究竟寫咩先會紅?

話說,路卡斯知我得閑,又知我鐘意寫下野,喺facbook send左一篇佢自己寫嘅野比我,嚴格上,係一段情節,一段愛情故仔嘅情節,叫我睇完,今晚聚會同佢講下覺得點。

路卡斯係我中學同學,基佬、基佬同埋基佬,大部份時間心地都好好,但都係一個八婆。我有時諗,係咪因為我都係一個八婆,所以先同都佢做到好朋友?點都好(唔想繼續諗自己係一個八婆),我睇左佢段野。

睇完,你係唔會明點解一個讀Fashion嘅學生,一個喺生活雜誌做編輯嘅人,寫啲咁嘅野。

我無等到聚會,我已經打左比佢,一開口就同佢講,「你段野好撚……唔好睇囉,又老土,人物做啲野又唔合理,你係咪抄tvb架。」

「咩呀~~好老土咩,我隨意咁寫,你幫我睇下個故仔點樣駁落去,之後你可以同我一齊寫嘛~」條仆街竟然扮可愛。

「咩點駁落去,你寫黎做咩?」

「無呀……真係隨便寫下,諗到咩寫咩。」

「做任何事都一定有目的,個目的係咩唔重要,但一定有!我問多你一次,你寫黎做咩?」

個死婆靜左5秒,「無……我搞緊網上雜誌,咁我想多元化啲,多啲人睇,咁咪寫下故仔,出下連載……話唔定會有好多人有共鳴,之後會有好多人睇……」路卡斯愈講愈細聲。

聽完,諗左一諗,「好!見你咁有大志,想好多人睇,我就同你講下點解我覺得唔好睇,女主角,Rose,30幾歲,在好友婚禮撞返舊情人,覺得舊情人分手後唱衰佢,心生怨恨,同佢當面對質,講盡難聽說話。個男嘅重衰,虛偽撚,最後又忍唔住氣同駁返個女人咀,你話我聽,點解你覺得啲人會有共鳴?」

「咁現實有好多人真係咁嘛……」路卡斯見我認真,都好正經咁答返我。

「你將段野,拍成片放上網,就會紅啦!因為人最鐘意係睇人仆街,但唔會想承認自己係一個仆街!現實有好多人係咁,唔代表佢地想睇返自己,你個女主角,30幾歲人,分手後好憎舊情人,依件事恐怖過咒怨呀大佬,有咩恐怖得過一個充滿怨恨嘅女人?就係一隻好恨嫁但嫁唔出,最後鬱鬱而終嘅女鬼!而佢根本就係向緊依個方向發展,主角唔討好,係死罪,依個角色唔係唔得,除非你係寫喜劇或者鬼故。」

路卡斯靜左2秒,問:「咁你話我聽,究竟寫咩先會紅?」

到我靜左。

我好清楚依一個問題係無正確答案,但我都不禁問自己:「究竟,寫咩先會紅?」

我夠膽講,寫野放上網嘅人,都係虛榮心較重的,講咩我只係想用文字舒發一下情緒,有無人睇?i don’t care~~

三個字:食‧屎‧啦‧你

每一個會公開發佈自己作品嘅創作人背後都是一顆渴望發光嘅星體,就算唔渴望發光,都會好希望有人認同、欣賞佢嘅作品。唔好比虛榮啲個字影響你想發光發熱嘅心,但依個係事實,總之,都係想有人透過你嘅作品認識你,讚你、支持你。低要求如我,比我個標題呃左入黎,以為真係會有秘訣講你聽寫咩先會紅,睇左我篇文,發現原來無料到,留個言講「我屌你老母無野睇嘅」,我已經會好開心。(其實好多要求囉,又要睇文又要留言。)

好,究竟寫咩先會紅,下回分解(仆街你想呃多讀者一次?係,吹咩。)

 

(編按:我唔直接答你,我用YOUTUBE 片答你)

 

作者:娜米

私人寫作純粹平衡心理,我寫得開心,你睇得開心,最好。

閱讀後覺得好,請多多讚好及分享~:)

其他熱門文章

  • 【遊戲介紹】耍帥動作射擊遊戲 《Gungrave G.O.R.E》無限子彈變型棺材爽爆殺敵 by 五木
    主打耍帥和爽爆的動作遊戲,除了《Devil May Cry》外,還有另一個系列《Gungrave》(銃神)。新 […]…
  • 未來為你的旅途 – 鐵路願景 by MTR Service Update
    車務工程部就提出「鐵路願景」(RailwayVision)計劃,將三大鐵路範疇、設備,即車站、列車、票務系統更新之餘,仲期望可將服務提升至另一個層次,迎合下一個 20 年的需要。例如大家有無稔過售票機可以找番紙幣 ? 網上買完飛又可以直接搭…
  • 【憂傷的嫖客】「環保吹」 by 菠蘿
    某天下午,就在我們對一樓一場所集中地進行實地考察的時候,遇見了一行三人、正在「洗樓」的嫖客小隊。所謂洗樓,就是嫖客在一樓一鳳姐集中的大厦,向每個鳳姐單位門口按鐘、逐個審視,直至他們遇上合眼緣的鳳姐,與她們進行交易為止。而這三人有別於一般的嫖…
  • 《鋼鍊》「等價交換」根本不是真理 by 方潤
    很多人提及《鋼》,都是提及等價交換原理,甚至以為《鋼》就是教人等價交換,其實是大謬。因為《鋼》的每一集都有這段開場白,由主角兩兄弟讀出:「人不作出犧牲,就不會得到任何回報,想得到一樣東西,就必須付出同等的代價。這就是煉金術的基本原則 - 「…
  • 講起「蔡康年」,你諗起乜野? by 齋老味
    曾經係當紅DJ,因為施念慈報警話俾佢打,立即被貶為人渣,無得做DJ走曬樣,從此淪為TVB專用低能或變態角色。近年因為有高清台,無記多咗財經節目,先知佢原來而家係財經主持。…
  • 語言陷阱(上):闕義、歧義、含混 by 楊梓燁
    這種因為語法結構的問題,而造成一個語辭(詞語、字、句子)在某語境裡有兩個或以上的意思,便叫做「語法歧義」。這種歧義的其他例子,例如有「求學不是求分數」,可以理解成「求學,不是求分數」,又可以開玩笑地理解成「求學?不,是求分數!」。又例如算命…
歡迎讚好我們的facebook page,免費資訊源源送上。

文章資訊

ID: 56308
Date: 2013-12-07 13:23:27
Generated at: 2022-11-27 19:58:27
Permalink: https://www.vjmedia.com.hk/articles/2013/12/07/56308/究竟寫咩先會紅?