嘅時候豎起手指公，戚一戚眉頭賤笑。

 

我冇等Monique回應，已經一支箭咁飛返埋房。不過，係短短三十米路程中，我發現辦公室用圍都有小朋友跑跑跳跳，we 嘩鬼叫。到處都充斥住無限能量同能源的小朋友，不斷喺辦公室內奔跑、奔跑，同大叫。你可以想像有十幾廿個Ironman係公司飛嚟飛去嘛？

 

咪辦公室變咗冒險樂園囉。

 

返到入房，關咗門。我發現我手心冒汗。睇嚟我身體作出自我防衛，要我射波請假。不過唔理得咁多，份三碌拎要趕住交。

 

一班嘩鬼，不停喺出面度跑、發出如雷般嘅叫囂，仲玩捉衣因。有啲坐係走廊度大聲朗讀故事書。果然係kids’ day。跟住落嚟嘅個幾鐘，佢哋不斷大呼小叫，根本專心唔到做嘢。我份三碌拎今日要交呀～～～

 

｢乜得嚟咁多細路嫁……｣我偷偷地去會議室食煙，撞到大力同Nelson。

 

｢喂你識英文架嘛。Kids’ day, 留意個“s”字嘅位置，代表眾數呀。｣大力苦中作樂。

 

｢妖。｣

 

幾個繼續唔出聲食煙。

 

｢喂！原來你哋幾個喺度！｣天真的聲音出現。秀英佢抱住個仔，跟尾仲有一班細路。小朋友有高有矮，有男有女。有兩個喺室內都仲戴住鴨咀帽，喂你估秋季大旅行呀？

 

班友嘅老竇老母呢？我唔知喎。反正佢哋對仔女嘅責任，一早外判晒－飲食畀咗賓賓、學習畀撚晒學校、道德同社會觀送咗畀TVB。出晒錢供書教學、起居飲食，仲想點？佢哋今日只係帶仔女返嚟嫁渣，親子咪搭車返工嗰陣親咗，其餘時間咪睇下邊個同事得閒做一日湊仔婆囉，仲關父母屁事？

 

我見到班細路，居然仲識講笑：｢乜秀英你生咗咁多嫁架咧？完全符合晒我早兩日叫你豬～｣

 

｢唔．准．講．粗．口｣秀英有史以嚟第一次板起臉孔指住我，成個白鴿黨四方姐咁嘅咁。

 

 

 

｢豬事丁～飛天少女豬事丁～～～oh yea babie！｣Nelson懶有急才。

 

｢收皮拉。播飛天少女嗰陣，呢班細路連精虫都未係，邊識飛天少女呀。｣我咬住咀唇細細聲向Nelson說。

 

｢好咧，小朋友，同大力叔叔同Nelson叔叔講早晨啦。｣安祖跟尾出現。由於人事部係搞屎棍，安祖就成為今日嘅領隊。

 

｢大力叔叔早晨！Nelson叔叔早晨！｣眾人齊心一叫。

 

正當我等候安祖介紹我出場之際……

 

｢大家叫呢個做史叔叔啦！｣秀英插咀。

 

｢史叔叔你好！！｣眾怪物同聲。

 

｢史叔叔？？？？？？？｣我瞳孔應該放大咗一億倍，怒睥秀英，心諗：｢師奶！我三十二歲渣，細佢哋兩個六七年，史乜撚嘢叔叔呀。｣

 

秀英見奸計得逞，縮一縮膊頭，遮住半邊咀笑了一下，然後做出勝利的手勢。此時後方出現一把微弱的小童聲音，傳來一句英文：

 

 

 

 

 

“Good morning Uncle Shit.”

 

 

 

 

 

 

唔知邊條仆街仔以為｢史｣係｢屎｣，細細聲地用英文向我講早晨。

 

｢哈哈哈哈～～uncle shit. 屎呀～臭臭～～～｣成班嘩鬼大笑。

 

大力、安祖、秀英同Nelson都忍唔住低頭竊笑。

 

 

 

 

 

嗚呀～～屌你老母呀！！我幾十年辛苦建立嘅尊嚴同自信，仲未過朝早十一點就無撚晒咧！！！！！！！！！！！！！！！！

 

 

“uncle shit你好。”大力輕步走過來，喺我耳仔邊講。

 

｢shit你老～～｣

 

｢唔．准．講．粗．口｣秀英再重申。

 

我擠出虛偽笑容no.1，｢史叔叔係歷史個史，唔係臭臭嗰啲屎。｣隨手抱起一個小朋友，｢係咪你話我uncle shit?｣一路講一路唧個細路。其實可以嘅話，我已經搵AK47殺撚死晒佢哋。所有，全部，一個不留。

 

｢哈哈哈，臭臭嗰啲屎。｣眾怪物又笑。

 

｢搞錯呀你哋？有小朋友嚟仲食煙？｣我聽到安祖細細聲話鳩大力同Nelson。

 

｢That’s uncle shit 嫁。｣仆街仔Nelson賴落我度。我怒目而視，咬牙切齒，再做出｢屌你｣嘅口形。

 

Nelson聳聳肩，攤開雙手，一副“我都無辦法嫁”姿態。

 

我廢事理佢哋。大力同Nelson亦坐喺地下同小朋友傾計。

 

｢你叫乜嘢名呀？｣我放低畀我抱起個小朋友，摸摸佢個頭問。放心，我肯定佢係男仔嚟，如果唔係實畀人話我戀童同性騷擾。

 

｢我叫Morgenstern.｣小朋友用純正英語，大聲回答。

 

佢一答，大力同Nelson都即刻望過嚟。呢個時候，我腦海只得一幅影像……

 

 

 

 

 

 

｢吓？你準備大個仔入Morgan Stanley呀？｣我問。

 

｢乜嘢係Morgan Stanley？｣Morgenstern反問。

 

｢哈哈哈，嗰間係吸血貴利王嚟。不過我哋都係。｣我也不理Morgenstern懂不懂甚麼叫吸血貴利王。｢咁Morgenstern你爸爸定媽咪喺度做嘢？｣。

 

｢爹哋～～我爹哋叫文至達。｣Morgenstern一嘢就撻佢老竇全朵。

 

｢你係文叔個仔？｣我瞳孔放大，望住眼前呢個只有四五歲嘅細路。

 

正想再同Morgenstern傾計之際，背後傳來Nelson尖叫。

 

｢喂～呀～～～細路你咪扯我啲鬚呀喂～～好痛～～啊～｣我見到有兩三個細路覺得Nelson啲鬚好得意，伸手就去扯。

 

Nelson嘗試撥走佢哋，但轉頭佢哋又三五成群咁湧返埋去。好似班蝗虫食麥田咁。好快Nelson就被班細佬推低咗，不斷咁扯佢啲鬚。

 

｢唔好呀～～細力啲呀～～～啊～～～你唔好咁大力啊～～｣唔知以為Nelson畀人雞姦緊咁。

 

｢點解咁細個咁無家教……｣我心諗，呢個時候我聽到大力對班小妹妹講咸濕笑話……

 

｢嗱，如果你大個女，有叔叔帶你睇金魚，你千祈唔好去呀。｣

 

｢點解呀？｣有不懂性的小妹妹問。

 

｢因為金魚會變大，變成鯊魚，到時會食咗你嫁！哈哈哈哈。｣佢講完呢個笑話全世界得佢自己喺度笑。

 

條友真係痴線……點解我身邊咁多痴線嘅同事……

 

安祖見唔對路，即刻拉隊走：｢好咧，我哋都唔好阻住班叔叔做嘢咧。去第二度玩咧。｣

 

秀英同安祖兩個好似幼稚園教師咁，帶領班蝗虫消費完我三個阿叔之後，就趕班鴨仔離開會議室，去摧毀其他人的工作空間。

 

班人一出門口，我哋又拿拿臨煲煙（公司出糧畀我哋負責食煙）。大佬，我畀人當面侮辱，點都要食支煙定驚。

 

｢Uncle shit，頭先你同嗰個細路傾乜？｣Nelson問。

 

｢唔好再叫我Uncle shit，再叫反面呀……嗰個係文叔個仔。你聽到啦，叫Morgenstern。｣

 

｢下，文叔個仔？佢個仔咁細？｣大力搶問。

 

｢係呀，文叔叫文至達嘛。細路撻佢老竇全朵。我而家做三碌拎，對佢老竇個名印象深刻。｣我深吸一口煙。

 

文至達，文叔，五十幾歲，支援部主管。只讀到小學一年級，不過喺一班藍領當中做人較圓滑，所以做主管。佢十八歲開始喺公司做，睇住大部份高層大（註）。文叔大概等同赤大學生會嘅發叔、U-hall嘅三嫂咁。

 

｢咁呀，佢改個咁嘅名，我肯定係文叔個仔拉。Morgenstern係family name嚟，邊有人用嚟做given name嫁？畀鬼佬笑撚死呀。｣Nelson番書仔，喺美國留學，亦係美國總部做過。

 

｢文叔少讀書，唔好笑佢啦。不過而家啲人，一係自創英文名，一係亂用名。以為改個好勁嘅名，仔女就會識飛。一日最衰Angelababy。｣我擰擰頭無奈咁講。

 

｢所以都係你厲害，Uncle Shit。咁有見地改自己個名做一堆屎，簡單易明，名副其實。哈哈哈哈哈哈。｣

 

｢你兩個再叫我Uncle Shit我真係反面呀！死返去做嘢啦，再唔返去我寫臭你兩個份三碌拎，等你兩個畀人炒。｣

 

結果，｢親子同樂日｣嘅一個上午，我已經成功由史兄變咗Uncle Shit。

 

 

 

 

 

 

註：外傳要加新角色，因為同本傳有關。你以為加角色好過癮咩？