又來「彈爛啲罅彈爛啲罅彈~」?

(原載於:Waikin’s Quote

《On Call 36小時》

 

係啊,從今日開始,班港男港女又可以再次聽到容祖兒嘅歌聲喇──咦?乜主題曲唔係變咗做《續集》咩,點解重可以聽到「彈爛啲罅彈爛啲罅彈~~」㗎?我好好奇問咗朋友,佢嘅答案真係一針見血:「炒得多冷飯,就會炒得好好食囉。」我跟住上網搵吓雞汁台過往炒冷飯嘅戰績,睇完之後……哦~唔怪得之雞汁台可以將《衝上雲霄》呢盤十一年嘅冷飯炒得特別香,連港喱都愛上咗,明白哂。

話時話,炒專業劇冷飯並非雞汁台嘅專利,人哋臺灣同日本電視台都識炒;不過論資歷,雞汁台可能係亞洲嘅No. 1。自從廿一年前連炒《壹號皇庭》五次飯開始,雞汁台係咁將專業劇翻炒再翻炒,到今日已經爐火純青,不過佢哋似乎愈蒞愈過分。

重記得當年雞汁台出咗《壹號皇庭》,之後大受歡迎,兼捧紅埋歐陽震華同蘇永康等人,之後幾乎每年再炒一次,前後有成五次。雖然係咁,但勝在呢類專業劇劇種夠新鮮,令到一班基層觀眾極之嚮往,可能係呢個原因,雞汁台開始玩唔同類型嘅專業劇,譬如《O記實錄》、《鑑證實錄》,好多都有續集o添。

咁之後呢,九五年《刑事偵緝檔案》紅爆全香港,四年內翻炒多三次。九八年嘅《妙手仁心》同《烈火雄心》備受追捧,程至美同駱天佑人人皆知,結果兩者都出到第三輯。唔單止時裝專業劇,雞汁台連古裝專業劇都唔放過,結果出咗古裝鑑證劇《洗冤錄》同古裝法律劇《金牙大狀》、《狀王宋世傑》,三部都受歡迎,同樣出埋續集。問你死未?

唔知係咪因為逢親炒專業劇就會受歡迎,結果專業劇愈炒愈多。千禧年代,雞汁台出咗好多專業劇,但凡醫生、律師、差佬(包括探案)、消防員、鑑證、飛機師等等專業,都走唔甩雞汁台嘅手指罅。結果大量專業劇响廿年內排住隊出場(以下只計有出續集之電玩劇及其輯數):

1992年:《壹號皇庭》(5輯)
1993年:《金牙大狀》(2輯)
1995年:《刑事偵緝檔案》(4輯)、《O記實錄》(2輯)
1997年:《狀王宋世傑》(2輯)
1998年:《陀槍師姐》(4輯)、《妙手仁心》(3輯)、《烈火雄心》(3輯)
1999年:《洗冤錄》(2輯)
2002年:《衝上雲霄》(2輯)
2003年:《律政新人王》(2輯)
2005年:《學警雄心》(4輯及2部電影)
2006年:《施公奇案》(2輯)、《法證先鋒》(3輯
2007年:《老婆大人》(2輯)
2008年:《古靈精探》(2輯)
2011年:《仁心解碼》(2輯)、《怒火街頭》(2輯
2012年:《On Call 36小時》(2輯)

就算係單獨專業劇,題材都同之前嘅差唔多,譬如而家播緊嘅台慶劇《法外風雲》同六月嘅《熟男有惑》,都係講律師;九月《神鎗狙擊》同三月《女警愛作戰》又係警察片;一月《法網狙擊》更同時有律師同警察。嗰尐《XX雄心》、《XX大狀》、《律政XX》、《XX狙擊》,十年蒞出現過唔少次,內容近乎千篇一律,睇到人都厭。

呢尐專業劇好似遊魂野鬼咁死纏住觀眾,再配合炒冷飯方式,係咁折磨我哋,呢個反映到雞汁台寧願繼續出專業劇愚弄觀眾,都唔敢拋低保守路線,開拓新嘅話題,同時更加畀我哋一個錯誤訊息,就係只有呢班專業人士先至被至高無上、值得追求嘅一群。當雞汁台要炒《衝上雲霄》冷飯,兼將「彈爛啲罅彈爛啲罅彈~」歌聲延續落去蒞企圖籠絡港男港女嘅時候,呢個證明咗雞汁台已經到咗技窮嘅地步。

重聽「彈爛啲罅彈爛啲罅彈~」?你唔支持發牌畀香港電視,恐怕之後再無機會㗎喇,哈哈哈哈哈哈哈哈哈哈……

 

作者:韋健

韋健
「九十後的回憶」系列作者,現《輔仁媒體》特約記者。FB專頁:http://www.facebook.com/waikinquote

閱讀後覺得好,請多多讚好及分享~:)

其他熱門文章

  • 【遊戲介紹】耍帥動作射擊遊戲 《Gungrave G.O.R.E》無限子彈變型棺材爽爆殺敵 by 五木
    主打耍帥和爽爆的動作遊戲,除了《Devil May Cry》外,還有另一個系列《Gungrave》(銃神)。新 […]…
  • 講起「蔡康年」,你諗起乜野? by 齋老味
    曾經係當紅DJ,因為施念慈報警話俾佢打,立即被貶為人渣,無得做DJ走曬樣,從此淪為TVB專用低能或變態角色。近年因為有高清台,無記多咗財經節目,先知佢原來而家係財經主持。…
  • 未來為你的旅途 – 鐵路願景 by MTR Service Update
    車務工程部就提出「鐵路願景」(RailwayVision)計劃,將三大鐵路範疇、設備,即車站、列車、票務系統更新之餘,仲期望可將服務提升至另一個層次,迎合下一個 20 年的需要。例如大家有無稔過售票機可以找番紙幣 ? 網上買完飛又可以直接搭…
  • 【憂傷的嫖客】「環保吹」 by 菠蘿
    某天下午,就在我們對一樓一場所集中地進行實地考察的時候,遇見了一行三人、正在「洗樓」的嫖客小隊。所謂洗樓,就是嫖客在一樓一鳳姐集中的大厦,向每個鳳姐單位門口按鐘、逐個審視,直至他們遇上合眼緣的鳳姐,與她們進行交易為止。而這三人有別於一般的嫖…
  • 解構精神心理治療——輔導個案概念化(Case conceptualization) by 西多士
    如果問大家對「輔導」一詞想起甚麼?可能會聯想到精神疾病,情緒困擾,婚姻問題,家庭暴力等。其實,「輔導」並不如有些人想得這般負面的。先說說「輔導心理學(counselling_psychology)」吧。!它是「應用心理學(applied_p…
  • 《鋼鍊》「等價交換」根本不是真理 by 方潤
    很多人提及《鋼》,都是提及等價交換原理,甚至以為《鋼》就是教人等價交換,其實是大謬。因為《鋼》的每一集都有這段開場白,由主角兩兄弟讀出:「人不作出犧牲,就不會得到任何回報,想得到一樣東西,就必須付出同等的代價。這就是煉金術的基本原則 - 「…
歡迎讚好我們的facebook page,免費資訊源源送上。

文章資訊

ID: 53779
Date: 2013-11-05 18:12:49
Generated at: 2022-11-29 15:25:03
Permalink: https://www.vjmedia.com.hk/articles/2013/11/05/53779/又來「彈爛啲罅彈爛啲罅彈~」?