【憂傷的嫖客】「奶西」的奧義

10574454_341481762682465_7672558584789733598_n

 

正所謂人人既性趣唔同,「奶西」–即係幫女人口交,有人嫌太重口味;又有人話好鬼滋味。筆者試過係一樓一論壇開過主題詢問師兄們,對於出去嫖「奶西」的睇法。好多師兄表示太重口味:「咁臭都奶,唔L係掛?!」,亦有幾位師兄表示:「西,係甜既、香既、好味道既」,唔,都食得幾「招積」。

口味既野,筆者無咩意見,不過如果師兄們出來玩,玩埋幫囡囡們「奶西」,就係一件好高風險既事。大家要知道,大部份性傳播疾病包括愛滋病都係經深層體液傳播:即係血液、精液及女性的陰道分泌。而要進行性交又要預防性病傳播,基本原理都係阻礙體液接觸。所以無論係人所共知既安全套,定係之前提過既口交套,都係防止大家接觸彼此的體液。

 

問題是:「奶西」又如何避免體液接觸呢?

 

繼續講之前,我想先介紹一位我好欣賞的同事俾大家識–強爺。因為無佢,我都寫唔到呢篇文。強爺,主力做網上嫖客外展,而作為一位打工仔,我未見過有人比佢更加霸氣。

強爺遲我兩個星期入職,入職初期,老板完全無野俾佢做,淨係要佢睇文,結果中心所有電話都係佢接。誠實講,聽佢講電話係我地返工既娛樂之一。有一次有人打來問點樣可以來到中心做測試,應該係地鐵站邊一個出口來。佢竟然答:「其實睇你想行幾耐既姐,A出口又得、B出口又得,識路既咩出口都來到架」。另一位同事忍唔住笑插口:「係既,地球係圓既,點都來到既」。

又有一次佢臨近放工前十五分鐘就開始熄機收電腦,同事問佢做咩,佢答:「唔收定,點可以準時收工呀」。跟住到六點鐘,佢見大家都未準備走,佢竟然問佢直屬上司:「咦,老細點解你唔放工既?」霸氣如此,難怪佢已經無做了。

而有一日,我突然諗緊「奶西」如何避免體液接觸呢個問題,問下各位同事,就係大家都答「出來玩,唯有唔好奶西」之際,強爺答:「吓,用保鮮紙咪得囉。」「唔係呀,保鮮紙都得?」同事們包括我都半信半疑。強爺答:「係呀,我打過去衛生署性博士熱線問過,佢都係咁講。」

 

我果時心諗:保鮮紙,原來就係安全「奶西」的奧義。

 

我試過打去衛生署性博士熱線求證,因為個錄音太煩所以無問到。結果我係外國同台灣的性知識網站搵到兩個安全「奶西」的方法。第一個就係用牙醫專用的橡皮障 (Dental Dam),因為佢防水防穿,係安全「奶西」的首選。但係有一個好大的弱點,就係難買。你同我都唔係牙醫,無啦啦係邊度搵個咁專業既橡皮障?要知道橡皮障係牙醫做手術(如根管治療)先會用。貴唔在講,依家連買都難,唔通去牙醫度買咩。

 

第二個方法就係改造安全套,方法如下:

參考自: http://www.sexualityandu.ca/stis-stds/how_do_i_protect_myself_from_stis_stds/dental_dam

 

靚仔 食野

 

第二個方法睇來易少少,有安全套同剪刀就得,以後嫖,帶多把剪刀就得。

 

咁傳說中既保鮮紙呢?唔,根據台灣衛生福利部出版既套住我的愛–戲說保險套:保鮮膜一扯就破,加上穿透性又高,防護性不足,切記勿用。

 

作者:菠蘿

廢社工一名

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 80898
Date: 2014-08-07 15:31:45
Generated at: 2021-10-21 00:42:13
Permalink: https://www.vjmedia.com.hk/articles/2014/08/07/80898/【憂傷的嫖客】「奶西」的奧義