從磁帶飛到智能車票

原載於:MTR Service Update Page

兩星期多前的 4 月 30 日,最後一部收取磁性車票嘅閘機完成改裝,標誌住呢款由地下鐵路通車、九廣鐵路電氣化,從倫敦地鐵引入香港,並已有 35 年的車飛,歷史終告落幕。智能車票最先由九個先導車站 – 牛頭角、大窩口、杏花邨、康城、奧運、欣澳、火炭、錦上路、車公廟站發售。自去年 11 月起,接近每星期都有車站改賣智能車票。原來,喺改賣嘅前一晚,準備工作已經正式開始。

 

左上:售票機的新票筒、右上:需更換的指示、左下:新款卡槽、右下:閘機在更新軟件

左上:售票機的新票筒、右上:需更換的指示、左下:新款卡槽、右下:閘機在更新軟件

 

踏入晚上十一點,首先站務同事會將賣剩車票,從各台售票機取出。由於智能飛厚 0.6mm,較磁帶車票厚身,承辦商高明工程的人員,需為售票機安裝新票筒,並調整軟件。其後,售票機就可以照常量度票筒的存量,得悉車飛幾時即將賣,或者係話俾乘知目前欠缺邊啲車飛咁。 至於俾大家「拍卡入.插飛出」嘅閘機,由於仍然要供尾班車乘客使用,所以要喺收車後由承辦商繼續改裝

閘機於改裝前 / 後最主要的分別,乃因日本廠商的產量問題,智能車票起初不會跟隨標準,採用 Felica Lite-S 制式,反而以 Mifare 制式的臨時車票頂替。新八達通讀卡器就要兼容 Felica、Mifare、Flica Lite-S 三種制式的聰明卡;出閘位的卡槽,加設了 LED 閃燈提示乘客要「插飛出」,內裡的機件則大幅簡化。同時,切換計劃包括要升級閘機嘅軟件,將現時 8 款閘機的螢幕畫面盡量統一。

及至 ~ 0400 時,承辦商又會分階段更新 10 款指示牌,最明顯的莫過於是閘機上的藍色貼紙,其次是售票機頂的告示,其餘分別有路線圖的車票圖樣、頭等車廂內的通告等。與此同時,分組車站經理 / 高級站長會事前返回車站辦工,監督並確認工程順利完成後,車站會通知控制中心,表示呢個要喺港鐵網絡重覆 82 次的切換,於該站順利完成。否則,車站只可以在開車前,盡量改回售賣磁性車飛,例如是為售票機安裝舊版軟件等,再安排新的改賣日期,幸而過程中沒有車站需要臨時取消開售計劃。

智能車票最終於 3 月 19 日全面啟用,比原定 3 月 25 日為早,而「遊客全日通」等於香港以外地區預售的車票,本來計劃可由各站的最後一部磁飛閘機處理,直至 4 月 18 日全數車票自動失效為止,但由於切換工程提前完工,乘客就可以更早使用智能飛,包括即將推出,屬回數優惠的「港鐵都會票」。 在分享部分罕有磁飛的圖片,這些車票都是港鐵公司未有保存的:

 

上圖排列最後的,就是「清潔飛」。大家或許還記得,以前 Cassette 帶、錄影帶年代,機器都有磁性的「讀頭」(或稱為磁鼓)去讀取磁帶上嘅資料;日積月累以後,錄影帶表面的磁粉,就會黏在「讀頭」上。當再要觀賞錄音帶、錄影帶時,音質、畫質就會好差,長遠甚會令播放器損壞。 於是就出現濕式 / 乾式的清潔用品。使用時,前者要先噴清潔藥水在專用的磁帶表面,然後再將專用的磁帶放入機內;後者只需插帶入部機播下佢即可。

「清潔飛」則屬於乾式產品。有時候,當大家買完飛入唔到閘,換過飛再用過其他閘機都唔得,同事就可能要攞「清潔飛」入落閘機的卡槽道,內裡的磁粉、灰塵同人體油脂,就會留喺「清潔飛」的凹凸坑紋。一般嚟講,每部閘機收 3 – 5次「清潔飛」就會恢復正常。又因「清潔飛」上沒有寫入資料,所以每邊都有個口,好似智能飛咁毋分方向插入。入左之後,東、西鐵、馬鞍山綫的閘機,就會顯示 Error Code 17,即係話閘機讀到佢係 Blank Ticket,再退番出嚟。由於智能飛的卡槽設計十分簡單,而感應器又毋須接觸車票,所以「清潔飛」依家都係鐵路文物的一分子。

 

作者:MTR Service Update

MTR Service Update
數碼媒體平台上影子的鐵路公司溝通渠道, 專注於乘客資訊的工作,目的為示範公共事業之應有水準,服務範圍 ➡️metroride.hk/ServiceScope

閱讀後覺得好,請多多讚好及分享~:)

其他熱門文章

  • 【辦公室智慧】Learn how to not give a fuck, you will be fine. by 沒有句號
    大佬個 Sales Assistant – Ann 姐入 form claim 電話費,一次過 claim 一至八月,公司 policy 講明只可以 claim 最近兩個月嘅單,會計部都係跟 policy 做嘢啫,過咗期自然就彈㗎啦,所以 …
  • 去到英國做警花(自稱),見盡社會光怪陸離。 by 英國警花
    早排見d移民谷,個個都好擔心治安,人人好似會抬個夾萬日日出街等人打劫咁款,好似治安除左偷竊打劫外就無野要考慮。講到治安,你有冇諗過英國好多警力其實花了在照顧精神病人身上?…
  • 解鎖記 by 健吾
    在泰國演藝圈工作的朋友說,聽說泰國演員之間,都會看不起「拍BL走紅的演員」,會覺得他們沒有演技,用旁門左道上位。只是,在這個時代,如果他們仍看不穿《sex and the city》中,samantha 說的現世代走紅秘笈:「首先是gay,…
  • 【PR】LEGO Bricktober 與你《共闖遊「樂」園》 四款限量版機動遊戲歡度 10 月節慶嘉年華 by VJGamer
     2020 年不經不覺已渡過大半年,準備踏入 10 月之際, 意味著 LEGO® Bricktober「玩」樂 […]…
  • TikTok 其實好重要 by 毛言地
    每個社交媒體都會有唔同嘅低能及危險玩意,就好似Facebook早前都有出現藍鯨遊戲,不過「危險」始終唔係Facebook嘅主流,大家上Facebook嘅主因唔會係為咗睇藍鯨遊戲比咩任務你。但TikTok當中低能嘅影片基本上係主流,咩Skul…
  • 「作為一個女仔識做家務係一件好可恥的事」 by 瓔庭
    「作為一個女仔識做家務係一件好可恥的事,你要同我記住。」細細個便響阿媽度學識呢句說話的Pat一家很完美的實行了這個「理論」,佢係一個十指不沾陽春水的大小姐。家中清潔、煮飯什麼的都是Pat的老竇同阿哥去做。甚至學校有家政堂寧願肥佬都唔肯去做任…
歡迎讚好我們的facebook page,免費資訊源源送上。

文章資訊

ID: 72586
Date: 2014-05-17 17:44:26
Generated at: 2020-09-20 05:35:40
Permalink: https://www.vjmedia.com.hk/articles/2014/05/17/72586/fromsjttosjst