東江水大騙案

big6resouvir1

 

點解我地好多香港人以至香港傳媒,甚至香港政界,在討論東江水問題一直都「後知後覺」、「不知不覺」甚至牛皮燈籠,點極都唔明呢?我地由 2009 年反駁中共的東江水文宣,同成班高登友在網上「單打獨鬥」,請問點解政界、傳媒界、輿論界好似聽唔到,睇唔見,講極都扮唔明呢?

時間要回到 2006-2008 年,亦即快北京奧運而香港中國民族主義高漲,港人的「中國人身份認同」一路上升,大搞 CEPA 同「中港融合」果幾年!之前傳媒踢爆年年倒東江水落海係浪費,好折墮,因此由政界以至環保人士就高呼要同「國家恩情」的「國家」--中國傾合約;之但係「國家恩情」的「中國」,所謂「國家恩情」原來唔係國家的,係廣東省政府擁有的香港上市公司粵投的,唔知點解「國家恩情」係原來交畀香港全資上市的公司的「股民」所擁有,於是又係恩情,又要年年加天價,然後簽了一條喪權辱港的賣港條約。

改約之前,強迫你買唔需要的水 (11 億立方米),用唔哂你就要倒落海;改約之後,唔單止冇減價仲狂加,加完你用唔哂的水,就「送畀國家」去「感謝國家感謝黨的恩情」,而「唔送來香港」,成班傳媒當新聞稿照報,環保人士開心啦!「香港思匯政策研究所劉素向該周刊表示,香港從東江獲益,飲水思源,有責任有義務「反哺」水源地,尤其是經濟欠發達地區」嘩!真係有愛國愛到殺死你呀!你班傻仔乜唔知道,原來你畀錢唔係畀「水源地」,而係畀中共貪官的嗎?你班傻仔唔知道原來果間係你地左膠最憎的「萬惡資本主義官商勾結企業」嗎?啊,你地點解支持黨國企業加價呢?下次誠哥加你價你又係唔係舉腳支持呢?

就係咁,因為「感謝國家」、「愛國心」(愛國不愛黨咋,因為班傻仔以為係「幫國家…. 喎…」),於是左膠就配合政府 spin 到洗你腦 ,又話要為東江水感恩啦,又話要為令到經濟落後,阻住佢地經濟發展的大陸地方「飲水思源」啦,因此當你傻仔般又加你價,仲要減少供應畀你,你都要「快快樂樂感恩」!仲有,林鄭仲出來配合政府宣傳,話香港人全球「浪費食水第一」,X你個街!你唔用食水都係倒落海,咁我用左佢係浪費,定係你就咁倒落海係浪費呀X街?賣港仲要抽你水,你被人搵笨仲要「內疚」,有班友仲要繼續恬不知恥,幫政府宣傳屈你香港人的野洗腦,因此林忌就一再反思,這令我變成主張本土運動的最重要事件之一。

作者:林忌@每日一膠

林忌@每日一膠
每日一膠.荒謬的香港創立於 2006 年 7 月,作者為林忌,本博客的所有文章版權,除了轉載其人的著作以外,均屬林忌擁有;但亦歡迎所有非牟利的轉載,只要加上連結注明出處即可。 每日一膠的目標與宗旨,就是要清理香港一切荒謬的膠事,既以嘻笑怒罵的手法,卻不偏離嚴謹及準確的邏輯分析,祝願各讀者能夠化憤怒為笑意的同時,保持心靈的一點清明,把事實的真相看得清清楚楚。 林忌是香港本土作家,是近年提倡本土主義的創作人,專長法律、政治、歷史及音樂,多見報於《蘋果日報》,美國自由亞洲電台以及《動向》雜誌。此外從事《福佳始終有你》等二次創作的開創者 作風低調不務虛榮,謝絕一切上鏡訪問;及至其他,歡迎加入 facebook 聯絡作者;其餘的花邊小道流言,請君一笑置之,傳媒切勿引述錯誤資料,特此通告。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 68190
Date: 2014-04-03 12:00:17
Generated at: 2021-05-14 18:07:23
Permalink: https://www.vjmedia.com.hk/articles/2014/04/03/68190/東江水大騙案