【憂傷的嫖客】去嫖的理由

(photo via cc Flickr user Philippe Put)

(photo via cc Flickr user Philippe Put)

 

當小弟做緊嫖客外展服務,好多人會問我:「知唔知點解d男人要去嫖?」

我知,有好多人(可能包括睇緊呢篇文既你)會假設自己非常清楚男人去嫖的原因:「有需要」、「淫賤」、「性欲強」及「用陰莖思考」等等都是小弟身邊友人們提供的答案。答案是否如此直接簡單呢?難講,不過既然投身嫖客服務,當然都想問下嫖客們他們去嫖的原因。有一位同事在一樓一網上討論區開了一個主題,題目是「知唔知嫖客點解要去嫖?」這位同事固然犯左一個邏輯謬誤,結果一眾師兄都一致回應:「吓,唔嫖就唔係嫖客啦,樓主你無野呀?」(註:本身想Cap圖俾大家睇,不過唔知點解個討論區關閉左,搵唔番)

就在同事出左上述主題的幾分鐘後,有一位師兄開左一個主題講解去嫖的原因:

「你諗吓,如果從正常途徑媾女,媾到 D~E cup 大波妹嘅機率係幾渺茫,遇都未必遇到莫講話媾到上床,而且你行街所見果D所謂大波,其實可能只得 C cup,唔算堅大。想揸大波唔靠叫雞?好難囉~ 但如果你叫雞,400蚊!!!就玩到唔叫雞嘅人夢寐以求嘅大波。」

 

這位師兄的講法又好似有道理,去嫖,可能就係為了不平凡的身材。不過唔係每位師兄都好認同,我試下簡單歸納他們的回應:

1、 服務至上組別
「我覺得身材唔緊要,反正我興奮時都係合埋眼,至緊要就係試到女友唔願做既野,淨係吹,我條女已經唔會做啦。」

2、 簡約至上組別
「其實我淨係想快快手手簡簡單單解決,叫雞又快入主題又無手尾,唔洗搞咁多野。」

3、 減壓至上組別
「有咩好得過你俾老細小完,即刻小番條女夠減壓,叫完雞,真係咩壓力都無哂~」

4、 單身快樂組別
「無女又唔想靠左手(or左右手),出路只有一個。」

5、 需要仍在組別
「我老婆佢…已經無需要啦,但係我有。」

 

當然,以上組別未能盡錄每一位師兄的心聲,小弟亦唔敢代表每位師兄講去嫖的心底原因。不過在三藩市的一間專門研究性工業的調查中心Prostitution Research & Education在2009年出版的 “Men who buy sex:Who they buy and what they know ” 訪問了倫敦的103位嫖客,他們去嫖的理由與上述幾個組別幾相似,不同的是多了兩個組別。

 

嫖客

“Men who buy sex:Who they buy and what they know”

 

結果調查顯示去嫖的理由,「解決即時性需要、娛樂」排名第一,接著是「追求多樣性」,即是追求刻板性印象的「好身材(香港來講即係胸大但身瘦等)」。第三的是「追求他在現時伴侶關係得不到的性/情感經驗」,例如好多四五十歲的男人,都會覺得自己老婆無需要,但自己有所以嫖。第四就係「簡約主義」,即係方便無手尾。第五就係「追求破色戒的快感」,好似嫖帶俾嫖客冒險的感覺。而第六位先係大家常講的「性欲強」,甚至已經「性上癮」,不能自拔,一有錢就丁丁痕。最後就係「男人幫」,嫖,原來都可以係社交活動的一種。

從本地的網上論壇到外國的正式調查,我們可以發現無論是任何理由,都有一個共同點:就是他們都覺得去嫖,就算不是一個愉快無比的經驗,都至少係一個正面到值得他們用銀紙換來的體驗。但係事實上,又係唔係咁呢?是咪嫖完後師兄們就得到他們想要的東西呢?

 

下回分解。

 

作者:菠蘿

廢社工一名

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 80700
Date: 2014-08-05 16:46:56
Generated at: 2021-10-20 00:39:03
Permalink: https://www.vjmedia.com.hk/articles/2014/08/05/80700/【憂傷的嫖客】去嫖的理由