強烈譴責排外法西斯袁崇煥

(網絡廣傳圖片)

(網絡廣傳圖片)

 

上個禮拜日先有一單廣東道法西斯「反蝗」遊行,今個禮拜日又有旺角拖筴歧視自由行旅客。我覺得班法西斯排外右膠好離譜囉!佢地知唔知中國人好慘嫁! 佢地又知唔知中國人都有好人嫁!因為呢班少數未識普世價值嘅人,而犧牲左香港人嘅大量包容,值得咩?講到呢度,我期然想講一句「掉那媽」!弊!講左句粗口 添!最衰都係發明呢句話果個人啦!係喎!原來佢都係排外法西斯右膠黎,呢條咁嘅袁崇煥同現代呢班法西斯右膠一樣乞人憎!

講起呢個人就慶啦!中華民族咁多人,大家都係中國人啫!偏偏呢個人就針對滿州人!果陣時人地滿州人地方又雪災又饑荒,冇啖好食嘛!點解唔俾人搬入黎唧?又話 乜野「遼人守遼土」,又整乜野「關寧錦防線」,即係擺明玩法西斯種族隔離啫!咩話,滿州人去遼東搶野?人地都係勞動階級,你有咁多錢同糧,點解唔分返D俾 人呀?知唔知咩叫人權?知唔知咩叫人道呀?殺人?唔小心有D衝突,錯手殺左幾萬人啫!你袁崇煥冇殺過人?仲有,人地都係打份工啫!你做乜要怪人喎!

仲有呀!呢個右膠衰都無倫呀!好地地同人打仗已經唔啱嫁啦!仲要係打緊仗嘅時候講粗口,教壞晒D細路仔,第時D人學左,你話點算呢?仲有呀!句粗口係侮辱弱 勢嘅滿州士兵,佢地都係聽命於人,佢地都係為左生存嘅勞動階級,你袁崇煥就剩係識向弱者抽刃,點解你唔針對東北三省氣候嚴寒嘅原因?點解你唔針對衛所制嘅 失效?點解你地唔識針對明朝嘅當權者?仲有死就死左,班廣東士兵仲同佢一齊嗌,為左一時侮辱人嘅快感,輸左明國人嘅國際形象,值得咩?

咁都不特止,呢粒右膠勾結西方極右勢力,用西方提供嘅先進武器(紅衣大炮),針對滿州平民,意圖消滅實行互相合作,實行社會主義模範嘅「八旗制度」嘅清國, 呢個人係乜野居心?居然妄想用呢D西方極右外國勢力提供嘅先進武器,打擊中華民族大融合?所以,到最後佢俾人分晒佢D肉黎食,真係抵佢死!應有此報! (「劊子手割一塊肉,百姓付錢,取之生食。頃間肉已沽清。再開膛出五臟,截寸而沽。百姓買得,和燒酒生吞,血流齒頰」)

吳三桂就唔同呢?為左中華民族融合而不遺餘力,簡直係大愛嘅典範。滿漢融合之後,係中國已經越來越難聽到果D咁難聽嘅廣東話粗口,果D乜野「掉那媽」慢慢消 失。八旗子弟又可以係各地居住,宣傳滿漢融合思想,中華民族大團結,幾好!乜話,佢地唔使做有政府俸祿?你係咪想歧視人地先?人地都係中國人喎!乜話,佢 地玩圈地,強搶人地土地?你要尊重人地生活同生產方式呀!人地係遊牧民族嘛!

仲有,要不是康熙大帝、雍正大帝、乾隆大帝照顧你們,你們早就完蛋了!乜話,你唔想滿州人要你剃髮留辮?人地多剃髮留辮,你咪剃囉!你唔想冇得集會結社?人地少集伯結社,你咪唔集囉!你唔想因為作幾句詩俾人斬頭?人地唔鍾意你作詩,你咪唔作囉!

仲有呀!人地為左融合中華文化而努力編《四庫全書》,都唔知幾用心融合滿漢,你班人就吱吱喳喳!又話咩滅絕文化又盛,眼光淺窄!融合係大勢呀!你點憎佢,佢都係你鄰舍啦!唔融合邊有得搵食呀!

 

作者:思賢

一位社會上的小角色,愛思考,希望別人亦能多思考

閱讀後覺得好,請多多讚好及分享~:)

其他熱門文章

  • 【遊戲介紹】耍帥動作射擊遊戲 《Gungrave G.O.R.E》無限子彈變型棺材爽爆殺敵 by 五木
    主打耍帥和爽爆的動作遊戲,除了《Devil May Cry》外,還有另一個系列《Gungrave》(銃神)。新 […]…
  • 「𠒇」字係咩嚟?——港姐冠軍帶出嘅哲學問題 by 散彈一號
    試想象下,喺未有電腦嘅年代,如果你見到某張手寫嘅form上面,有人寫自己個名係「陳曼𠒇」咁啦。你會唔會即刻覺得自己唔識讀呢隻字,即刻走去查字典睇下個字點讀? 應該唔會掛。你第一個反應,可能會心諗:「嘩,呢個人寫個『兒』字寫得咁樣衰嘅。」…
  • 【憂傷的嫖客】「環保吹」 by 菠蘿
    某天下午,就在我們對一樓一場所集中地進行實地考察的時候,遇見了一行三人、正在「洗樓」的嫖客小隊。所謂洗樓,就是嫖客在一樓一鳳姐集中的大厦,向每個鳳姐單位門口按鐘、逐個審視,直至他們遇上合眼緣的鳳姐,與她們進行交易為止。而這三人有別於一般的嫖…
  • 講起「蔡康年」,你諗起乜野? by 齋老味
    曾經係當紅DJ,因為施念慈報警話俾佢打,立即被貶為人渣,無得做DJ走曬樣,從此淪為TVB專用低能或變態角色。近年因為有高清台,無記多咗財經節目,先知佢原來而家係財經主持。…
  • 《鋼鍊》「等價交換」根本不是真理 by 方潤
    很多人提及《鋼》,都是提及等價交換原理,甚至以為《鋼》就是教人等價交換,其實是大謬。因為《鋼》的每一集都有這段開場白,由主角兩兄弟讀出:「人不作出犧牲,就不會得到任何回報,想得到一樣東西,就必須付出同等的代價。這就是煉金術的基本原則 - 「…
  • 解構精神心理治療——輔導個案概念化(Case conceptualization) by 西多士
    如果問大家對「輔導」一詞想起甚麼?可能會聯想到精神疾病,情緒困擾,婚姻問題,家庭暴力等。其實,「輔導」並不如有些人想得這般負面的。先說說「輔導心理學(counselling_psychology)」吧。!它是「應用心理學(applied_p…
歡迎讚好我們的facebook page,免費資訊源源送上。

文章資訊

ID: 64415
Date: 2014-02-24 17:03:12
Generated at: 2022-12-02 10:41:52
Permalink: https://www.vjmedia.com.hk/articles/2014/02/24/64415/強烈譴責排外法西斯袁崇煥