網絡欺凌?只係包容論者的字眼

 

被稱作網絡欺凌的人,或多或少係抵死嘅。呢個係唔少人嘅諗法,不過諗還諗,實在唔太多人夠膽講出口。情況同比錢搭地鐵點解一定要讓位(明明只係坐咗喺度,求其比人影張相就話無讓位比阿婆)類似,因為當一件「合理」嘅事出現之後,總有無數人正義超人上身,反轉頭去公審講出心底話嘅人。

就好似近日一位D小姐咁,佢放咗大量火辣相上交友網,出到嚟比人影相話貨不對辦。瘋傳(?其實未睇新聞之前,我根本唔知有呢件事)之後,結果聞說自動聯絡蘋果記者伸冤。

呢位D小姐,放相上交友網之前都肯定會預咗比人評頭品足,否則不如用返廿年前嘅《Yes》交筆友方式。網絡交友apps嘅最後步驟就當然係要出嚟(或者開房),而嗰位小姐未去到最後一步,實在係與「不誠實交易(友)」有關。

即係你睇廣告去買部聲稱同iphone 差唔多樣嘅國產機,去到舖頭發現原來係水壺嚟。你大屌三聲之後,喺舖頭外面影張相,叫人唔好浪費時間,咁都唔得?响網絡上,勸告朋友小心受騙係正當到極嘅行為。

 

呢種先正正係D小姐口中所講嘅「公義」。

 

中大螢光咖啡飯,有人見到即倒,有人食得津津有味。咪影張相比朋友,睇下咩朋友食得落囉!但最少張相係真嘅,又怕咩比人影呢?

而已,D小姐都承認係「呃視覺效果」,咁就係欺詐。成個交友apps就只有2D嘅相,唯一參考就係視覺效果,你點都無可能單睇相就知佢人品可當知己掛?咁即係100%嘅參考資料都係流嘅!

小姐,妳响一個公開網站放流料,之後比人踢爆,就話人欺凌妳?如果係facebook 都仲可以話只打算比朋友睇,但嗰個係交友網。妳唔會諗住去交班熟朋友掛!既然係target 全世界可能用到此apps的用戶,咁即係公開資訊啦!等同我寫篇文出嚟都想多人睇,但人地睇完唔認鬧臭我,我又一哭二鬧三上吊呀?

 

交友,為咩?識新朋友囉!
P相交友,為咩?呃新朋友囉!
谷胸P相交友,為咩?呃班鳩慶嘅新朋友囉!

有人話班狗公無品,食唔到女就鬧人。小姐,你唔係預狗公會有品呀?都有名你叫係狗公啦!上床係重點,交心係副產品,同買四仔預咗無劇情一樣。你唔好話我知谷到個胸咁盡,仲要拋晒出嚟係因為比人打腫咗呀!

Come on!大家都係成年人,點解就唔可以自己做過嘅事負責呢?

你欺人時,人亦欺之。
從前,當大家仲係有良知嘅時候,總會有人話:「各位街坊,大家嚟評評理喇!」

唔通進入網絡時代,我地就連評理都唔可以?

 

係!而家網絡道德撚嘅力量就係要所有網民都集體不負責任。分明就係有人存心欺騙,但只要一扮作受欺凌,就馬上撲班人出嚟,唔理事件嘅本質就不分青紅皂白咁去鬧人欺凌。

一個女人,就唔可以呃人?
一個制度下嘅畸胎,就唔可以討論?
一個地鐵小便嘅細路,就唔可以係某國人?
一個關乎社會利益但未判嘅案件,就唔可以令人驚訝?
一個證據唔足但肯定有問題嘅特首,就唔可以係一個仆街?

 

呢種先係真正對人唔對事。扮道德,裝理性,最後令社會無限包容,道德模糊化,同時令社會公義消失。

如果連勸朋友小心騙子都唔得,咁以後「警訊」就應該禁播啦!

 

作者:之樂

之樂
常言道:「知足常樂」。只要凡事沒要求,那就不是最快樂嗎?於是,之樂樂於成為宅男一「枚」,睇睇女,寫寫字,足矣!

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 66237
Date: 2014-03-14 13:12:35
Generated at: 2021-05-16 01:44:24
Permalink: https://www.vjmedia.com.hk/articles/2014/03/14/66237/網絡欺凌?只係包容論者的字眼