六月十三立法會:左膠可否唔好叫人坐係度就算?

是夜本想靜靜渡過,反正左膠騎劫的集會終必失敗,出席與否似乎作用不大,奈何又正好友人邀約於是便出發到立法會一趟。

 

2014年6月13日反東北規劃集會

 

到達後只見禮行如儀開機直播會內情況,所謂主持也只是往常一樣不停在問些無謂問題意圖凝聚群眾,什麼建制派可恥、陳茂波下台之類對白早已見慣不怪對我毫無作用,也只覺消耗參加者眾之體力。

 

大佬呀?你求其講句守護東北、絕不退讓,比返少少大志做下實事都好過咁丫?係咪?

 

正以為是個平安無事轉轉珠打打卡的9 hea一晚之時,卻見另一友人於Facebook提醒某部份人將有行動,追Post一輪後決意加入巴打們以免成了得個坐字的左膠,未幾人群快速移動突破防線將三重鐵馬逐一解體,也有人開始破門打算攻進立法會大樓。

(中途什麼胡椒噴霧、便衣制造混亂之類按下不表,反正大家都知道是什麼一回事,當時本人也在前線搬鐵馬、阻止警方衝出之類,未有空閒時間影相,抱歉)

 

至此以為是夜終將有史無前例的真正成果之時,警方亦開始部署反擊,而主持們亦開始安排人們坐下組成人鏈,本期望人鏈組成後將有助停止警方衝出,但卻見阻止警方的人量越見稀疏,回頭一看,人鏈只是圍著發言者而坐而毫無實際作用。亦有嘗試叫人到前線支援以阻攔警方進一步湧出,也是毫無作用,無人理會。

 

我屌你咩?咁你叫佢地坐低有撚用呀仆街?

2014年6月13日反東北規劃集會

 

最後當然由警方衝晒出黎反組人鏈作結,然後好啦,我退一萬步,攻唔到入去咁千人留守反封鎖立法會得啦掛?反正班議員都係唔敢光明正大行出黎架啦?最後實唔會走架喎(同時間人力主席袁彌明於停車場封鎖退路)?點知你條仆街左膠(sorry我真心淨係認得條仔個樣而up唔出係條撚頭叫咩名),人地一路係到嘗試衝入去/阻住差佬出黎既時候,你係到講被捕後可以有咩權利同埋有咩要做都算,反正真係會有人第一次參與而未聽過唔識處理。

 

但你個仆街,呢個時候竟然叫人捐錢?

 

算啦我再退一萬步,只係著眼今晚件事會點發展,好咧,話晒無一萬都有幾千丫?圍晒入黎真係佔領都似乎算係一個當時可用既上策呀?頂你個肺,你係咁不停同人講被捕後會點點點點點有撚用?留得係到既都應該一早預左會被拉啦係咪?你咁樣同自毀氣勢叫人地走有乜撚分別?好啦好啦好啦,我又再退多一萬步。算啦,而家都叫做有一大班人或坐或企咁係後面支持緊個運動丫,係咪?好啦,你個撚樣又出多招,大大聲聲話岩岩數過有三百人願意留守,我屌你呀?咁你即係同出面企得遠d果班割裂,孤立成個運動姐?

Fine,場係你既,話語權又搶埋,然後你又再一次四圍叫人講野?我唔係話比其他人發表下意見唔好,但有經驗既都知通常出得黎講既大多數都係緊張因而講到口窒窒,而且通常係生活上既小事,同運動主題(保村/反對香港被融合)毫無關係,根本係就進一步消磨大家既士氣,令到成個場面由抗爭變成自慰晚會。再配埋d萬用對白,乜野今晚我地咁多人願意留低,係一次成功既群眾壓力(之類啦 唔記得)。

 

請問你 咁做對於成個運動到底有何益處?

 

好啦,我受夠啦,人又唔係多,你所講所做又係曲線打擊群眾,咁既所謂抗爭我參與唔落,陪你比人訓係到等拉亦係無謂,撤返屋企做我既鍵盤戰士算數。

 

離開場區,見到數之不盡既警察同警車係到等住抬走你班人。

 

2014年6月13日反東北規劃集會

2014年6月13日反東北規劃集會

2014年6月13日反東北規劃集會

2014年6月13日反東北規劃集會

 

根本就係一副實食無痴牙咁既樣,然後你仲要係入面示弱,叫人乖乖地攤係到等抬。去到呢到,我好難唔相信你班仆街左膠係收左政府錢要黎摧毀成個運動!

今晚最大既得著,就係發現除左出名果班之外,終於有其他不知名後生仔女臨時組織而且做實事地去衝擊場地,應變同反應亦尚算可以,更有人被噴胡椒噴霧依然大叫唔好理班左膠,我地繼續衝!呢樣野令我十分感動,希望帶頭既義士唔會因為今晚比班左膠壞大事而退縮,下次依然企返出黎繼續勇武,到時我一定會全力協助你地的1

最後,希望各位竟然有心睇完成篇文既朋友緊記,左賊不除,香港必亡!

 

按:執筆之時行動尚未結束,有關11點打後事情發展,希望有朋友代為補充

 

  1. 小弟腳傷初瘉無乜力,為今晚未能出力擋住班差佬衝出黎感到抱歉 []

作者:Gray CL

Gray CL
不學無術以致無人問津,因而終日只懂與維基百科及Google為伍。就連出沒地點,也只在家中跟政府總部門外的一隻迷途小羔羊。

閱讀後覺得好,請多多讚好及分享~:)

其他熱門文章

  • 審計雞 by FAKE 文青
    呢個情境每日都上演,你已經分唔清楚你嘅正職係一個auditor,定係一隻雞…
  • 【真人真事】嗰日,朋友扑咗個黑警… by 都市女子日常
    情侶情到濃時緊係扑嘢啦,點知呀警察叔叔第一次淨係硬到一下,之後都軟過軟雪糕,搞咗好耐,連個套都鬆埋出嚟。…
  • 孟晚舟被定罪,比美國不給香港待遇更中中國要害 by Terence Yun
    大家要清楚明白中共決定將國安法入基本法當中,其風險必然會計算美國這一著,計算之內,意味著中共絕對可以承受到這個傷害,包括香港沒有國際地位,金融生意直線下滑,外資大幅離港等等。但中共可以承受得到,因為今天美國不是上世紀八十年代的美國,中國也不…
  • 陳法拉呢種女人,蘭桂坊無一萬都幾千 by 庵念慈
    陳法拉就是那種中國出生、家裡略有關係二代,去外國走一轉再回流到香港,口裡的普通話和英文都是有難聽的捲舌音,住在美國卻罵美國總統的甚麼不是。…
  • 老蘭嘅初夜 by SAZI
    我記得第一次去蘭桂坊係喺2011年,已經係九年前嘅事。仲好記得第一晚去蘭桂坊時候嘅衣著,藍色書包杏色闊腳褲藍色花紋T裇,總之唔係可以稱為「戰鬥格」嘅裝束,好似白癡咁鑽入威靈頓街間T字頭O字尾嘅酒吧入面,入到去全部都大過當時嘅我至少十年,全部…
  • 「廢青」之煉成 by 金仔
    「係喔,就到六點,你要走啦呵?」。那位妹妹不知天真還是「串」,「係呀,就夠鐘。」朋友無言。到了六點,那個妹妹準時離開會議室。朋友第二天跟她照肺,想知道她每天準時下班會不會有什麽特殊理由,會不會需要上課或家裏有什麽事等等。只見那妹妹很鎮定的回…
歡迎讚好我們的facebook page,免費資訊源源送上。

文章資訊

ID: 75239
Date: 2014-06-14 03:01:07
Generated at: 2020-05-30 04:49:37
Permalink: https://www.vjmedia.com.hk/articles/2014/06/14/75239/六月十三立法會:左膠可否唔好叫人坐係度就算?