當 Spin 變成屎片

(原載於:http://solelyrun.blogspot.hk/2013/11/spin.html

政府新聞網截圖

政府新聞網截圖

 

關於屎片:其實我份人真係唔多講屎尿屁,玩得嘅都畀人玩到爛。不過咁多年嚟「讀咁多書都係讀屎片」一語依然無可取代。喺呢個資訊發達、足不出戶都可知天下事嘅世代,要讀屎片邊駛返學?安坐家中睇電視,一樣得。

關於Spin:講 Spin ,我一定唔係最在行,前任中央政策組顧問劉細良寫過好多篇文,我冇睇晒都學到皮毛。當然,Alastair Campbell  (英國前首相貝理雅的 Spin Doctor) 至係呢方面嘅權威。但簡單講,本義為旋轉嘅 Spin ,套用喺政治上,有人譯作「政治化妝」 (上任特首最精於此道) ,我理解 Spin 有「扭轉乾坤」嘅味道,高手可音譯為「思編」,用之旁門左道可譯為「思騙」。至於低手囉喎, Spin Spin 下就 Spin 出塊屎片。

 

解完題,係時候入正題。

當免費電視發牌事件擾攘三個禮拜仲未塵埃落;當立法會引用《權力及特權法》嘅動議仍然存在變數 (講到好似天文台形容啲颱風嘅路徑咁) ;當香港電視職工會撤離政府總部近兩個禮拜之後養精蓄銳又準備包圍政總嘅時候,政府呢兩三日嘅策略又有所調整。

政府本來拎住兩大尚方寶劍,但第一把「已進入司法程序而不便評論」就因為司法覆核申請被撤回而唔用得;第二把「行政會議保密制」就因為多名前高官出聲踢爆而無法喺大眾面前站得住腳。明修棧道,暗渡陳倉,政府之前都密密透過「權威消息人士」放風,主力眨低港視嘅實力同形象,但成效有限。

呢兩日,親政府陣營陸續同梁振英見面。就好似新民黨立法會議員田北辰,同梁振英見過面出返嚟之後就開籠雀咁,同大家公布政府嘅四個評審標準,又話政府好重視申請者嘅財政持續能力,而港視就偏偏喺呢瓣最低分。唔講仲以為佢取代咗蘇錦樑做局長。

到星期二朝早,梁振英開行會之前就煞有介事咁話政府晏啲就會出份六頁紙嘅聲明

梁振英又說,聲明會交代3間申請公司的現金流、市值等財政能力、節目投資、技術水平、及節目多元化等資料。

當然啦,講就講一套,聲明發表之後,上述本應好實在好 factual 嘅嘢都唔覺有出現過,只係先設定前提話只可以發兩個牌,然後反複重申 11 項因素、 4 大準則,最後學人一言以蔽之咁話政府認為港視「整體上」冇人咁優勝。正常人等咗幾粒鐘之後睇到篇咁嘅廢話火都嚟啦。咁樣 Spin 法,有屁用咩。 (Shit,講咗個「屁」字)

 

蘋果日報FB 圖片

蘋果日報FB 圖片

 

夜晚輪到無線接力同政府唱雙箕,以「河蟹」、「反智」聞名嘅《東張西望》事先張揚做個特輯講發牌風波。雖然狗口長不出象牙(喂唔好話我隱性歧視狗呀) ,呢個節目嘅內容、取態都係意料之中。之不過,同政府出聲明前後腳夾得咁天衣無縫,好難唔懷疑《東張西望》都係 Spinning 嘅一部份。

或者政府嘅智囊認為,你一唱、我一和,睇慣無線食慣懵仔丸嘅家庭觀眾會受落呢一套。之不過,從 Facbook 及 Twitter 等社交網絡可見,投訴《東張西望》內容偏頗、公器私用嘅人都唔少。第二日報紙同電台嘅報道又會係點呢?當政府意圖用屎片嚟 Spin 嘅時候,轉嚟轉去矛頭始終指向自己,而且越 Spin 越臭,令原本可能都叫做丟低咗件事嘅人再次扯火。呢種「政治化妝」,先至係名副其實嘅浪費公帑。

 

作者:中佬

中佬
中佬,三十而立,最怕香港濕立立

閱讀後覺得好,請多多讚好及分享~:)

其他熱門文章

  • 【遊戲介紹】耍帥動作射擊遊戲 《Gungrave G.O.R.E》無限子彈變型棺材爽爆殺敵 by 五木
    主打耍帥和爽爆的動作遊戲,除了《Devil May Cry》外,還有另一個系列《Gungrave》(銃神)。新 […]…
  • 講起「蔡康年」,你諗起乜野? by 齋老味
    曾經係當紅DJ,因為施念慈報警話俾佢打,立即被貶為人渣,無得做DJ走曬樣,從此淪為TVB專用低能或變態角色。近年因為有高清台,無記多咗財經節目,先知佢原來而家係財經主持。…
  • 【憂傷的嫖客】「環保吹」 by 菠蘿
    某天下午,就在我們對一樓一場所集中地進行實地考察的時候,遇見了一行三人、正在「洗樓」的嫖客小隊。所謂洗樓,就是嫖客在一樓一鳳姐集中的大厦,向每個鳳姐單位門口按鐘、逐個審視,直至他們遇上合眼緣的鳳姐,與她們進行交易為止。而這三人有別於一般的嫖…
  • 「𠒇」字係咩嚟?——港姐冠軍帶出嘅哲學問題 by 散彈一號
    試想象下,喺未有電腦嘅年代,如果你見到某張手寫嘅form上面,有人寫自己個名係「陳曼𠒇」咁啦。你會唔會即刻覺得自己唔識讀呢隻字,即刻走去查字典睇下個字點讀? 應該唔會掛。你第一個反應,可能會心諗:「嘩,呢個人寫個『兒』字寫得咁樣衰嘅。」…
  • 解構精神心理治療——輔導個案概念化(Case conceptualization) by 西多士
    如果問大家對「輔導」一詞想起甚麼?可能會聯想到精神疾病,情緒困擾,婚姻問題,家庭暴力等。其實,「輔導」並不如有些人想得這般負面的。先說說「輔導心理學(counselling_psychology)」吧。!它是「應用心理學(applied_p…
  • 《鋼鍊》「等價交換」根本不是真理 by 方潤
    很多人提及《鋼》,都是提及等價交換原理,甚至以為《鋼》就是教人等價交換,其實是大謬。因為《鋼》的每一集都有這段開場白,由主角兩兄弟讀出:「人不作出犧牲,就不會得到任何回報,想得到一樣東西,就必須付出同等的代價。這就是煉金術的基本原則 - 「…
歡迎讚好我們的facebook page,免費資訊源源送上。

文章資訊

ID: 53786
Date: 2013-11-05 23:22:30
Generated at: 2022-12-01 12:08:16
Permalink: https://www.vjmedia.com.hk/articles/2013/11/05/53786/當-spin-變成屎片