政治捐獻喎

政治 / 最新文章綜覽

 

星島日報:黎智英再被揭是泛民金主

 

蘋果日報老闆肥佬黎智英資助泛民政黨一事,Old news are so exciting,中共筆桿居然咁都攞嚟翻炒,扼維穩費真係既方便又快捷,老實說誰想搲銀,當然去各染紅媒體左copy右paste又一篇百九幾字冷飯文,一定好搵過投稿輔仁1

香港人的政治潔癖病入膏肓,也不是新聞,許多視「政治」二字為伏地魔往生咒的阿嬌,看到猩倒日報今天那個頭版,馬上炒蝦拆蟹肥佬黎正仆街反中亂港賣港賊漢奸英美特務…… 彷彿肥佬黎真金白銀資助泛民各碼頭便是原罪,政治嘅嘢好污糟㗎,死肥佬因此俾中共多年針對,抵L死啦。

 

其實值得香港這個破敗城市唏噓的,不是黎智英幾千萬資金所托非人,居然相信以和理非非為己任,擅於把香港善價而沽的民主黨同人,而是為何這個自詡鼎足紐約倫敦的地方,十七年淪陷至今,居然只得一位黎老闆懂得下注「民主」這塊招牌,其他那班所謂N大家族首富次富冚家富大孖沙,卻只懂把所有雞蛋押到共產黨竹籃中。

呢班無寶不落生意佬在公司教訓下屬時威風八面,又Risk management 又 Diversification 又 Division of Labour 又SWOT、做生意要分散投資減低風險、識得炒一定係炒Other people’s money (OPM)…… 呢班有錢佬扮哂嘢扮長袖善舞之後,原來只懂跳一種舞而已。

他們寧願離地寄生中共化身在港代言人,都不敢亦不願意自立門戶自己腳踏實地落場論政參政,自梁振英騙首上任以來,中共經濟殖民香港添柴加枝如火如荼,啟德「港人港地」由中共資本萬科鯨吞、賣港政府夾硬拍賣原已不敷應用3G網絡頻譜明益中移動、華潤香港子公司蛇吞象三千億國企母公司…… 閣下別跟我說上述注碼又係個別事件,X你,梁騙首竊位以來,中共政經部署環環相扣,正是共匪統戰香港即將大功告成,共產黨利用香港資本霸權寄生蟲完畢,正所謂狡兔死走狗烹,呢班包括李嘉誠在內的富豪姑息養奸多年,香港本土利益被共佬予取予攜,他朝君體當然相同。

看看彼邦美利堅合眾國,貴國政黨法規範,人人遵守遊戲規則,富翁捐獻民主共和黨又如何?最少所有事件跟從法令放於桌上,每次總統大選各自下注,那個畫面就似一班咬著雪茄有錢佬圍著賭魚蝦蟹,有人買蝦有人買蟹,有人兩邊下注甚至搏一搏圍骰,最少每段「關係」明碼實價。

 

香港政治幼稚園成班未戒奶嘴港喱大驚小怪,本地「政黨法」冒中共大不諱,旗下嘍囉當然提都唔敢提,沒有地面規則,當然只有潛規矩,中聯辦張曉明撩幾隻字就幫民建聯籌募一千三百萬,香港五煞之一民建聯年花一億攪蛇齋餅稯籠絡勢利短視港人,相比之下,肥佬黎四千萬贊助五泛民團體兩年簡直寒酸老土冇面之至。

港喱眼中不見中共港共無限金錢收買人心水源從何而來,卻一眾丐幫泛民為何乞衣兜中有一粒蘋果牌魚蛋,真箇最可笑的喊亦正常,其實就算捐錢俾民怯,點都好過交稅俾港共傀儡政府啦,佢收你錢,再用公帑全方位玩謝你一生,講呢尐?

 

  1. 編按:這些機會…… []

作者:爽健

爽健
不求聞達於諸侯,只願笑傲賞江湖。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 79063
Date: 2014-07-22 18:18:15
Generated at: 2022-07-07 03:05:56
Permalink: https://www.vjmedia.com.hk/articles/2014/07/22/79063/政治捐獻喎