「亞視雙面暗星」、「十八歲走堂港女」、「黑面老闆娘」……呢一班靠大家睇片助養、收錢扮廣告又要扮分享、一個話部洗面機毛好細，另一個話要拎去洗身既”Youtubers”，好似欺騙了一眾港女的感情（當然仲有唔少置妝既金錢）。但係資本主義掛帥，「搵食姐，犯法呀？」既香港，大家唔係應該早已參透呢個世界「冇咁大隻蛤乸隨街跳」既道理咩？
BLOG、XANGA興起初期已有不少化妝達人、潮人索女寫文分享化妝扮靚心得。有樣又有技術既輕鬆獲得數十萬FANS，每一篇文都係信譽保證，每用一枝眉筆唇膏都係潮流指標。隨之而來的就係各大品牌有腦MARKETING同PR既垂青，提供免費試用比有名氣有追隨者既BLOGGER，等佢地用完「覺得好用」幫手賣下廣告，一但有一樣產品得到同時幾個BLOGGER撰文提及，一眾港女就自然仆到去買，好過比成百萬出廣告。然後有人開始追求突破轉型做有聲有畫教化妝教襯衫，甚至講自己daily life，答50條網友問題都有幾十萬人睇既Youtuber，收到既試用（贊助）分分鐘比明星仲要多。
呢一班Youtuber成功建立起自己既brand name，總之佢地用過既介紹既就等於有質素保證。佢地係每一條片用既每一枝筆每一盒粉每一個袋每一條鏈每一對鞋都會有人留言問：「邊到買？」。到大家慢慢發覺，點解佢地咁多錢買唔同產品既?點解條條片佢都話有品牌送野黎既？再慢慢發覺，點解佢會做左代言人仲有廣告指既?一眾港女心中就開始覺得不是味兒，「唔係我地日日睇你，你會有免費化妝品用咁好？唔係我地你會紅?…….」就開始聲討Youtuber賣廣告扮分享，大家想睇既真心分享好似買少見少云云。
但，港女們，其實，人地老奉同你分享嫁？
唔通我用左會靚又要話你知咩？
依家中女中男比例3比1呀，3個30歲以上既中女就有一個未嫁出呀，係大草原上，你地係競爭者黎嫁，會唔會係奢求你對手話你知佢贏你既必殺係咩？根本從一開始，有人出黎分享就應該要感恩，而人地幾時喜歡不再「真心分享」也是無可厚非的，作為一開始就諗住做CD ROM拎著數、免費學師既人，有咩資格去控訴人地唔再同你分享呢？而一開始有心分享，到今天有意想不到的回報既人，的確好值得提子，冇計啦，鬼叫人地有樣有技術有膽拋頭露面咩？其實如果當初你肯，好可能你已經唔再係普通港女！
無可否認，樹大有枯枝，眾多Youtuber中不可能個個都係聖女係純情小女孩，「成日係佢條片到出現個個其實唔係佢男朋友」、「聽講佢成日黑佢間鋪D員工面」、「其實佢老公到底係咩人，點解唔出得樣？」「佢收兩萬一條片先講到咁好用咋」……太多太多可以令我地去質疑一眾Youtubers既人格及誠信。而廣告扮分享呃人入去睇又的確幾傷害一眾女生弱少既心靈（其實，就算註明左係廣告，希望自己潮D同朋友多D話題既港女們，係咪就真係唔會睇個條片都係一個好問題）。但值得我地花時間去計較咩？
講咁多，筆者都係想講：做女人，最緊要有智慧有腦，人云亦云冇獨立思想冇批判思考，比佢真係同你真心分享，你都只可以做一個花樽。睇左分享係我地賺左、睇左廣告咪當開眼界，係呢個經濟可既市場，冇demand自然就冇supply，劣貨會比市場自然淘汰。何必認真做一個潑婦去聲討、搵人黑材料（只會令你唔喜歡既人更出名），令自己多條皺紋呢？
一個大器既女人，真係會介意人地個分享係唔係廣告咩？
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2014年8月4日
