「君子愛財，取之有道」，這句話由誠哥講出口，格外sincerely。
長實（001）最近有新樓盤，大埔區的嵐山（Mont Vert）第一期，樓書一出即成城中熱話。其中焦中，便是「奇則」177呎劏房。
在各界譁然，甚至對其惡搞之際。在笑聲之中，也反映了香港一些可悲現實：可以買到樓的人唔多，這個「177」將會是窮人恩物。筆者預料，這個盤將會爆熱，比上月「環宇公路」更甚。尤其近排細價樓搶到痴線，就知大家幾想上車，幾想做業主。
俗語有云：「若要住得好，勿買長江樓」長江樓的質素，大家有目共睹。如果買得起，一定買新地。可惜，就係好多人都買唔到新地，要捱$2.8既新地……筒。其實雪糕唔一定要食，雪糕只不過係甜品，食唔到咪算囉，最緊要夠飽，好多人就係連肚都未飽，就已經食甜品。啊，sorry，講緊買樓先岩，樓就唔同雪糕，樓係必須品。
我唔係幫誠哥講野，香港搞到咁誠哥都有份。但係大家唔可以忽略好多人住緊真正既劏房，又或者租緊一間房仔住。樓係必須品，其實香港好多咁既人。一間劏房最少都要$3500，一間房仔都要五千左近。劏房可以細到得張床──無錯，香港地就係一張床位都要三千五，廁所、廚房重要同人分。
我地望返呢個「177」，佢有咩好處呢？好處？無架啵。正如你去食老麥，斷估都唔會係貪佢夠健康，食得夠飽咪得囉！177就係夠你住咪得囉。我睇到蘋果動，佢話177唔夠位放張雙人床加衣櫃加沙發加茶机……我當堂得啖笑，雙人床？重要有咁多傢俬？咪玩啦。
如果我係一個劏房住戶，177對我來講，可能係一個double，甚至treble 。我可以有位擺個人物品，可以有個自己廁所，可以有個廚房仔。屋苑入面重有會所可以玩。咩話，無景覲？你有無見過劏房有景觀？我重唔狗衝？「我係業主喇！我有雞髀喇！」
狗衝前等一等先。雖然佢重未開價，但係我地不妨估一估，即使佢一萬文尺，lump sum都只係177萬。撳一撳個按揭，做九成按揭，30年期，1.9厘息……首期大約18萬，每月供$5,800左右。
如果畀得起，而又有首期，我一定會去買。買完唔自住都可以租出去，甚至可以拎來炒──香港地，樓唔係淨係用來住。我估，呢個奇則將會畀人搶到癲。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2014年7月12日
