「你肚唔肚餓呀?整碗咖哩俾你食?」

(故事純粹虛構,如有雷同好_不幸)

從前響某條街,有兩間咖哩店,一間賣印度咖哩,一間賣泰國咖哩。兩間鋪都各有千秋,有自己的捧場客,賣既咖哩都相當有水準。

不過泰國咖哩因為經營不善,成日換老細,後來仲換左個根本唔識整咖哩既老細添,越做越霉,有一日個老細終於話,頂唔順啦,黎,買D糞肥返黎撈咖哩粉賣啦。結果泰國咖哩就開始賣咖哩味大便勒。

印度咖哩個老細見到就梗係高興啦,D客去晒自己度喎,但係亦因為咁,佢同佢D伙記都開始頹做,恃住自己有經驗、有客人,做既咖哩越黎越難食,甚至某D客開始話,「嘩!你果D都唔知係咪大便味咖哩黎!」不過,大便味還大便味,始終係咖哩,況且更加冇理由走過去食真正的大便呀,所以,大家仍然係一路鬧,一路焗住食。印度咖哩老細都有少少良心,擺枝雞汁響檯面俾大家調下味。

 

咖喱味大便

 

終於有一日,有三間新餐廳想黎呢條街開鋪,街坊心諗,好咯,終於有餐安樂茶飯有D新意囉。其中兩間新餐廳,本身已經響附近開緊會所,都有少少口碑既,所以都係係咁意派下傳單就算,反正會所賣開既野拎黎新鋪賣一樣得。第三間個老細就唔同,一鋪雄心壯志,重金禮聘印度咖哩D廚師、水吧、樓面來幫手,仲揼本教埋佢地煮法國菜。咁都唔止,佢仲響街度搞街坊試菜大會,個個都食到lam lam脷,係咁問佢幾時開張。佢話,佢地三間都要問過食環署,出到牌先得。

最後,食環署出牌啦,兩間會所一如所料獲批,搞晒試菜大會果個老細就落選。街坊當然質問食環啦,食環話,覺得成條街既食客撐唔起五間餐廳咁多。街坊嘩然,喂你食環唔係睇佢衛唔衛生合唔合格就出牌架啦咩?!佢做唔做到生意好似唔關你事架喎!仲有,果間直頭賣大便咁唔衛生既你又唔釘佢牌架喎?!食環就話,我地係有一籃子因素去決定既,但因為涉及三間餐廳既商業機密,所以唔方便透露既。到後來D街坊仲發現,原來果兩間會所的新店,一樣要畀會費先有得食架,只係冇咁貴咁解。

 

結果,班街坊唯有繼續日日食大便味咖哩撈雞汁;而對面間咖哩味大便,仍然好神奇地屹立不倒,晚晚傳來夜香……唔想食咖哩但係又肚餓?黎,我煮碗麵你食。

 


 

你,仲想唔想食大便味咖哩?!
唔想的話,10月20號星期日,三點鐘,去政總排排坐,唔係好難姐?!

 

 

作者:慶生

慶生
慶生,唔係好乖嘅基督徒,前中學教師,篤爆匯豐錯版100蚊紙始作俑者,曾經留學日本,而家係freelance日語教師。 此外亦係行動不便嘅拐杖友,最近新寫專題:「椅杖遊蹤」系列,希望喚起大家關注呢個常人唔為意嘅咫尺天涯。

閱讀後覺得好,請多多讚好及分享~:)

其他熱門文章

  • 【遊戲介紹】耍帥動作射擊遊戲 《Gungrave G.O.R.E》無限子彈變型棺材爽爆殺敵 by 五木
    主打耍帥和爽爆的動作遊戲,除了《Devil May Cry》外,還有另一個系列《Gungrave》(銃神)。新 […]…
  • 「𠒇」字係咩嚟?——港姐冠軍帶出嘅哲學問題 by 散彈一號
    試想象下,喺未有電腦嘅年代,如果你見到某張手寫嘅form上面,有人寫自己個名係「陳曼𠒇」咁啦。你會唔會即刻覺得自己唔識讀呢隻字,即刻走去查字典睇下個字點讀? 應該唔會掛。你第一個反應,可能會心諗:「嘩,呢個人寫個『兒』字寫得咁樣衰嘅。」…
  • 【憂傷的嫖客】「環保吹」 by 菠蘿
    某天下午,就在我們對一樓一場所集中地進行實地考察的時候,遇見了一行三人、正在「洗樓」的嫖客小隊。所謂洗樓,就是嫖客在一樓一鳳姐集中的大厦,向每個鳳姐單位門口按鐘、逐個審視,直至他們遇上合眼緣的鳳姐,與她們進行交易為止。而這三人有別於一般的嫖…
  • 講起「蔡康年」,你諗起乜野? by 齋老味
    曾經係當紅DJ,因為施念慈報警話俾佢打,立即被貶為人渣,無得做DJ走曬樣,從此淪為TVB專用低能或變態角色。近年因為有高清台,無記多咗財經節目,先知佢原來而家係財經主持。…
  • 《鋼鍊》「等價交換」根本不是真理 by 方潤
    很多人提及《鋼》,都是提及等價交換原理,甚至以為《鋼》就是教人等價交換,其實是大謬。因為《鋼》的每一集都有這段開場白,由主角兩兄弟讀出:「人不作出犧牲,就不會得到任何回報,想得到一樣東西,就必須付出同等的代價。這就是煉金術的基本原則 - 「…
  • 解構精神心理治療——輔導個案概念化(Case conceptualization) by 西多士
    如果問大家對「輔導」一詞想起甚麼?可能會聯想到精神疾病,情緒困擾,婚姻問題,家庭暴力等。其實,「輔導」並不如有些人想得這般負面的。先說說「輔導心理學(counselling_psychology)」吧。!它是「應用心理學(applied_p…
歡迎讚好我們的facebook page,免費資訊源源送上。

文章資訊

ID: 52228
Date: 2013-10-18 16:01:08
Generated at: 2022-12-02 11:33:57
Permalink: https://www.vjmedia.com.hk/articles/2013/10/18/52228/「你肚唔肚餓呀?整碗咖哩俾你食?」