喜愛夜蒲初班

(photo via cc Flickr user Richard, enjoy my life!)

(photo via cc Flickr user Richard, enjoy my life!)

 

最近朋友工作壓力大,久不久都會落Club跳舞輕鬆下,小盛女成2x歲人都無去過香港嘅Clubbing,於是心思思又想跟朋友去看看。最後我們約定了Ladies night去Magnum,聽說夜蒲必備戰衣,正所謂「唔打得都睇得」,所以小盛女懶醒咁去H&M買了一條背心連身黑色裙,領位有點透視,沉實得來不太暴露,掂!

出發前收到幾個男性朋友發出的有善警告:「喂,好危險架,小心啊!」「喂,小心比人圍啊!」「喂,有咩事打嚟啊!」我又懶醒咁答:「車,我地有3個駛乜驚,而且我唔飲人地比我D嘢咪得囉!」於是下班後我換了隠形眼鏡,化了妝,正當我以為一切都準備就緒之際,朋友竟然「拗柴」嚟唔到,剩下我和另一個也是沒有落過Club的女性朋友,即刻淆哂底,但也不想掃興,於是我們還是硬著頭皮照原定計劃去中環。

 

10335936_10203654755870617_788577359_n

我fd就係send呢張比我睇~ 我就係搵極都唔見呢個金色牌lol

 

朋友用電話搖控我們到Magnum,還whatsapp傳來相片,圖文並茂,我們亦出動google map,「明明就喺呢個轉角位,點解無嘅?」,兩個白癡來來回回在同一條街走了十萬八千次,最後發現原來因為時間太早,連「實q 」都未企出嚟,頂!後來幾經辛苦搵到入口,當然即刻拎埋張身份證殺入去,點知高大威猛嘅「實q」哥哥同我地講 “You can come back after 11 o’clock”,乜話?未夠鐘?真是沒有最柒,只有更柒。

 

我們11點多就入場,當時場內只得幾丁友,有2個鬼佬即刻殺過嚟,其中一個用純正廣東話說:「哈佬,我叫阿Tom,你呢?」我心諗,Tom?小學教科書果個阿Tom啊哈哈!不過內容不是重點,重點是他說要點兩杯酒給我們試試,我還未來得及說不,他已跟bar tender落order,幸好bar tender說沒那種酒,於是我立刻用那個空檔說:「我們不用了。」過了數分鐘,2杯散發著香甜桃味的法國唔知乜Q酒已放在我和朋友面前,由於不懂如何拒絕,最後還是喝了。

雖然好多人都祟洋,但小盛女偏偏覺得他們其實很沒趣,說穿了只不過是懶gentleman懶風趣咁,又或者係我英文差啦,溝通唔到,文化差異掛,我還是覺得同聲同氣的香港仔好,於是我便說要和朋友兜兜圈,擺脫了鬼佬。到了另一張bar枱,朋友說我旁邊有個阿叔好似想叫我,說時遲那時快,佢即刻拍我膊頭,我唔理照走,佢繼續拍我繼續走,走了半張bar枱以為KO咗佢,點知佢突然從左邊閃出,Ok you win,原來是蝗蟲,還未說夠5句就約我明晚吃飯,我心諗,你食自己罷啦。

等到12點半,終於有人到舞池跳舞,於是我又出去「趁墟」,跳咗一陣,有個高大靚仔黑黑地嘅男仔用英文問我 “Hey, where are you come from?”我話 “Hong Kong.” 佢即刻用純正廣東話話:「吖,仲以為你係韓妹嚟添!」我問:「咁你呢?」佢答:「泰仔。。。講笑咋哈哈!」嘩,呢d一定係高手,都係咪搞,最後跳咗一陣我就番歸。其實落Club真係好無聊(如果不是要狩擸的話),因為想好地地跳隻舞都好難,唔似喺澳洲,澳洲clubbing真係可以free style enjoy music enjoy個氣氛,而香港clubbing,只係比一堆又寂寞又空虛嘅男女搵食嘅地方。

 

P.S. 剛看完Yahoo news《洋漢「偷走」港女短片熱爆網》而有感而發。

 

作者:小盛女

小盛女
80後中環打工妹,誓要追求work life balance的生活,並當一個幸福的食家。FB PAGE:https://www.facebook.com/littlevibrantgirl

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 72049
Date: 2014-05-11 22:38:45
Generated at: 2022-09-28 13:23:52
Permalink: https://www.vjmedia.com.hk/articles/2014/05/11/72049/喜愛夜蒲初班