維園年宵攻略

今個星期六至年三十晚,香港多處都有年宵市場方便市民選購各類年貨,而人流最多的,一定非維園年宵莫屬。

筆者今年已於維園年宵開張的第一天行了一轉,看看有可特別,不過先俾個心理準備大家,我喺絕對唔會推介果啲只賣吹氣玩具、放大版網上Icon做的咕𠱸以至網上遊戲佈景咕𠱸 – 果啲,你睇CCATVB新聞都一定有報,創意久奉,洗鬼上輔仁寫咩!

嚟緊新一年係馬年,一眾檔口不少都同馬字扯上關係的名字(不過唔知點解, 就是沒有檔叫「馬英九」?) 。其實呢,我覺得都幾爛下,個個都有個馬字,又點鶴立雞群?

 

維園年宵攻略

 

反而行曬成個維園,有幾檔唔關政黨事又有創意的值得推介大家睇睇,先講講, 有檔叫MINE(檔口 #253),主力賣的是環保袋同創意襟章,不過卻沒有標價 - 因為, MINE的意思是 “Money Is Not Everything” (錢財不是所有),檔主表示所有貨品由客人自己覺得值幾多俾幾多,十分之有個性!不過美中不足的,MINE大部份Product不是黑就色是白色,似乎唔多match傳統年宵市場的喜慶氣氛,不過唔喺咁又點叫破格?

 

維園年宵攻略

 

另一檔強烈推介大家支持的,是HK90up(檔口 #25), 推出了一套4款的卷裝紙巾 – 咁都好推介?無錯,因為在卷紙上印了梁振英等政治人物的漫畫!雖然某政黨檔口都有出類似Product,不過我真心俾唔落錢果個黨賺…而且,講生鬼同畫功,呢檔得好多,而一套四卷都只喺賣緊$68.9(佢仲平咗$0.9過我,實收$68),想起今晚就可「質」CY食屎,認真爽YY~(編按:我就無性趣俾佢舐 _ 眼)

 

維園年宵攻略

 

同一時間,「質」完CY食屎都要著番好底褲,男人的浪漫(檔口 #143)就有呢個曾灶財字體孖煙囪可供選購,等大家做個大地主「褲」甲一方,不過要先利申,呢檔股東中有一位據悉是輔仁作者,而傳說中她貌似事旦台新聞小花嘉欣BB…(其他寫手說的,因我那次在台灣無法參加聚會未見過)

 

維園年宵攻略

 

好,講完呢啲講果啲!政黨及社運團體在維園年宵開檔,似乎已成為傳統,一為籌款二為同市民接觸,今年有個很奇怪的現象,就是政見大不相同的政黨檔口位置竟然好近,打對面經民聯對公民黨,但公民黨隔離竟然是新民黨!另外保釣行動委員會隔離鄰舍就是工聯會,至於同屬泛民的社民連就同工黨打對面,只有學民思潮、民主黨、人民力量、民建聯及熱血公民是較自成一角。

 

維園年宵攻略

 

支聯會檔口一如往年在維園近天后的一角, 不過今年首日反應似乎麻麻,想起昔日華叔在生時,大家排長龍等佢老人家寫揮春的境況,今天似乎冷清好多。沒有了華叔,換來近日協助大陸新移民打官司爭福利的蔡耀昌及前立法會議員張文光上陣,似乎叫座力差得遠了 - 這也可說是政治寒暑表,近日中港關係弄得這麼不堪,這可說給某些人一個警告…但我仍希望大家留意,支聯會的六四紀念館未來營運在在需財,也是今年籌款的主題。

 

維園年宵攻略

 

另一方面, 如沒有記錯,支持同志平權的大愛同盟今年是首次在維園年宵擺檔(檔號 #116),出了一套大愛福袋,袋面印有黃耀明及何韻詩的靚相,希望引起大家對同志平權的關注,希望大家行開維園年宵都同朋友家人一同行去了解一下!

 

好了講住咁多,祝大家新年進步,CY快落~

 

 

 

 

作者:Leslie Chan

Leslie Chan
三歲的時候,住在渡船街,每天經過上海街的巴士專線上學,從此,與巴士結下不解之緣... 那個時候,渡船街是避風塘,打風時會有人掛風球,新年時可從樓群之間看見煙花邊... --- 為香港運輸物流學會(CILTHK)特許會員(Chartered Member),並為該會的運輸政策小組委員,同時為保育團體「尖碼之聲」的主席,一直致力爭取完整保留尖沙咀碼頭巴士總站而努力。 近年愛上台灣,最瘋狂一年去了四次,每天都會看台灣的新聞,希望可透過文章及照片跟大家分享台灣的美麗及好味。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 61393
Date: 2014-01-26 00:53:22
Generated at: 2020-08-15 10:39:31
Permalink: https://www.vjmedia.com.hk/articles/2014/01/26/61393/維園年宵攻略-2