別讓我成為Dr. Betty Wong的病人

(photo via cc Flickr user Frenkieb)

(photo via cc Flickr user Frenkieb)

 

是咁的,Betty Wong是咪偷走一個香港醫科生學額,港大醫學院收佢、人境處比佢留港多年是咪錯,大圍香港人都係抱住「哎冬忽京茄牙」心態看待。但N年後睇醫生,遇著這位Dr. Betty Wong(唔好話有得揀私家/唔睇,公營醫療冇得揀) ,香港付出的代價,會否是寶貴生命,而非以百萬計學費醫科學額?

進入14號房坐下,Dr. Betty對著電腦,檢視那長長的病歷,再對著無數次大小手術後仍然活著的我,臉色變得兇悍,以丹田氣喊出一句「Hollyshit!」狐異與憤怒,在半秒間湧上心頭:看病多年,從來未遇上當值期間對病人爆粗,或者粗俗半點的話,無緣無故為何要罵我?我遭糕的健康情況,何來換來一句「Hollyshit」呢?

我忍不住衝口而出:「我好好地黎睇病,你做乜撚要鬧我?」Dr. Betty臉色一變,一副滿不服氣的樣子,緩緩說:「我沒有鬧你,請不要用粗口鬧我。」

 

作為一個英文水平goodest的香港人,也知道在香港,除非偽ABC囡囡們,在老蘭飲得高興地叫嚷「Hollyshit」,否則這句話是一句罵人的粗口。憤怒加溫,我潛意識的爛口本性,開始自然流露:「醫生你咪玩鳩我啦,你對住我爆粗在先,我屌返句黎回禮好撚自然o者!」

Dr. Betty看來也開始火光,眼眸卻開始泛起淚光:「請唔好在精神上威逼和恐嚇我!句『Hollyshit』我講出口,只係對你的生病歷程,表達感嘆、讚嘆的意思,冇惡意架。」

我心臟開始跳起來:「你係咪癡線架八婆,我黎睇醫生唔係比你鬧『Hollyshit』架,好道歉啦喎,唔係我實port鳩你個黃綠醫生上醫管局架!」

Dr. Betty突然按著對講機:「Hollyshit!食Q唔該入黎,有個patient精神上恐嚇我,威迫我要同佢發生性行為,我要報警,抬佢出去!」

 

我頓時愕然。五秒後保安衝進來,用九牛二虎之力拉走我報警,我不斷掙扎大叫:「我冇恐嚇佢,我冇逼個女醫生扑野呀!」在心臟科14號房門關上前的一刻,Dr. Betty對我露出勝利的兇悍眼神。那個眼神後,我心臟不斷亂跳,呼吸也越來越急促,然後眼前一黑…….

 

作者:Christopher Cheng

香港淪落,關我嗶事?雖關我嗶事,但我逃不了。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 69570
Date: 2014-04-16 23:17:07
Generated at: 2021-05-14 18:14:36
Permalink: https://www.vjmedia.com.hk/articles/2014/04/16/69570/別讓我成為dr-betty-wong的病人