打斜排隊?Y字排隊?定打直排隊好呢?

原載於:MTR Service Update Page

圖左上:西鐵站幾何圖案,圖左下:康城站開幕時的排隊指示,圖右上:轉車站排隊貨,圖右下:九龍塘排對法

圖左上:西鐵站幾何圖案,圖左下:康城站開幕時的排隊指示,圖右上:轉車站排隊貨,圖右下:九龍塘排對法

 

之前九龍塘站一邊的月台,曾在10月29日至11月1日,測試「左邊出,右邊集中打斜排」的新排隊方式,即係港鐵第 5 種排隊標準。好多朋友都話係抄台北捷運 … 但原來,最先採用嘅唔係人地嘅鐵路系統,反而係2003年通車嘅西鐵綫。

 

以前喺西鐵月台上(包括尖東站),門與門之間都有黑色幾何圖案,引導乘客於幕門的「固定面板」(Fixed Panel)候車。當大家有秩序地先落後上,就能縮短停車時間,但因宣傳不足,識得點排隊的乘客唔多,再精心嘅設計也是無用武之地。後來到2009年康城站開幕,月台幕門上也新增標示,分流開搭梭列車的乘客,好讓最長要等12分鐘車嘅佢地,到月台較適合嘅位置候車。隨港鐵乘客量每年均創下新高,而市區綫近年喺部分時段加密班次,一些繁忙嘅轉車站,都開始以劃綫方式,重現類似的排隊法。

 

「九龍塘排隊法」看似上落車係暢順左,不過最大的敗筆,是上車人流只可從右邊登車,車箱又無廣播,俾落車乘客預先企埋一邊就好位,於是撳著秒錶一睇,每班車停站嘅時間不跌反升,更甚係長長的隊伍時刻堵塞住通道。結果4日的測試當中,有3日站方都要間歇性關掉落月台的電梯,避免人流過多造成危險 …

 

停車時間增加的另一個主因,係現時月台上好難聽到關門廣播,好多時大家以為仲可以上車,點知車門隨即關埋,當夾到物件或者乘客本身,道門又再開過,結果造成惡性循環,費時失事。事緣當年地鐵公司鑑於衝門問題嚴重,便由九龍塘站開始,取消月台的關門廣播,務求乘客唔會落緊電梯時,知道車門快要關上就加快腳步,寧願「靜靜雞」關門就算。

 

事隔十年,「靜靜雞」未能關門發揮原有功效外,更要車站職員每到繁忙時間,以口述方式提示每班車何時關門。有見及此,全部行車綫(除輕鐵外)最快今年尾會有新裝置,每當列車即將開出,就同步於車內外播出關門提示聲帶;而太子站即將會再試行新排隊方式,直到月底才會結束,到時又要大家俾意見啦 😀

 

作者:MTR Service Update

MTR Service Update
數碼媒體平台上影子的鐵路公司溝通渠道, 專注於乘客資訊的工作,目的為示範公共事業之應有水準,服務範圍 ➡️metroride.hk/ServiceScope

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 55815
Date: 2013-12-01 14:07:50
Generated at: 2020-02-22 00:14:08
Permalink: https://www.vjmedia.com.hk/articles/2013/12/01/55815/打斜排隊?y字排隊?定打直排隊好呢?