一年一度「把鬼火」小一派位又黎啦…

(原載於:姐死姐還在

小一派位

 

前日就係一年一度「睇見都把鬼火」小一派位日。蘋果動新聞報道雙非家長出席「派唔到,點算好」講座,當見到雙非家長嘅對答,我打從心裡跪求上天,衷心祝福佢哋派唔到。張女士問呢:「可否換……喜歡上水這區?」,可以換架,換返間係深圳嘅畀你啦一於。你去百佳換煲你都要買嘢儲印花啦,你無交稅無付出,咁你係咪用手指來換呀?

小一派位今年只有66.4%小朋友獲派首三志願,係10幾年來嘅新低。聽到呢個消息,我諗起「香港要贏,劉江華就要輸」theory,「香港北區小朋友要係北區讀書,雙非就要輸」。我係偏幫自己友,但如果雙非細路都係派唔到首三志願個33.6%,你係唔係諗起都開心返先?

我哋要嘅唔只係香港小朋友派得好,我哋仲要雙非派唔到,本來啲資源係留畀香港小朋友架,個學位係佢阿爸阿媽喺香港做N年嘢,交稅積陰德儲返來架。

 

雙非家長,「派唔到,典蒜厚」?根據大陸人「Impossible is 甩繩」嘅原則,佢哋都有鍥而不捨嘅「發爛渣」精神。有雙非家長今日派唔到北區小學揚言召集千人告教育局。我而家呼籲你哋派唔到你個志願呢,直接去搵教育局局長「吳多掂」,唔好煩住晒小學啲校長同先生。正所謂怨有頭,債有主。

 

給派唔到北區小學嘅雙非家長:

◆入境處日日要看住你班靚仔過關,又要好似順風速遞咁送你班雙非「上路」,佢哋真係多得你哋唔少架。

◆「雙非」係跨境學童,佢哋係日日要過關,但佢哋唔係去美國留學咁遠水路。而家已經日日好似 Fedex 使命必達點到點咁,由關口送到你個仔去學校門口,遠少少你都「發爛渣」,香港啲靚仔係要「等多班」港鐵返學放學,萬里長征咁跨區返學架。

◆「雙非小朋友係無辜,佢哋都有讀書嘅權利」,係呀,佢哋有讀書嘅權利,但佢個權利喺大陸喎。

 

我對於北區小學校長老師表示萬二分同情……

◆你想像下,班入面有大量疑似患有「無定向喪心病狂間歇性全身機能失調症」嘅雙非家長,睇動新聞見佢哋「發爛渣」都打冷震,你話家長日係幾咁大鑊,我相信同勞改差唔多咁大鑊。

◆你又想像下,一班有大量「厚多士」家長,日日好似打街霸咁連環出招話你「厚多士」咁鬧佢個仔,真係識武功都內傷。

 

眾所周知,大陸人係得寸進尺的表表者,點先叫公平?佢哋派得好就係最公平囉。派到學位,佢哋要交通支援,學習支援,總之就係全宇宙去支援佢個仔。遲下,普通校巴係滿足唔到佢哋架啦,準備架動感影院互動學習列車比佢哋「上路」啦。睇新聞,見到啲本地家長派到原區讀小學,開心到好似個仔入到哈佛咁 happy,真係好心噏,一件理所當然嘅事竟然變到如此艱巨。過多幾年,報地址寫陰間都應該要佢跨區架啦,你想讀書,報大陸地址囉。

 

P.S. 好似流浪貓道理,愈餵佢,愈助長流浪貓;同樣道理,雙非家長一「發爛渣」,就滿足佢地要求,點杜絕雙非呀?你話如果好似飛行棋咁,雙非家長「發爛渣」夠3次,有得「送佢返大陸」,你話幾好呢。

 

作者:姐死姐還在

姐死姐還在
我叫奴隸獸,任職大公司極小職員,日日比阿姐政治迫害,深明「姐姐不盡」的真諦,以「你睇我唔到⋯⋯」為每日工作目標。 「姐死姐還在」fb page

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 74678
Date: 2014-06-08 14:52:49
Generated at: 2021-05-13 16:56:41
Permalink: https://www.vjmedia.com.hk/articles/2014/06/08/74678/一年一度「把鬼火」小一派位又黎啦