【外展浮生】兒童外展

10553918_946584948692228_8909852781344431621_o

 

早一陣跟同事一起行比較新的屋村夜展,發現村內竟有二十至三十個高小學生出沒,有部份還只是三四年級,對我來說這真是非常特別。以前做深宵外展,凌晨區內當然充滿年青人,不過大多都是中一以上,小學的小朋友實在是十分罕見。罕見還罕見,還是有一兩次的。記得有一晚凌晨兩三點左右,有四位小朋友在公園很天真活潑地玩捉迷藏,當然我都會上前認識他們。當時有一位同事質疑為何要跟進如此年輕的小朋友,認為他們未必是外展服務對象。

我所以會去認識他們,是因為之前實習時陳偉良教我:年青人有否介入需要,單憑外表是不能判斷的。當然年青人外表會對工作員的評估有些啟示,例如頭髮染了顏色的年青人,至少他們未必有在主流學校上課,又或是會在主流學校經歷訓導老師的勸導等。但是年青人的實際狀況或需要,除了你認識了他們,你是無法判斷的。事實上以我的經驗,以貌取人在外展工作上是不可靠。舉例說,我所認識犯了大案的年青人(如打劫/爆竊等),他們的年紀可以很小(如十二至十四),外表一般與普通學生無異,甚至有些還相當純良(即係好薯咁)。又例如上文提到的幾位小學生,他們在兩個月已經涉及了兩宗刑事案件。反而頭髮染色、身體有公仔既,好多都是犯傷人三十九,論嚴重性遠遠不及那些「薯仔」。

 

剛剛提到,有同事質疑我跟進「小朋友」的原因(我諗係佢覺得我捨難取易,唔「打大佬」),吊詭的是,隨著「小朋友」們成為大案的中心人物,同事(們)對我的質疑慢慢減少,甚至開始對我有認同。就好似黃子華的《旋風腿》的劇情,我既工作表現竟然因年青人的犯事而受認同,可能我都要同年青人講:「多謝你地,你地唔犯事,我有排都翻唔到身。」

當然係講下笑啦,我覺得既然係年青人未惡化前、細細個時已經認識到,最好就係緩減惡化,唔好等到他們犯左事先開始工作。所以以前係小隊會議講會唔會做針對高小既兒童外展,我其實非常贊成。既然我們知道村的結構上會孕育出不少江湖人物,何不在年青人「上位前」就做下預防工作呢?退一步講,好多已經在江湖上正式工作的謀生的年青人,要他們「轉工」有時真係好難。如果連比較容易的預防工作都不做,就可能會「易又唔願做,難又做唔到」的情況出現。所以我都幾想去做高小兒童外展。

 

 

作者:菠蘿

廢社工一名

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 79121
Date: 2014-07-23 17:15:44
Generated at: 2021-12-05 07:26:02
Permalink: https://www.vjmedia.com.hk/articles/2014/07/23/79121/【外展浮生】兒童外展