蔣麗芸,你潮吹了嗎?

19

 

吹水,香港俚語,指不著邊際嘅閒聊同談天說地,有時會指天花亂墜的撒謊同吹牛,如「吹水唔抹嘴」、「你唔好吹水啦」等等。講到吹水,真喺唔可以唔提一下以愛國自居,大嘅立法會議員蔣麗芸啦。

佢呀?最近紅囉~首先喺《城市論壇》上,同「唔夠秤」嘅黃之鋒激辯,論述錯得離譜,比人哋串到一棟都無,發晒爛渣出晒水(我意思喺口水),好一個潑婦,連平時溫文爾雅嘅謝志峰都忍唔住要質疑其觀點,Seven都出汁。

 

 

另外,芸芸又重申公民提名並唔喺太多國家採用,全世界只有5個國家有公民提名,例如俄羅斯等,其他先進國家沒有公民提名!暗示「俄羅斯唔喺先進國家」?哦~大獲啦,竟然得罪普京大帝?好大的膽子,連雜⋯⋯習總都唔敢得罪嘅戰鬥民族你都攪埋,唔怪得有人將句嘢翻譯成俄文版送佢一程啦,吹水吹到俄羅斯,點夠佢玩呀?當然啦,到最後又被人踢爆全球至少有32個國家有公民提名,邊只得5個國家呀?完全沒有作為政治人物的常識。

 

30

 

我都唔講之前個啲「五星事件」「獅吼功」「結婚紀念日」啦,雖然我知道佢好想成為焦點,但水唔喺咁吹嫁!呀黨友大主席曾鈺成都建議佢「少啲講無乜用嘅說話」啦,或者吹水天份實在太高,娛樂性十足,咩嘢都可以吹一餐,真喺「吹水潮流在你手,日吹夜吹無得抖」。

 

 

見芸芸日日唔吹唔舒服,立法會又吹、論壇又吹、連facebook都吹一餐(雖然每次都被人秒殺),但都喺鍥而不捨咁講,究竟為了甚麼而虐侍自己?我懷疑佢從中必定得到某些感覺,否則唔會咁努力,情緒唔會咁高漲。好像呢種質素嘅人,喺所有立法會議員中就好似漆黑中嘅螢火蟲一樣,咁鮮明,咁出眾!一定要堅持!雖然我知道佢都無咩水嫁啦,我都想同佢講聲加油!繼續吹水!支持住呀!

另外,我留意到芸芸除咗吹水叻叻豬外,連抽水都有一手的(雖然又喺每次都被人秒殺),我為你好,勸你一句,你抽咩水呀?吹水都未夠水啦,水份唔夠就唔該係集中火力吹啦,又吹又抽,做死你呀,慘豬。

其實我有幫芸芸唸過,點樣幫到佢可以有多啲彈藥,結果愚弟得出一個結論,發現當芸芸被人攻擊癢處時,會自動波發動潑婦罵街式洪水,真喺無咩人可以頂得順嫁⋯⋯所以,為千萬花生友著想,芸芸最好做多啲保濕功夫,否則攻擊一到,我驚佢無水吹到。

 

唔知個結尾點寫,只喺想講:潑婦罵街,不知所謂。

 

 

作者:樂高創作

樂高創作
著力於聖鬥士Digital Illustration,時事文化評論。作品見於其專頁及輔仁媒體 https://www.facebook.com/iam.legostudio

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 78996
Date: 2014-07-22 03:22:45
Generated at: 2021-05-16 00:24:56
Permalink: https://www.vjmedia.com.hk/articles/2014/07/22/78996/蔣麗芸,你潮吹了嗎?